1 TIMOTIUS 6:4 - Allah Wene Fano Wene Hupla Inane

^4-5 It andi nen he, wene ebe inonggot meneat he, inonggwarek fogerakhikhi logolik afuni ekhe inawene mene faget inane sagalhik, wene hokhorogo palhik, ikhi logouwogeluk, inabit aga logogun mene esinet fili'lagwi andi nen, wurep oba re, afuni ekhe inendawinggen lek agunem ebe wene inonggot a'luk, it-it inom wene palhik, pou igik, ineranenat inabok weak palhik, inendawimo nen tulemat wene weak mene it ekhe inoba figik, yei-yei wene-wene palfigi'lek ugu mondok welagaikharek andi. A'nogo hilingiti logolik inendawimo nen he: ”Nit Allah awe a'ma kuluk hilingiti lago andiba, ninenggi werek asugun,” iluk, eberogoat iluk anggili'lagwi andi.

1 TIMOTIUS 6:4 ပူးပေါင်းရင်းမြစ်များ

AMSAL 13:7

It ekhe nen ineranhogo anggikhi logolik he, nit he ninenggi werek welago iluk anggagarek, oba nen he inenggi lek logolik meneat agarek. Nen, it ekhe nen ineranhogo nit he ninenggi lek mene welago iluk anggagarek meneba nen, it he inenggi werek logoligenat agarek.

AMSAL 25:14

Afuni ekhe nen it ekhe yagaisikhi logolik, ”Yi mene wokhesigin,” iluk abok yagaisalugat he, ebe wogisigi'lek kamo agarek andi re, ohena salogo figik, sogoi funha wagik, ikheresigenat he meiso ebe ninggi'lek welagarek andi higit werek.

AMSAL 26:12

Nen ap kembu mene andi nen he we misigam hangge nek wene fano agarek, oba nen he ap ekhe onggwaregen wonoget fakhikherek mene andi nek he ebenagaik elo'lek.

YESAYA 58:4

Hinambe heang oan logoligenat he, hiren wene sagalogo figik, yei yafik, hina'mageba nek hilingitik, hilingitu welagep. Hiren anggikhi logolik he, ”Ninambe heang yi'nogo welago mene yaba re, Tuhan endawimo youk imbik niren samban ikhi lago mene holigin iluk hilingiti lageba?

KISAH PARA RASUL 15:2

Wene a'nogo yagaisasukwama, at Paulus Barnabas emberegen it ap andi mel yagaisasukwa: ”Hiren egep andi mondok weak egebo,” iluk, inom wene palhik, wene hokhorogoat palhukwa. Wene a'nogo hokhorogo palhukwama re, it andoma mene nen he, Paulus Barnabas emberek, it ekhe inomat o Yerusalem lagaukwasik he, it ap Yesus nen inebe wenagaisogo inayonggo fuluk lakfisasikhe mene omanogo inom, it ap Allah againafuri ferinarek welagaukwa mene inom, inomen wene andi faget haluageluk lakfisuogeluk isukwa.

KISAH PARA RASUL 18:15

Mene re, wene yi hit hinonggwarek hinane faget inom, hinenu faget inom, hit hilingiti lagep mene faget inom, oba fegepsik waluk wagepma re, hit hinoba lombogen halini o. Wene ariginik mene, an nen pilingisigin lego. Nabit,” iluk yagaisasikhe.

KISAH PARA RASUL 8:9

O Samaria andoma ap wesagun ekhe enu Simon welagaikhe. Fagearen at ebe wesagun logolik wesarogo hilingiti logolik he, ”Kain wesagun nebe anat,” iluk ugunem he, it afuni o Samaria mene nen, ”Egi! Nailo e,” iluk, at fogerati lagaukwa.

ROMA 12:16

Afuni ekhe hinelokhoma fisigik, ekhe hinambotma fisigik, igi'lek he, hinendawirogo higithogo nek hilinginafi logoino o. Kaindek inobabut hilingitarek mene andi, hilingiti'lek he, inawe a'ma logolik hilingitarek mene andiat hilingiti logoino o. Hinendawimo nen he: ”An wene mondok nelu o,” iluk hinonggwaregen fogerakhagubo.

ROMA 13:13

O selek oba logolik hilingitarek hak, ninobabut higithogo hilingiti logouwok. Seni naluk weak hilingitik, i hinago naluk lugulugwi palhik, agarek andi hak hilingisugun lego. Hesanggeat pailak fakfisigik, inenggali lek hilingitik, agarek andi hak hilingisugun lego. Wene palhik, pou igik, agarek andi hak hilingisugun legaro.

ROMA 14:1

Hinerugwi hinagaila'lak ekhe inendawinggen Allah oba furogo himbiret figi'lek oanat werek mene andi, it inobabut he, ”Yi'nogo hilingisugun, ti'nogo hilingi sugun,” iluk agarek mene andi faget wenagisigi'legat woginafi logoino o.

