1 YOHANES 1:7 - Allah Wene Fano Wene Hupla Inane

⁷ A'nogo meneat he, Allah ebe selek oba welagarek andi hak, nit ogo re, selek oba logolik, fano hilingiti lago halok, nit-nit nagailak-hagailak ninom hundik were'ma, nit weak hilingitunem at amlogo Yesus amep oba ho'ninafu mondok welagarego.

1 YOHANES 1:7 ပူးပေါင်းရင်းမြစ်များ

MAZMUR 104:2

Haren o pogot he tenda wurilogo talfugunem hakhogo talfesigin,

MAZMUR 56:13

Neisena Allah, an nen wene wathetigi mene a'nogo eberogo tiphogoat hilingisigin o, nen an nen Hat hai wathafi logolik he wam warogo wokhesigin aro.

MAZMUR 89:15

Hat hebe raja mendek logolik melalinafu welagendek oba andi ebe ero re, Hat hawene melalek inom, higithogo hilingiti lagen mene inom andi aro. Haren hendawirinafendek mene andi inom, tiphogo nek hilingiti lagen mene andi inom he Hat hobabut hilingiti lagen mene andiba weinam agarek.

MAZMUR 97:11

It afuni inendawimo eberogo anggili'lagwi mene inoba re selek meneba liarinafi logogin, nen it afuni higithogo hilingiri'lagwi mene inoba re inagaiyek mene hilingfikhi logogin.

YESAYA 2:5

Yago, hit afuni Yakub en tagomangge mene yi sani, nineisena Tuhan aselek oba louwogen he we'ni o!

YESAYA 33:24

Nit ninaiba nen ap misik iluk ogo ouen ekhe heinet wati logogun lek, nen weak mene mondogat he Aren sagalogo leget fisagain.

YESAYA 6:7

Wagasik he endu ambisang a'nogo an nambeba taunget fikhesik yaganeti logolik mel ikhe, ”Kwelakhan, endu ambisang yi hat ambeba arat taunget hobagagi ari. Ma re yogondak he haren weak hilingiti lagen mene inom, kwanirogo hilingiti lagen mene inom omanogo re Tuhan nen arat leget hobagaikhe o,” iluk yaganete.

AMOS 3:3

A'nogo isikhesik, ekhe mel isikhe: ”Afuni inebe pire mene nen, Nit o andoma louwok, iluk emberek wene wati'legengge lamo re higit nogo a?

ZAKHARIA 13:1

Tuhan Omame Mondok Hokho mene a'nogo nen ikhi logolik, ”Linggene andi sambul he i elesi misik ekhe wulibi waga logolik, Daud ambisangma mene inom, afuni Yerusalem mene inom tugwi kembu fogerati logolik weak hilingiti lagaukwa mene omanogo horogo leget fisagain.

MATIUS 6:12

Afuni nen nit weaget ninafa mene, niren sebelogo legetfisogo andi hak, nit weak hilingito mene haren sebelogo legetfisano o.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

YOHANES 12:35

A'nogo yagatukwama, at Yesus nen he, mel yagaisasikhe: ”An nebe selegerinafirek mene a'nogo we endebat ninom logogun o. Halok, at sa nen o hubanggo o mum oba laga halok he, o koma laga lagi he, onggorat lili'logo andi nen he, hit lagunem o mum asinogo iluk, an selegerinafirek mene ninom werek kwelek yaat selek oba laga logoni o.

ROMA 13:12

O hup welagosik wei igiluk werek andi nen, afuni o mum oba logolik hilingitarek mene andi herakfisouwogo. We, sikhe sige wanharesik inebe hebelogo welagaikharek hak, nit selek mene wanimbik hebelogo logouwok.

1 KORINTUS 6:11

Attak hit ekhe a'nogo hilingiti lagagip meneat he, yogondak he, Allah nen hinendawimo fano sobalogo hinobagaikhesik, hinebe at onggwarek faget fakhasikhemo welagebo. Wene hinoba welagaikhe mene andi, nineisena Allah Areagun nen ninoe Enupogot Yesus Kristus enuba, korogo wokhasikhesik Allah hinom hinambotkwe hunogo hinobagaikhemo welagebo.

EFESUS 1:7

A'nogo wo'nisasikhemo, ebe amep wulagaisogo watukwa andiba, ninonggo palogo telninafik, nit weak hilingiti lagagu mene legetfisigik, isikhe andi. At Allah endawimo kagalek logolik ninebe futninobagasikhesik he, obabut mondok fano a'nogo nen hokhorogo endawitninafikhe andi.

