1 YOHANES 2:1 - Allah Wene Fano Wene Hupla Inane

¹ Nen, nagainafuri e. Hit weak hilingiti logoinogo iluk, wene yi lisu palogo hinoba lakfei wagi o. A'nogo meneat he, sa nen weak hilingite halok, nineisena Allah were'ma nit lebetnisikherek mene ap ekhe hulisanem werek. At andi ebe re Yesus Kristus obabut higithogo hilingiterek mene a'nogo aro.

1 YOHANES 2:1 ပူးပေါင်းရင်းမြစ်များ

MAZMUR 4:4

Hit he hinelurogo logoino o, Tuhan nen At onggwarek faget, ap Aren endawi hundik anggikherek mene ekhe wenagaisogo fakhasikhe. Nen, an nen At oba nane yagatu halok he, At Tuhan nen esanggo holnaferek.

YEHEZKIEL 3:21

Ap fano hilingiterek mene andi weak hilingisinogoluk haren eberetunem at andi haren komotu mene higithogo hilingiti logogin halok he, An nen unggum wogosigin lek andi nen he harogo hagap telasigin o,” iluk yaganete.

ZAKHARIA 9:9

Hit afuni Sion mene yi sani, hinagaiyege'ni o! Hit afuni Yerusalem mene re hinanggiluge'ni! Hit hinoe raja re mondok along- palonghogo weri'lago a'li yethani! At ebe re raja mondok higithogo nek hilingiti logolik inagap telinaferek mene. Oba nen he, at endawinggen sebel fakhikhesik keledai eak oan mene amboroba hurek weri'lago a'li.

LUKAS 10:22

A'nogo yagatikhesik, it afuni omanogo mel yagaisasikhe: ”An neisena nen yi mene ti mene mondogat eisewerek logouwageluk wo'netikhe. Allah amlogo andi sa iluk afuni mondogat inonggot meneat he, an neisena alegat enek elu welagarek. Andi hak he, an neisena Allah andi sa, iluk afuni mondogat inonggot meneat he, amlogo an nalegat enek nelu welagirego. Nen, Allah amlogo an enat nendawimo anggalugen, neisena ebe afuni ekhe inelu asuageluk nane fakhogo yagaisigirek mene halok it andiat inelu agaikharego,” iluk, yagaisasikhe.

YOHANES 13:33

Nagainafuri. An nenggi endebat enek ninom logombigen lagain o. Lamo, hiren an nebe hera'nafi logogun meneat he, attagat an nen ap Yahudi mene yagaisasigi hak, o an lagain oba andoma hiren hera'nabik logoin lego, iluk yogondak hit yagahisikhi lagi aro,” iluk yagaisasikhe.

YOHANES 14:16

A'nogo hilingitunem, hit lebethisikhi logolik, hinom mondok logobagaigen iluk, an nen neisena kino yagasumo, aren ap ekhe pelakhisa wesigin o. At andi ebe re, Allah Areagun ebe wene yagahisikhi logogin mene. A'nogo hinoba pelakhisa wesumo, it afuni kweangma mene nen, at andi ebe inonggorat. Nen, ebe ineilenggen hogoin legat, andi nen he, ebe wanugun elo'lego. A'nogo meneat he, hit enek he, at ebe hinom logolik, hinendawimo mondok logogin andi nen he, at ebe hinelu logogun o.

YOHANES 14:6

at Yesus nen he, mel yagatikhe: ”Kwe inom, ebe wene inom, afuni inelugerinafirek andi inom, An nebe aro. At sa nen an noba wagi'lek halok, neisena were'ma pikhit kwigin mondok lego,” iluk yagatikhesik,

YOHANES 21:5

A'nogo futfigi'lek were'ma, at Yesus nen yagaisikhi logolik he, mel yagaisasikhe: ”Ap yi sani. Nagoromi. Ikan ekhe wanheba?” iluk yagaisasikhemo, iren he, ”Mondok lego,” iluk yagatukwama,

YOHANES 5:14

A'nogo hilingitukwasik oba nen, hobuk at Yesus Allah awi wuri'mo ap a'nogo emberek ambi agaukwasik he, mel yagatikhe: ”Neisena. Yogondak hat hoba arat fano agen andi re, hobuk weak hokho mene ekhe hoba asinogo nen he, weak mene ekhe hilingitun o,” iluk yagatikhe.

