Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 YOHANES 2:3 - Allah Wene Fano Wene Hupla Inane

3 Wene Allah nen komotninaferek wene andi, hologo higithogo hilingiti lago halok he, at ebe nineluo, iluk andiba nen ninendawinggen wenggelogo futfikhi lago.

အခန်းကိုကြည့်ပါ။ ကော်ပီ




1 YOHANES 2:3
26 ပူးပေါင်းရင်းမြစ်များ  

Haren an wene ekhe inom futfouwageluk hilingnobagakhi lagenma re, nendawimo nagaiyek oba Hat hawene melalek a'nogo furogo hilingiti logogin.


Nen, an nen Hat hawene melalek andomaba fifurogo hilingiti logogin halok he, an hobuk nenggali asigin lek.


Andi faget he Tuhan nen ikhi logolik, ”Enggin-fenggin andoma mondogat heinet warogo hilingfembik, at agaiyekhogo oba liok igin o isikhe. An namingmingengge andi re An nendawimo anggigirek mene higithogo hilingite, afuni hokhorogo unggum hela mene re at amu nen wanhe. Nen at alisikhogo An nen it inaweak sebelogo leget fisikhi logogin.


A'nogo yagaisasikhesik he, mel yagaisasikhe: ”Hit an nen yagahisikhi lagi mene hilingiti'lek logoligat he, noe, noe, iluk nenahalok yaganeti lagep.


At Yesus nen wene a'nogo warisasikhesik he, wene ekhe mel yagaisasikhe: ”Hit an hinendawinggen hundik halok he, an nen hit yi'nogo hilingiti logoino, ti'nogo hilingiti logoino, iluk yagahisikhi lagi mene andi hilingiti logogun o.


Nen, an neisena nen, yi'nogo hilingi'no ti'nogo hilingi'no iluk yaganetikhe mene andi, an nen at ane hologo hilingitunem, aren an endawinggen hundik welagarek hak, hit a'nogoat an nen yi'nogo hilingi'no ti'nogo hilingi'no iluk yagahisikhi lagi mene andi, hiren an nane hologo hilingiti logogun halok he, an nen hit nendawinggen hundik logogin o.


Nen, an nen komorogo, yi'nogo hilingi'no ti'nogo hilingi'no, iluk yagahisikhi lagi mene andi, nane hologo hilingiti logogun halok he, hit an nagaila'lak aro.


It afuni nen he, Allah ami amuat eberogo fogerasu mene werek iluk, hebe inelu agik, nen an Yesus Kristus laknobagai wagenma wagi mene yi nebe inelu agik, ili'lagwi andi re, ineluk mondok welagaikharek ero andi aro.


At Allah nen ikhi logolik he: ”O mum andi anggele'ma nen selek asuak,” iluk isikhe andi hak, arenat nit ninendawimo mum mene andi selegetninafikhemo welago. A'nogo logolik, at Kristus elokhonggen mo hangge amulit yatunem nineilenggen yethaluk he, at Allah fogeratarek mene a'nogo ebe ariginik iluk futfikhi logouwageluk a'nogo selegetninafikhe andi.


A'nogo yanggulhi logolik, wurep kobokhogo hilingitikhemo nit at ane hologo logogun mene halok ninebe mondogat nineluk mondok-mondok logouwageluk at ebe telninaferek mene ero hilingisogo fesikhe andi.


Neisenalage. At ebe o attak eroba nen welagarek mene a'nogo hinelu agagipsik welagep andi nen he, lisu palogo hinoba lakfei wagi. Nen, hit ap alage nagoromi e. Hiren at obabut weak mene a'nogo arat mabenet fisasigipsik welagep andi nen, lisu palogo hinoba lakfei wagi o.


Allah nen ninebe wa'lagaikhare'ma nen wo'ninafikhesik, ineluk welagaikhare'ma ninobagaikhemo welago iluk, nit-nit ninerugwi ninagaila'lak ninom nendawi-hendawirogo welago andi nen futfikhi lago o. Halok he, sa nen afuni ekhe endawirogo welagi'lek, abit welagarek mene andi ebe wa'lagaikhare'ma andomaat werego.


Niren ninobabut a'nogo hilingiti logolik, ninendawimo nen he, ”Nit ninebe Allah ebe mene againafuri welago,” iluk futfogoin. A'nogo futfikhi logolik, nit weak hilingito, iluk ninendawimo enggin welago halok, nit ninebe elo'lek menere, at Allah nek he, ebe hokho logolik, yi wene ti wene mondogat elu nek welagarek, iluk, at eilhanem ninendawimo serogo ninailo lekhogoat logoguno.


Andi nenat, nirat ninom hundik mondok welago mene halok, ninebe lombok weak hilingitu mondok welagorek lek. Mene re, it afuni ekhe weak enek hilingitu mondok welagaikharek mene inebe lombok he, at ebe ineilenggen higi'lek inonggorat werego.


Allah nen Areagun wo'nisasikhe andiba, niren anggikhi logolik, ”At nit ninom hundik werek. Nen, nit at ninom hundik welago,” iluk futfikhi lago o.


Nerugwi nagaila'lak. Nendawilage. Afuni ekhe inendawirinafarek andi ero at Allah atma re, nit-nit nendawi-hendawirogo logouwogo. Afuni nendawi-hendawirogo logogun mene halok, inebe lombok Allah nen taginafikhemo, at againafuri logolik, at ebe ineluat werego.


It afuni kweangma mene inobabut inetok mene andi mondogat he, at obabut weak mene a'nogo enggiba welagaikharek. A'nogo meneat he, nit enek he, Allah ebe againafuri mene welago, iluk ninelu o.


A'nogo logogun iluk, futfuluk he, Allah ebe ninendawirogo logolik, wene aren komotninafikhe wene andi hologo higithogo hilingiti logolik, at againafuri taginafe mene andi ninendawirogo logogun aro.


Nit Allah nen ta'ninafe mene halok ninebe lombogen he, ”Allah ane andi eberogoat,” iluk ninendawinggen at oba himbiret fogorek andiba, it afuni kweangma mene inobabut inetogat logolik weak hilingitarek mene andi mabenetfisaluk ninomame agorek andi. A'nogo mabenetfisaluk ninomame agorek andi nen, wene Allah nen komotninafikhe wene andi enggin fuk, serego. Andi nen he, niren, ”Allah ebe ninendawi welago,” iluk u hak he, aren wene komotninafikhe wene andi hologo higithogo hilingiti logouwogo.


A'nogo pelafunem he, kisu a'nogo a'mage he a'nogo oba fesikhesik, afuni he a'nogo nen tagongge mene fena Allah nen wene komotninafikhe wene hologo higithogo hilingitik, Yesus nen hilingitikhe wene fakhogo yagaisigik, agarek mene inoasigeluk inaweim kabelhesik,


Wene yi faget esin hilingisugun he, Allah againafuri at ane hologo higithogo hilingiti logolik, hinendawinggen eberogoat Yesus oba himbirik welagep mene andi, hinafe morogo logogun o.


Nen, it ekhe inasu fanorogo sobalogo fakhaluk logogun mene halok enek he, Allah nen fanorinafunem inendawimo inagaiyek a'luk, e enggen nunggunem inelugerinaferek mene a'nogo enggen ninggik, nen o kota andoma kwe ambe palekwe nen wulifik-kwigik, ikhi logouwogeluk eisewerek asimbik logogun.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