ROMA 2:8

A'nogo meneat he, it afuni fena nen inonggwarek faget enek hilingiti logolik, ebe wene ugunem inesanggo hologo hilingiti'lek herakfisaluk, weak wene nek inesanggo hologo hilingitarek mene andi, Allah a'ma kwe het-pet imbik wene hokhorogo inoba fagain o.

1 KORINTUS 11:16

Mene re, it ekhe nen he, andi faget wene palugun werek halok he, nit inom, Allah againafuri o yi awi ti awi andogotarek mene inom, hunogoat hilingiti'lek, a'nogoat hilingitorego.

1 KORINTUS 11:18

Hit wene attagat yagahisagain anggigi re, yi. Afuni nen he, ”It Allah againafuri Allah awi wuri'mo andoget fuluk, it-it inebe huli wari'lagwi o,” iluk yaganetama wene andi nesanggo holhirik, fena eberogoat hilingiri'lagwimo iluk anggigi o.

1 KORINTUS 3:18

Hinonggwaregen hinebe lalagubo. Hat ekhe nen he: ”Afuni yoma inanggele'ma nen an enek he nendawinggen kagalek mene welagi,” iluk anggikhi lagen halok he, hendawimo ebe wene andi wenggelasuagen he, afuni inanggele'ma yoma nen kemburogo logogin halok fano.

1 KORINTUS 3:3

Hit-hirat pou igik, wene palhik, ikhi lagep halok he, hinobabut he, afuni inobaburat welagebo. Afuni inobabut inetogat logolik hilingitarek hak hilingiti lagep andi nen yagahisigi o.

2 KORINTUS 11:20

A'nogo hilingiti lagep andiba, hit hinebe iren inawe a'ma hinobagaluk hinamburu mondok felelenghogo ninggik, hinagarek inenggi abisak heligik, ”Hit elo'lek mene re, nit enek he, esin iluk,” inonggwaregen fogerakhigik, hinelokhonggen lambukhogo hinoatik, ugu kwelek hinafe morogo welagep yoma ri!

GALATIA 5:15

A'nogo meneat he, wam onggwaregen wam ekhe aigen libilhik, warogo haumhogo ninggik, ikherek hak, hit-hit hinonggwaregen a'nogo hilingiti logogun halok he, hinebe alomat larik lagep hanogoluk hinebe hebelogo logoino o.

GALATIA 5:26

A'nogo hilingiti logolik, ninonggwaregen fogerakhigi'legat, nit-nit ekhe nen ekhe inendawimo weak asuageluk hilingiti'legat, nit-nit wene palogo ekhe nen ekhe ninabiret fisigi'legat, hilingiti logouwogo.

GALATIA 6:3

Mene re, hat ekhe henu lek logoligat he, ”An kain,” iluk, hendawimo nen anggikhi lagen halok he, honggwaregen lalikhi lagen andi.

FILIPI 1:15

It andi fena nen inendawimo weak a'luk he, an noba wene palhi logoligat yagaisili'lagwi andi, meneat he it fena nen inendawimo fano logolik he,

FILIPI 2:14

Hiren he, at Allah eilhanem wene hinoba legat, nen, weak mene hinendawimo legat logouwogeluk halok he, hinebe Allah againafuri weak hilingiti'lek tegelek mondok logolik, o mum were'ma hesagal en selegeraterek hak, afuni yoma inobabut kwanirogo weak hilingitarek mene inanggelekwe selekhogo logolik, yi mene ti mene hilingiti logolik: ”Ninabit,” iluk uarek-puarek hilingiti'legat, wene palhi'legat, hilingiti logoino o.

FILIPI 2:3

Yi mene ti mene hilingisuogeluk, hinendawimo nen he: ”An enek fanorogo hilingiti logogin,” iluk, hinonggwaregen legeisogo fakhikhi logogubo, hinendawimo nen fogerakhigi'legat: ”It ekhe fano. An he, elo'lek,” iluk, anggikhi logoino o.

KOLOSE 2:18

Nen, it ekhe nen he, inobabut inetogat logolik tulemat fogerakhikhi logoligat he, mel agarek andi: ”Nit afuni ninebe kembu. We kaindek he, malaikat Allah nen yonggo pelak fisa wagarek mene andiat. Halok he, inawe a'ma logolik fogerinafi logogun, iluk an nabikanggo higirek mene nen yagahisikhi lagi andi,” iluk ineranhogoat Kristus hinom hundik mene wulak hinobagauwogeluk yagahisili'lagwi andi re, ”Eberogoat,” iluk hinendawimo anggagubo.

2 TESALONIKA 2:4

At andi ebe weinam asimbik, Allah awi wuri'mo menlasi kwimbik he, onggwaregen fogerakhikhi logolik yi'nogo igin: ”Afuni nen, yi mene ti mene oba himbirik logolik fogeratarek mene inom, hineisena ebe yi, iluk agarek mene andi mondogat inom, elo'lek enek meneat he, esin allah nebe an aro,” iluk ikhi logogin andi.

