1 YOHANES 1:8 - Allah Wene Fano Wene Hupla Inane

⁸ A'nogo meneat he, niren ikhi logolik he, ”Nit weak ekhe hilingiti'lek,” iluk ikhi lago halok he, nineranen ninonggwarek lalikhi lago andi nen, ebe wene re ninendawimo mondok lego.

1 YOHANES 1:8 ပူးပေါင်းရင်းမြစ်များ

1RAJA-RAJA 8:46

Afuni mondogat weak hilingitarek mene nek welagaikharek andi nen, it hagainafuri nen Hat hane sagalogo hilingitunem, Hat ha'mage het-periluk it inaselei mene nen mabenetfisaluk inoasuagaluk inebe herakfisugunem, inebe hele warogo woginarek yatmaat lagik, horokhogo fisa lagik, ugu halok,

2 RAJA-RAJA 20:15

Andi isikhemo at Yesaya nen nekhengge heinok wokhikhi logolik he, ”O hat hebe welagen oba yoma nen he nena mene ineilenggen ekhe haga?” iluk heinok wokhasikhemo, at Hizkia nen he, ”Yi mene ti mene mondogat ineilenggen haga o. An nebe welagiba yoma nen yi mene ti mene kabogetunem omanogo werek enggere mondogat ineilenggen hoageluk inugisigimo haganek. Nen ekhe haga lek mene werek lek,” iluk yagatikhe.

2 TAWARIKH 6:36

Ap misik ekhe weak hilingitu lek mene ekhe werek lek hilingi'mo, it Hat hagainafuri Hat hoba weak hilingitunem, Hat ha'mage nen it inaselei mene nen inomame leget fisoageluk Hat heil fugunem, it hinaselei mene nen tok ambisangma senfisambik o yatma ogo, horo'ma ogo fisa lagunem,

AYUB 14:4

Afuni weak hilingitarek mene nen fano katokhogo ekhe hilingitarek nogo? Mondok elo'lego.

AYUB 15:14

Afuni andi re weak hilingiti'legengge ekhe werek anggegen? Weak hilingitarek enek. Ap ariginik mene andi Allah elokhoma fanot fisa hak nogo a?

AYUB 25:4

At Allah eilhanem he afuni ekhe inaweak lek mene mondok fanorogo nek logou hak anggegen a?

MAZMUR 143:2

Nit afuni re Hat helokhoma weak hilingiti'lek mene ekhe logou lek hak hilingi'mo re, An hamingmingengge yi re wene noba mene ero pilingnabu fugo,

AMSAL 20:9

Afuni nen ikhi logolik, ”An he weak oba nen fikhalogo wulibi wagiri'more nendawinggenma mondok horek welagi,” iluk ikherek mene ekhe werek nogo?

PENGKHOTBAH 7:20

Kweangma yoma re ap obabut mondok fano mene ekhe werek lek, fano mene nek hilingiti logolik weak mene ekhe hilingiti'lek welagaikharek mene werek legat.

YESAYA 53:6

Nit ninebe mondogat he wam domba longgo ikherek andi hak nonghong isugusik welagagu, kwe inanggwe lombok lagaikharek andi hak ninobabut lombogen weak hilingiti logagu. Nit ninebe mondogaren weak hilingiti lagagu mene a'nogo Tuhan nen waganogo at oba fakhasikhe.

YESAYA 64:6

Nit afuni ninebe mondogat he emerek mene nek hilinglagosik welago andiba re, niren fano mene hilingiti lago meneba nen ogore mondok weak hilingi'mo elokhe mondok weagat andi. Engga puk agunem sogoien furogo waluk lagarek andi hak, nit ninobabut weak mene nek hilingitorek andiba ninebe mondok lek asugun andi.

YEREMIA 2:35

hiren ikhi logolik, Nit weak ekhe hilingiti'le'ma re, Allah a'mage ninoba fikhi laga mene a'nogo hobuk a'mage lek aga, iluk ikhi lagep. A'nogo ikhi lagep meneat he, hiren he, Nit weak ekhe hilingiti'lek, iluk fakhogo figi'lek labelhi lagep andi nen, An nen wene hinoba fagain o.

IMAMAT 13:12

Nen, imam omanogo nen kwelakhugunemen, ebene tuk-tugengge omanogo unggul oba nen pikhit eisok oba hilingik halok he,

YOHANES 8:44

A'nogo hinabit andi re, hit hineisena Iblis atma re, hiren at amolo anggikherek mene andiat hinamolo nen hilingiti lagep andi. At Iblis andi eroba nenat afuni inoaterek mene aro. At wene ebe wene endawimo lek andi nen he, wene ebe wene ugunem inane legeterek lek andi. Iblis eranen ikherek andi re, at obabut etogat mene eranenat ikherek andi o. Ineranhogo wene agarek andi, ero araro.

