1 TIMOTIUS 6:6 - Allah Wene Fano Wene Hupla Inane

^6-7 Meneat he, ninagaisalak inalabutmo nen ta'laga logolik he, yi mene ti mene ekhe ninenggim waluk wagorek lek andi hak, ninebe wa'laga logolik he, yi mene ti mene ekhe waluk logoin legat andi nen, ninenggi werek logou hak, nit Allah awe a'ma kuluk logolik ninendawimo nen he, ”Elogat welago,” iluk, ninafe morogo logoumo nek he, ebe mene eise asugun andi.

1 TIMOTIUS 6:6 ပူးပေါင်းရင်းမြစ်များ

2 RAJA-RAJA 6:2

Andi nen he, nit e i Yordan imakwe a'lima mene ekhe ninebe lombok misiktek musi lambik he, o ebe andomaat wusuogelugen yagaheto o,” iluk yagatukwama, at Elisa nen he, ”Fano o. Lani,” iluk yagaisasikhe.

MAZMUR 37:16

Afuni inobabut weak mene nen inangge hokho-pokhorogo were'ma hilingiri'lagwi mene andoma maben hak, oba nen he afuni ekhe fano hilingitarek mene nen inangge endebengge were'ma hilingiri'lagwi mene andi nek he onggo hokho mene hak werego.

MAZMUR 84:11

Nineisena Tuhan Allah, hawe a'ma fetninarek welagendek mene, nit hagainafuri ninebe hendawi nen, fano mene wo'nisigik, agaugwet ninafik, hilingninafi lagen. It afuni weak hilingiti'lek tegelek logolik hoba we'luk, fano mene kino yagahetunem, ”Wokhisagain nabit,” ikhi lagen lek. O ekhe amumo yoma, ninenggi seribu oba logogun andi weak mene re, ninenggi misik oba Hat hawi wuri'mo andoma logogun andi nek he esin mondogo. It afuni weak hilingitarek mene, inaiba welagi'lek, neisena Allah hawi wuri'mo, kweba kagalek logogun andi mondok esin andi nen he, an nen wenakhigi andi o.

KELUARAN 2:21

A'nogo yagaisasikhemo ayonggo lagaukwasik wagaukwama, at Musa nen he, ”Ninom yoma logogun fanoaro,” iluk yagaisasikhe. Yagaisasikhemo inom logolik, at Yitro nen a'logo enu Zipora Musa wogetikhe.

AMSAL 15:16

Inangge endebengge were'ma Tuhan faget inailo anggikhi logolik logogun andi fano, oba nen inangge hokhorogo were'ma inendawi fiti logolik logogun andi nek he mondok enggin.

AMSAL 16:8

Higithogo hulingisugun oba ambisangma endebengge helogoin andi fano, oba nen tiphogo hilingiti'legengge nen ambisangma hokhorogo helogoin andi nek he mondok weak.

AMSAL 28:25

Haren Tuhan oba eberogo anggikhi logogin halok he Aren fanot hobagakhi logogin, meneba nen inonggwarek enek anggagarek mene andiba re minggirik wene weinam agarek.

YEREMIA 35:9

Niren ninebe werek oba faget ninawi wurikhi logogun legat, athe o sabu tenda ba salogo logogun o. Nit nineabu anggur yabu werek lek, nen yabu ogo athe gandum enggen yatu mene faget ogo werek legat. We nit ninomba Yonadab en yaganisikhe mene andoma re hologo nek hilingitorek.

LUKAS 12:15

afuni hokhorogo omanogo mel yagaisasikhe: ”Afuni inagarek hokhorogo welagarek andiba ineluk welagaikharek lego. Yi mene ti mene an mene nek logoilep, iluk inendawimo anggikhi logoinogo iluk hinebe hebelogo logoino o,” iluk a'nogo yagaisasikhesik he,

LUKAS 3:14

A'nogo yagaisasikhemo, it ap tentara mene wagaukwasik he, mel yagatukwa: ”Nit ogo re, ninobabut ninggi'nogo hilingiti logogun,” isukwama re, at Yohanes nen he, ”Afuni inagarek mene wokhisoageluk hinane ninghogo yagaisigik, hineranen wene inoba fuluk inarupiah heligik, ugun mondok lego. Athe, yabu hilingiti lagep higithogoat, onggo gaji wokhisili'lagwi andi, elogat wo'nisaga, iluk hinendawinggen yamukhogoat wanhi logoino o,” iluk yagaisasikhe.

ROMA 8:28

At Allah endawimo anggaluk nit ninayonggo fesikhesik, nit at ebe ninendawi welago mene halok, at ninom logolik, yi mene ti mene fano asuageluk, hilingnisili'logo ninelu o.

2 KORINTUS 4:17

Nit yogondak, yi enggin ti enggin hilingninabi'lagwi andi re, elama faget endebat hago. Meneat he, a'nogo hilingninabi'lagwi andiba, hobuk fogeratarek mene etok mondok logogin mene mondok hokhoat eise asuguno.

FILIPI 1:21

A'nogo welagi andi nen, nendawimo nen he, nebe neluk welagirek andi re, Kristus faget. Nen, wa'lasigin halok he, fano mene saburagain andi.

1 TIMOTIUS 4:8

Afuni inebe faget mep elukhogo inenggingge wanharek andi, yogondak ya elama faget endebat fano hak hilingitarek. Meneat he, ninendawinggen faget Allah awe a'ma logolik, at eabu wanhi logoumo, at Allah nen he, ”Yogondak hineluk welagep mene faget inom, hobuk hineluk mondok logogun mene faget inom, fano mondok asigino,” iluk, abok yaganisasikhe andi eberogoat.

1 TIMOTIUS 6:8

Menere, ninggi logogun mene inom, ninagap oba labeti logogun mene inom, werek halok he, ”Andi elogat werek,” iluk anggogoino.

IBRANI 13:5

Allah nen ninebe lombok faget ikhi logolik: ”An nen hat nenggi kobokhogo herakhobagagik, hebe hale'ma hobagagik igin lego,” iluk isikhe andi nen he, hit uang hinendawinggen tulemetfuluk logogubo. We, endebat werek andi, hit hinendawimo nen he, ”Yi elok werek,” iluk anggogoin o.