YOHANES 5:36

an nebe futnobagauwageluk, aren nabok pilingisogo yagahisikhi lagaikhe meneat he, elo'lek hak. Athe, an neisena nen, neabu ando ekhe figi'lek felelenghogo hilingi'no, iluk, nayonggo fesikhemo hilingiti lagi andiba nek he, afuni nen, At ebe eisena nen lakfei wagaikhemo iluk nabok ugunem inesanggo holfuluk nebe futnobagau hagat futnobagagun o.

YOHANES 6:27

Sumburu fili asimbik lek asigin mene faget yabu hilingiti logou fugo. Athe, sumburu mondok logogin mene ninggi logolik, ineluk mondok logogun mene andi, an nenat wokhisikhi logouwageluk neisena nen nayonggo fuluk laknobagai wagaikhemo, abat ta'lasi wagagi andi faget yabu hilingiti logoni,” iluk yagaisasikhe.

YOHANES 8:11

aren he, ”Noe, Mondok lego,” iluk yagatikhemo, at Yesus nen he mel yagatikhe: ”An ogo re, wene hoba fuluk hoasigin legaro. Hebe hawiba lano. Lambik he, huli yogondak oba nen hobuk weak ekhe hilingiti logou fugo,” iluk yagatikhesik he, awiba lakfesikhe.]

KISAH PARA RASUL 7:52

It ap Allah ane yagaisikhi lagaukwa mene omanogo, hinombalagen inebe weagerinafi'lek ekhe welagaukwa nogo? Weagerinafi lagaukwa nek anggigi. It Allah Ane yagaisikhi lagaukwa mene nen he: Allah amingmingengge obabut higithogo hilingisigin mene andi hobuk wesigin o, iluk ebe wagi'lek werek kwelek, abok tak ikhi lagaukwa mene inebe hinombalagenat inoati lagaukwa andi. Hobuk, iren abok tak isukwa mene andi ebe wagaikhemo re, hirenat at ebe wasuageluk yonggo lagik, ebe watik, egep andi.

ROMA 5:10

Nit attak he, Allah ninom weim palek were'ma re, hobuk at amlogo wa'laga logolik, Allah ninom lambukhogo ninobagaikhemo welago. A'nogo were'ma, at ebe eluk logolik he, telninabigin lek nogo? Attak telninabu lek mene telninafikhesik he, yogondak ninom hundik logolik telninabigin aro.

ROMA 6:15

Halok he, wene andi wurep oba re, ninggi'nogo ugun? Nit ninebe wene Allah nen komotninafikhe wene a'nogoba himbirik welago lek. We, Allah obabut fano nen endawitninaferek andi oba himbirik welago andi nen he, weak hilingiti logogun nogo? Mondok lego.

ROMA 8:34

Nen, wene ninoba fembik he, sa nen weagetninabigin nogo. At Kristus Yesus wa'lagaikhemo Allah nen eluget fesikhemo re, pogoroba lagasikhesik, at era'lu enggi ebekwe kain logolik he, nit faget Allah ayonggo fugu werek.

1 KORINTUS 15:34

Weak hilingiti lagep mene andi herakfisaluk he, yogondak hinebe hebela'ni o. Hit ekhe Allah ebe hinonggot welagep andi nen, hinenggali wasigeluk yagahisigi andi.

2 KORINTUS 5:21

Nit Kristus ninom huneto halok, at Allah nen onggwarek ninom ninambotkwe hunogo ninobagauwageluk nit fagerat nit ninobabut weak hilingitorek mene andi, at Kristus weak hilingiti'lek mene oba fesikhe andi.

GALATIA 4:19

Mene re, nagainafuri hinebe nendawilage. Hemi nen omalik taginabuogeluk inambot heinet watarek andi hak, an nen hobuk takhinabumo, hit hinobabut Kristus obabut hangge hilingla'lebe e! iluk, an hit faget heinet ou weakhogo wati lagi.