ROMA 3:10

Allah nen a'nogoat isikhemo, lisu palogo fikhi logolik, mel isukwa: ”Afuni inobabut higit hilingitarek mene ekhe lego. Misigat halok ekhe legaro.

ROMA 3:23

Nit afuni mondogat attagaren weak hilingitorek andiba, Allah ebe fogeratu mondok welagaikharek mene andi herakfisaluk ninale'ma yatma asi lagagusik welago.

1 KORINTUS 3:18

Hinonggwaregen hinebe lalagubo. Hat ekhe nen he: ”Afuni yoma inanggele'ma nen an enek he nendawinggen kagalek mene welagi,” iluk anggikhi lagen halok he, hendawimo ebe wene andi wenggelasuagen he, afuni inanggele'ma yoma nen kemburogo logogin halok fano.

GALATIA 6:3

Mene re, hat ekhe henu lek logoligat he, ”An kain,” iluk, hendawimo nen anggikhi lagen halok he, honggwaregen lalikhi lagen andi.

2 TIMOTIUS 3:13

Weagetninafu kwelegat, it ekhe weak hilingiti logolik lalinabi'lagwi mene andi, it ekhe nen lalinafunem, iren onggo-onggo lalinafigat ikhi logolik, weak arik-arigat hokhorogo weak asugun andi.

YAKOBUS 1:22

Wene Allah ane andi hinesanggo nek holfuluk kamo umo re, hinonggwaregen lalogoin andi nen he, hinesanggo holfuluk higithogo hilingiti logoino o.

YAKOBUS 1:26

Nen, sa nen, ”An Allah awe a'ma logolik higithogo hilingiti lagi,” iluk anggikhi logoligat he, ane elugun ware'lek hesangge-pesangge ikherek halok, onggwaregen lalikhi logolik, Allah endawimo fanorogo hilingiti lagi iluk, we tulemat hilingiri'logo o.

YAKOBUS 3:2

Nit afuni mondogat fano hilingiti lago iluk yi mene ti mene faget, weagat hilingitorek andi. Meneat he, sa nen aneba nen wene weak mene ekhe igi'lek fanorogo nek ikherek halok he, enggi eisok ebe mondogat fanot fikhi logolik endawinggen lambukhogo wurigat werego.

2 PETRUS 2:13

Iren it ekhe weak hilinginafi logogun andiba, Allah nen onggo weak hilinginabigin andi. It he, inendawinggen sebelhi'lek linggeneat weak hilingisu inamolo nen hilingiti logogun andi. Su fano werek kwelek he, muli mene oba labulagik, eil fano agik, ikherek andi hak, hit seni isago nunggunem, it andi inendawinggen sebelhi'lek, yi mene ti mene inendawinggen en nunggunem yi weak ti weak hilingiti logoligat, hinoba kwi we'luk, hinom misi'mo ninggi logogun andi.

1 YOHANES 1:10

A'nogo meneat he, niren he, ”Weak ekhe hilingiti'lek welago,” iluk ogorek halok he, niren he, ”Allah eranen ikherek,” iluk u hagat ogorek andi nen, Allah ane nit ninendawimo mondok lego.

1 YOHANES 1:6

Nen, nit he, ninaneba nen, ”At ninom hundik welago,” iluk ikhi logoligat he, o mum oba logolik inobabut hilingitarek mene andi hilingiti lago halok he, ebe mene hilingiti'lek nineranen ikhi lago o.

1 YOHANES 2:4

Mene re, sa nen, ”An he, Allah ebe nelu,” iluk ikhi logoligat he, aren wene komotninaferek wene andi hologo higithogo hilingiti'lek halok he, at eranenat ikherek andi. Halok he, ebe wene andi endawimo mondok lego.

1 YOHANES 4:20

A'nogo meneat he, afuni nen inerugwi inagaila'lak ineilenggen isagarek mene inendawi lek logoligat he, Allah ineilenggen hagarek lek mene inendawi logogun anggegep? Elo'lego. Halok he, at ekhe erugwi agaila'lak abit welagarek mene nen, ”An Allah nendawi,” iluk ili'logo halok he, eranen ili'logo o.

3 YOHANES 1:3

Haren ebe wene hesanggo hologo fano hilingitendek andi nen, it Allah againafuri ninerugwi ninagaila'lak ekhe noba wagaikhasik, mel yaganeta: ”Aren ebe wene fisogo logolik fano higithogo hilingiterek,” iluk habok yaganetama nesanggo holhirik he, nendawimo nagaiyek hokhorogo hikhi lagi o.