EFESUS 5:8

Hit attak he, o mum oba welagagip meneat he, yogondak Tuhan againafuri mene agepsik, o selek oba welagep andi nen he, hinobabut o selek oba logolik hilingiti logogun meneat higithogo hilingiti logoino o.

1 TIMOTIUS 6:16

Nen, at ebe wa'lagi'lek etok mondok welagarek menere, at alegaro. At ebe o selek oba mondok were'ma, ineilenggen siluk pabuk iluk, oba horokhogo la elo'lek. At ebe afuni ekhe nen ineilenggen hagarek legat. A'nogo ha elo'lek. Omame mondok logogin mene andi, fogeratu mondok logouwogo, iluk ”Amin,” igi andi.

TITUS 2:14

Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.

IBRANI 9:14

It inagap endakwe mene faget wam amep elo'lek meneba elok fano horinafi lagaukwa. Halok, nit Kristus amep esin meneba, ”Wene hinoba lek,” iluk ninendawimo selekhogo elok mondok ninobagaikherego. Nit Allah eluk welagarek mene endawimo fanorogo hilingiti logouwageluk, wam esi fano mene Allah wareti lagaukwa andi hak, at Kristus Allah Areagun etok mondok welagarek mene omameba, wa'laga logolik, ebe Allah wogetikhe andiba, nit attagat lek asigin mene tulemat hilingiti lagagu mene, aren, ”Wene hinoba lek,” iluk, at amep oba ninendawimo selekhogo ninobagaikhemo welago.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.

1 PETRUS 1:19

Athe, onggo hokho meneba palogo telhinafikheo. Wam domba eak weak meneba fuk, we, domba eak mondok fano mene Allah faget amep wulagaisogo waresu hak, at Kristus amep wulagaisogo wa'lagaikhe andiba, hinonggo palogo telhinafikhe andi.

1 YOHANES 1:3

Ebe nit nineilenggen higik, ninesanggo holhik, isugu mene andi, nineisena Allah amlogo Yesus Kristus emberek ninom hundik welagorek andi hak, hit nit ninom fano hundik logouwogeluk yagahisikhi lago o.

1 YOHANES 1:5

Allah amlogo nen yaganisikhi logolik he: ”Allah ebe re, selek andi atma re, o mum he at oba welagarek mondok lek,” iluk yaganisasikhe mene, nit ninesanggo arat holhugu mene yagahisikhi lago andi.

1 YOHANES 5:6

At Yesus Kristus kweangma pi wagaikhesik were'ma ima nek pelafukwa fuk. Ima pelafik, amep wulagaisogo watik, isukwa. A'nogo hilingitukwa iluk, at Allah Areagun nen wene eberogoat enek yaganisikherek mene a'nogo nen fakhogo yaganisikho welagarego.

2 YOHANES 1:4

Hit hinebe re, he misigat mene eagwi hangge logolik, hinebe ekhe nineisena Allah nen ebe wene komotninafikhe a'nogo higithogoat hilingiti lagep mene hinobabut palhirik, nendawimo nagaiyek hokhorogo hikhi lagi o.

3 YOHANES 1:4

A'nogo ugunem he, an nen yi mene ti mene faget, nendawimo nagaiyek endebat anggikhi lagi meneat he, hit hinebe an nagainafuri nen ebe wene fisogo logolik, fano higithogo hilingitunem nesanggo holhiresik he, nendawimo nagaiyek hokhorogo anggigirego.

WAHYU 12:11

It ninerugwi ninagaila'lak andi inonggwarek inebe inendawi agi'lek, ”Ninoata halok he, fano aro,” ilik nugunem inoata. It andi re, Domba Eak amep wulagaisogo watukwa andiba inom, iren Allah ane ebe wene andi fakhogo yagaisilik nikhi lagaikha andiba inom, Iblis a'nogo arat mabenetfisaga andi o.

WAHYU 7:14

Heinok a'nogo wo'niugunem, an nen he, ”Noe, an nonggot. Hat enek he, helu welagen o,” iluk yagatunem, aren he, mel yaganete: ”It afuni yoma re, o kweangma were'ma afuni ekhe nen yi enggin ti enggin hokhorogo hilinginafunem, Allah nen telinafikhemo, inasu Domba Eak amep oba arat kut mondok sobalaga mene o.