1 TIMOTIUS 6:18 - Allah Wene Fano Wene Hupla Inane

¹⁸ It andi fanorogo hilingiti logolik, inagarek hokhorogo logou hak he, afuni ekhe fanorogo leberisikhi logolik, inagarek lek mene wogisigik, sumburisigik, ikhi logouwageluk komorinafi logoino.

1 TIMOTIUS 6:18 ပူးပေါင်းရင်းမြစ်များ

IBRANI 13:16

A'nogo hilingiti logolik, afuni ekhe fano hilinginafik, leberisigik, ikhi logouwok. A'nogo hilingiti logogun andi re, Allah endawimo fanorogo anggo waretarek andi hak hilingiti logogunmo re, oba ninonggot asugun mondok lego.

1 YOHANES 3:17

Mene re, sa nen at agarek yi mene ti mene kweangma mene fuluk logolik, erei agailak ekhe yi mene ti mene elagaik were'ma eilenggen halugat he, ekhe wogeti'lek endawimo nen anggikhi logolik, nonggwarek enek anggikhe halok, at andi obabut he, Allah nen endawitninaferek andi hangge werek anggegep? Mondok lego.

ROMA 12:8

Nen, it ekhe nen, afuni ekhe inendawinggen ago wati logouwageluk inobabut wogisasikhe mene andi re, a'nogo fanorogo hilingiti logogun o. Nen, it ekhe nen, inagarek mene it afuni ekhe inagarek lek mene sumburisikhi logouwageluk inobabut wogisasikhe mene andi re, inonggwarek faget anggigi'lek lebekhogo wogisikhi logogun. Nen, it ekhe kain logouwageluk inobabut wogisasikhe mene andi re, ninghogoat hilingiti logogun. Nen, it ekhe nen afuni ekhe inendawirinafi logouwageluk inobabut wogisasikhe mene andi re, inendawimo inagaiyek hikhi logolik inendawirinafi logogunaro.

MAZMUR 37:3

Hinendawinggen Tuhan oba himbirik logolik he, fano mene nek hilingiti lo goino. Hinebe hinawi welagep oba andiat logolik he, hinobabut higithogo nek hilingiti logoino.

TITUS 3:8

igi andi eberogo aro. Haren it ekhe inendawinggen Allah oba himbirik werek mene nen, afuni ekhe faget fanorogo leberisagarek andi mene esinet fuluk anggilukhogo hilingiti logoumo, afuni mondogat faget fano mondok, iluk, a'nogo hilingiti logouwageluk, ninghogo komorinafi logoinogeluk, an nendawimo anggigi mene yagaheti andi.

TITUS 2:14

Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.

LUKAS 12:21

Andi hak he, it afuni Allah eilhanem inenggi werek isili'lago legoba nen, kweangma meneba nek inenggi werek hilingfakhili'lagwi a'nogo re, andi emberek higiraro,” iluk yagaisasikhe.

GALATIA 6:10

Mene re, nit o yogondak fano mene hilingisu elok welago yaba re, afuni ekhe inebe mondogat leberisikhi logoligat he, esin hangge re, ninerugwi ninagaila'lak inendawinggen Kristus oba himbirik werek mene halok fanorogo leberisikhi logouwogo.

ROMA 12:13

Allah againafuri mene ekhe yi mene ti mene le'ma werek halok sumburisigik, ap pok inebe hinonggot mene wagunem hinaiba fanorogo woginafik, ikhi logoino o.

1 TIMOTIUS 5:10

It afuni ekhe nen it hemi sogwe mene andi inabok ikhi logolik, ”It inobabut fano hilingiri'lagwi,” iluk agarek mene halok, inenu lisu palugun. Fano hilingitarek andi re, inonggwarek ineagwi fanorogo kulinafik, ap pok wagunem inebe fanorogo woginafik, Allah againafuri ekhe ineisok ebene sobalinafik, it ekhe weak were'ma leberisigik, inenggi ekhe kamo igi'lek yi mene ti mene faget leberisikho mondok welagik, agarek mene halok inenu lisu paluguno.

2 KORINTUS 8:9

Ninoe Enupogot Yesus Kristus obabut fano nen endawitninafikhe a'nogo hit hinelu mondok anggigi. Athe, ebe Allah mene logolik he, eilmo werek welagaikhe meneat he, at elagaik agaikhe andiba, hit ebe mene hineilmo werek asubagaigeluk, at ebe nit afuni mene agaikhesik elagaik agaikhe andi.