EFESUS 4:26

Hina'mage lagaikhe halok, weak hilingitup. Hina'mage lagaluk were'ma, Iblis nen hinendawimo kagalinogo iluk, o mo eil oan ubukhogo kwigi'lek werek kwelek, sagalogo leget feino o.

1 TIMOTIUS 2:5

Allah ebe misigaro. Nen, Allah ninom nit afuni ninom hulisanem logolik lambulninabi'logo mene ap ebe Yesus Kristus andi misigaro.

1 TIMOTIUS 3:14

An weak-weak hea wesigeluk nendawimo anggikhi logoligat he, oan wagi'lek logogin halok, nit Allah againafuri ninom logolik ninobabut hilingiti logogun mene helu asuageluk wene yi mondogat lisu palogo hoba lakfei wagi andi. O re, tik oba nen tiang oba ninghogo welagarek andi hak, nit Allah eluk mondok welagarek mene againafuri andogotorek andiba nen, Allah ane ebe wene andi ninghogo fi sogo welagorek andi.

IBRANI 9:24

at Kristus o Allah onggwarek awi iluk afuni nen oba lirogo wutukwaba andi kwisikhe fuk. Lego. We, pogot ebeba kwisikhesik Allah were'ma andoma nit faget werego.

YAKOBUS 1:27

Nineisena Allah nen he, ”Afuni nen an nendawinggenma fanorogo higithogo mondok hilingiti logogun he, yi'nogo. Yenggerugwi suarek mene inom, hemi sogwe mene inom, nong a'luk were'ma leberisigik, afuni kweangma weak hilingiri'lagwi mene andi inobabut wanhi'lek inonggwaregen tegeligik, ikhi logogun o,” iluk endawimo anggikherek andi.

YAKOBUS 3:9

Ninamelinggen andiba nineisena Enupogot Allah fogeratik, afuni at ebe hangge elalinafikhe mene homan fisigik, ogorek andi.

1 PETRUS 2:22

Aren he, ”Weak ekhe hilingiti'legat. Nen, eranen ugunem, afuni ekhe inesanggo holhi'legaro.”

1 PETRUS 3:18

Nit afuni weak hilingitorek andi faget ninenggi elugun oba, at Kristus hobuk wa'lagi'lek logoigeluk misigam fagerat katokhogo wa'lagaikhe. Ninebe Allah oba wo'ninarek lageluk he, at obabut higit hilingiterek mene nen, nit ninobabut weak hilingitorek mene faget wa'lagaikhe andi. Ebe nit afuni mene andi watukwama wa'lagaikhe meneat he, areagun mene andi Allah nen eluget fesikhe andi.

1 YOHANES 3:18

Halok he, nagainafuri e. Niren afuni ekhe ninendawirinafi'lek logoligat he, ninaneba nek he, ”Ninendawirinafi logouwogo,” iluk ikhi logogun elo'lego. Athe, inebe ninendawirinafik, ninenggiba nen eberogoat leberisikhi logouwogo.

1 YOHANES 3:5

At Kristus onggwarek weak hilingiti'lek logolik, nit weak hilingitorek mene sebelogo legetfisageluk, ebe weinamhogo wagaikhe andi hineluo.

1 YOHANES 3:7

Nagainafuri e. It afuni ekhe nen lalhinabinogo iluk hinobabut hebelogo logoino o. Ap sa nen obabut higithogo hilingiterek halok he, at Kristus obabut higithogo hilingiterek andi hagat, hilingitu werego.

1 YOHANES 4:4

Mene re, nagainafuri e. It afuni kweangma mene inendawimo welagarek mene andi omame lek meneat he, hit enek he, hinebe Allah againafuri hilingi'mo at Areagun omame mondok hokho mene hinendawimo werek andi nen he, it ap andi mabenetfisaluk welagep andio.

1 YOHANES 5:21

Halok nagainafuri e. Hiren tugwi kembu fogeratarek mene andomaba nen agaiserati logolik, hinobabut hebelogo logoino o.

3 YOHANES 1:4

A'nogo ugunem he, an nen yi mene ti mene faget, nendawimo nagaiyek endebat anggikhi lagi meneat he, hit hinebe an nagainafuri nen ebe wene fisogo logolik, fano higithogo hilingitunem nesanggo holhiresik he, nendawimo nagaiyek hokhorogo anggigirego.