1 TIMOTIUS 1:4

It andi nen he, suetninung ineranen kagalogo pilingitik, Ninebe a'nogo ta'larik wagagu, iluk wene komo wene eroba nen palfigi'legat pilingirik mondok lagik, ili'lagwi andi meneba inendawinggen eberek mondok logoinogo nen he, igi'lek herakfisoageluk komorinabino aro,” iluk yagahetigi anggigi. Wene andi mene ugunem, ebe wene ninendawinggen Allah oba himbiret fuluk were'ma, aren fanotninabigin andi mene hokhorogo agarek lego. We, wurep oba inane hokhoat sagalharek andi.

1 TIMOTIUS 1:7

It andi nen he, ”Wene Allah nen komotninafikhe wene a'nogo, niren yagaisikhi logogun,” iluk inamolo nen yagaisikhi logoligat he, wene ebe futfigi'lek inonggot logoligat he, ”Wene ebe yi'nogo, eberogoat furogo yagaisogo,” iluk ili'lagwi meneat he, futfigi'legat ili'lagwi andi.

1 TIMOTIUS 3:6

Ap ekhe Allah ane oan kerat wanhe mene menfugunem, Allah againafuri kwelaginarek logolik, onggwaregen fogerakhamo re, Allah nen Iblis unggum wogetikhe hak, a'nogoat wene oba fagain andi nen he, Allah againafuri kwelaginarek logouwageluk menfogoin lego.

2 TIMOTIUS 2:14

Wene yagaheti mene andi mondogat it ekhe inendawimo eberogo yagaisikhi logoino. Yagaisikhi logolik, we, inane mene fagerat wene pali'lagwi andi Allah eilhanem fanorogo komorinafi logoino. A'nogo wene pali'lagwi andiba, fano hilinglasigin lego. We, it ekhe inesanggo holiluk, weak asugun aro.

2 TIMOTIUS 2:23

A'nogo hilingiti logolik, it afuni ekhe inendawinggen mum mene nen wene inonggot logolik, inane mari'lagwi mene andi ambisangma re, wene it-it inom weim hak yabi'lagwi andi nen he, it hinom sebeti logou fuk.

2 TIMOTIUS 3:4

inebe misigat mene it ekhe nen inoasuageluk yonggo lagik, inobabut al hatokhogo hilingitik, inonggwarek agaugwerakhigik, Allah ebe inendawirati'lek, afuni inendawimo inagaiyekhogo hilingitarek andi meneat inamolo welagik,

TITUS 3:9

Mene re, afuni inendawinggen legen wene palharek andi inom, inebe ta'larik wagaukwa mene eroba nen pilingitarek andi inom, Allah nen komotninafikhe wene a'nogo faget, wene palharesik afuni inom weak agaikharek andi inom, mondogat andiba fano asigin le'ma, we, tulemat ili'lagwi iluk, haren herakfisikhi logoino.

YAKOBUS 1:19

Nerugwi nagaila'lak. Hinebe nendawi e. Wene yi hinendawimo eberek logoni o. Hinebe lombok wene hinesanggo weak-weak holiluk he, hinaneba nen erogat yagaisigik, hina'mage lagai wagunem hinendawinggen sebelogo logombigen erogat igik, ikhi logoino o.

2 PETRUS 2:12

It ap Allah ane yagaisagarek mene hangge ineranenat yagaisikhi logogun mene andi re, wam endawinggen lek mene ebe fakfuluk wasuagelugat ebe ta'lagarek andi hak, it ap andi nen wene futfigi'lek logolik inabok weak palhi logogun andiba, inonggwarek inebe wam watarek andi hagat Allah nen inoasigin andi.

2 PETRUS 2:18

Afuni ekhe inerugwi inagaila'lak weagat hilingitu kwelek he, herakfisaluk wulibi wesuogeluk ugunem, inendawinggen en nunggunem hobuk weak hilingisuageluk, it ap andi inonggwarek fogerakhikhi logolik we ineranen tulemat inendawimo kagalhi logogun.

YUDAS 1:10

A'nogo meneat he, it afuni andi yi wene ti wene inonggot logoligat he, abok weak pali'lagwi andi. A'nogo palhi logolik, wam endawinggen lek mene nen hilingiterek andi hak, inabisak inelu a'luk hilingi-ri'lagwi andiba inobabut oba inebe weaget fakhili'lagwi andi.

YUDAS 1:16

It andi afuni inabok weak palhik, wenagisigik, ugu mondogat welagaikharek mene. Yi mene ti mene inendawinggen en nunggunem, ”Namolo.” anggikhi logolik he, andi meneat hilingitik, inonggwaregen fogerakhikhi logolik, yi mene ti mene saburogo heluogeluk, it ekhe inane agaukhogo fogerinafik, agarek mene.

WAHYU 3:17

Hit he, hinelagaigat, hineilenggen mumat, hinalfulukwaat, logoligat he, nit ninebe inendawi hak mondok weagat welago, iluk futfigi'lek, hiren ikhi logolik: Nit he, ninebe ninonggwaregen kainet fakhogosik, yi mene ti mene ninelagaik agi'lek, nineilmo werek welago, iluk ikhi lagep andi.