2 KORINTUS 8:12

Hit hinangge lek mene fuk. Athe, werek mene hinendawinggen oba nen it andi fisogoin halok he, at Allah nen, ”Fano faga,” iluk anggagain.

1 KORINTUS 16:2

An nebe wagunem en andogosugun lego. We, yabaat hari Minggu oba hundik-handik ikhi logolik, hinebe lombok hinenggim aga halok, andogorogo fisaluk fisogo logoino o.

YESAYA 58:7

Nen afuni nelerogo werek mene inoba hit nunggu mene sumburogo wogisigik, ap inawi lek mene hiren woginafik, afuni inalfulukwa werek mene inasu labetfisigik ikhi logolik, it hinagaila'lak ekhe leberisa elok werek kwelek hikhiphogo herakfisa fugo.

PENGKHOTBAH 11:6

Yi mene ti mene awi hubet yasugun mene fano asigin he a? Hu'mokokwe yasugun mene fano asigin he a? Emberegat fano nek asigin he a. Hinonggot andi nen he, hubet yati la'luk hu'mokokwe set warigi'legat yati logoino o,” iluk isikhe.

MAZMUR 112:9

Aren he angge yi mene ti mene it afuni inenggi lek mene leberisigik, nen at ebe along werek mene hilingik logolik lego were'ma re, afuni nen along anggaluk legeisogo fugunem, aren fano mene nek it inoba hilingfisugu, welagarek.

3 YOHANES 1:11

Nagailage, hebe nendawi. Haren he, it afuni inobabut weak hilingitarek mene andi, inobabut wanhuno. We, it inobabut fano hilingitarek mene halok, inobabut wanhi logoino o. Sa nen obabut fano nek hilingiterek mene andi ebe Allah againafuri meneat he, sa nen obabut weak enek hilingiterek mene halok, aren Allah ebe eilenggen hikherek lek, onggoraro.

YAKOBUS 2:5

Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.

KISAH PARA RASUL 9:36

O Yope andoma, he ekhe enu Paik enu mene, afuni Yunani mene inaneba enu Dorkas u hak, it inaneba Tabita iluk ikhi lagaukwa mene welagaikhe. At he andi, Tuhan Yesus ane wanhikhesik, yi mene ti mene fano hilingiti logolik, afuni inenggi lek inelagaik mene leberisugu mondok welagaikhe.

YESAYA 32:8

Oba nen he fano mene nek wenggelharek mene re hilingisugun mene iluk wenggelogo fikhi logolik inom, nen hilingiti logolik inom he, fanorogo nek hilingitarek.

PENGKHOTBAH 3:12

Nen wene esin he nit ninebe nineluk logolik, ninendawimo ninagaiyek oba fanorogo hilingiti logogun andi nek he an nelu o.

2 TAWARIKH 24:16

At ebe wa'lagaikhemo re, aren Allah faget hilingiti lagaikhe mene inom, Tuhan Awi wurik a'nogo faget hilingiti lagaikhe mene inom, it afuni Israel mene inobaget hilingiti lagaikhe mene inom faget, wenggelek logolik he, iren o kota Daud en meneba omanogo sali lagaukwa.

KISAH PARA RASUL 11:29

Andi sumburu ouwak ebe oan hilinglagi'lek werek kwelek he, it afuni Yesus ane wanhukwa mene omanogo nen he, ”Halok he, nit ninebe lombok uang ninenggimo aga mene higithogo ninerugwi ninagaila'lak o propinsi Yudea andoma andogotarek mene leberisouwogen andogorogo lakfouwogo,” iluk wene palhukwasik uang andogotukwa.

MATIUS 5:42

Nen, at ap ekhe nen: Hagarek andi an wo'nom, iluk kino ugu halok he, hinabit igi'legat wogosugun o. Nen, at ekhe nen: Hat mene andi hobuk wokhesigen, elama faget wo'nom, iluk ugu halok he, nabit, igi'lek wogosugun aro,” iluk yagaisasikhe.

LUKAS 3:11

aren he, mel yagaisasikhe: ”Ap sa nen, inasu labetu mene pire werek halok he, at ekhe asu lek mene wogosugun o. Nen, hinamburu werek halok he, a'nogoat leberisogoin o,” iluk, yagaisasikhe.

EFESUS 4:28

Hit ekhe nen yogot wanhi lagep mene halok, hobuk a'nogo wanhi'lek logolik, it inenggi lek mene leberisikhi logouwogeluk, hinonggwarek yabu hinenggi omamerogo wanhi logoino o.