1 TIMOTIUS 6:3 - Allah Wene Fano Wene Hupla Inane

³ It afuni ekhe nen fano wene ninoe Enupogot Yesus Kristus nen hilingitikhe wene a'nogo inom, ”Allah awe a'ma kuluk, yi'nogo hilingiti logogun,” iluk, wene yagaisikhi lago mene andi inom, herakfisaluk, hunogo wene yagaisili'lagwi mene ekhe werek.

1 TIMOTIUS 6:3 ပူးပေါင်းရင်းမြစ်များ

AMSAL 15:4

Inane liokhogo agarek oba re ekhe inom inagaiyek agarek, inane inoba wusufuk lafuk agarek oba re inagaiyek lega'luk inoba lebelek agarek.

MATIUS 22:21

iren he, ”Ari Kaisar aro,” iluk yagatukwama, at Yesus nen he, ”Kaisar mene halok he, Kaisar at wogetik, Allah mene halok he, Allah at wogetik, ikhi logoino o,” iluk, yagaisasikhemo re,

ROMA 16:17

Nerugwi nagaila'lak. Hinendawimo kagalogo re, wene ekhe yi nane ninghogo yagahisago. It afuni ekhe hobuk we'luk, wene attak yagahisasukwama wanhigip mene herakfisoageluk he, hinebe minggilogo hinobagagik, hinendawimo weagethinafik, ugu halok he, hinebe hebelogo logolik, inane hinesanggo holhi'lek, herakfisaluk agaiseti logoino.

1 TESALONIKA 4:8

Wene andi hit ekhe nen herakfisikhi lagep halok he, nit afuni ninane mene herakfisikhi lagep fuk. Lego. We, Allah nen Areagun hit wokhisikherek mene a'nogo ane meneat herakfisikhi lagebo.

1 TIMOTIUS 1:10

aben hemi pailak fakfisigik, ap-ap fakfisigik, agarek mene inom, afuni ekhe inagainafuri mene inenggi abisak hinaginafarek mene inom, ineranen agarek mene inom, ”Wene eberogoat igin,” iluk Allah enu hombuk palilugat he, lalinafarek mene inom, it mondogat a'nogo hilingitarek mene faget isikhe. Nen, it ekhe inobabut ebe wene fanotninaferek wene andi sagalogo herakfisaluk weak hilingitarek mene an igi'lek mene mondogat ekhe faget inomat isikhe.

1 TIMOTIUS 1:3

An o Efesus nen o Makedonia yoma wesigeluk he, hat hendawimo kagalogo wene mel iluk yagahetigi anggigi: ”Hat hebe o yoma logoino. Logolik he, it ekhe nen wene ebe mene lek. We, hunogo mene yagaisili'lagwi mene andi igi'lek inane palfouwageluk komorinafi logoino.

1 TIMOTIUS 1:6

Menere, it ekhe nen inobabut fano hilingitarek andi mene hilingiti lagaikharesigen herakfisaluk kwanirogo tulemat lek asigin mene andiat hilingiti logolik, inonggwaregenat nong akhili'lagwi andi.

2 TIMOTIUS 1:13

Wene an nen yagahetigimo wanhigin a'nogo, an nobabut wanimbik, nit Kristus Yesus ninom hundik logolik, ninendawinggen at oba himbiret figik, afuni ekhe ninendawirinafik, ogorek hak ikhi logolik, hendawimo nen he, ”Fanotninaferek mene wene ebe yi aro,” iluk, ninghogo fisogo logolik yagaisikhi logoino.

2 TIMOTIUS 4:3

Hobuk, it afuni nen ebe wene inesanggo furogo holhi'lek logolik, we wene inesanggo holu inamolo nen, yagaisikhi logouwageluk it ekhe inebe hokhorogoat inayonggo fembik andogerinabugun andi.

TITUS 1:1

Titus namlogo e. An Paulus, Allah amingmingengge logolik, afuni aren wenaginafikhe mene inendawinggen at oba himbiret fuluk were'ma ago warinafik, nen, nit at awe a'ma logolik ebe wene yagaisikhi lago wene a'nogo furogo inelu asuageluk yagaisigik, uageluk Yesus Kristus nen nayonggo fesikhesik laknobagai wagaikhe mene a'nogo nen, wene yi lisu palogo hoba lakfei wagi andi.

TITUS 1:9

Wene afuni fanorinaferek wene yagaisikhi logolik fanorogo komorinafik, aren ebe wene ugunem, it ekhe nen, at ane sebelogo fugunem, aren inane elok sebelogo fisigik, elogat ikhi logouwageluk, wene niren yagatugumo eberogoat iluk wanhikhesik, obabut higithogoat ninghogo fisogo welagarek mene halok menfisogoin o.

TITUS 3:8

igi andi eberogo aro. Haren it ekhe inendawinggen Allah oba himbirik werek mene nen, afuni ekhe faget fanorogo leberisagarek andi mene esinet fuluk anggilukhogo hilingiti logoumo, afuni mondogat faget fano mondok, iluk, a'nogo hilingiti logouwageluk, ninghogo komorinafi logoinogeluk, an nendawimo anggigi mene yagaheti andi.