1 TIMOTIUS 6:16 - Allah Wene Fano Wene Hupla Inane

¹⁶ Nen, at ebe wa'lagi'lek etok mondok welagarek menere, at alegaro. At ebe o selek oba mondok were'ma, ineilenggen siluk pabuk iluk, oba horokhogo la elo'lek. At ebe afuni ekhe nen ineilenggen hagarek legat. A'nogo ha elo'lek. Omame mondok logogin mene andi, fogeratu mondok logouwogo, iluk ”Amin,” igi andi.

1 TIMOTIUS 6:16 ပူးပေါင်းရင်းမြစ်များ

AYUB 37:23

Nit nineisena Allah andi re eberogo omame hokho mene were'ma re, niren At horokhogo asi la re elo'lek. Aren he higithogo nek hilingitik, katokhogo nek hilingitik, hilingiterek. Aren afuni enggin-fenggin inoba fuluk sebelinarek welagarek mondok lek.

MAZMUR 104:2

Haren o pogot he tenda wurilogo talfugunem hakhogo talfesigin,

MAZMUR 90:2

Haren o tom-tom inom kweang inom, yi mene ti mene kweangma welagarek mene inom, oan elalhi'lek logolik andoma re, Hat hebe hero weinam agu aple inom, herembulmo wa'lagu aple inom he legengge welagagin.

KELUARAN 3:14

A'nogo yagatikhemo, at Allah nen he, ”An he, Anaro. Afuni Israel mene yi'nogo yagaisano: Aren he, An he, Anaro, ikherek iluk agarek mene a'nogo nen hinoba laknobagai wagama wagi o, iluk yagaisano o.

KELUARAN 33:20

An nebe afuni nen ineilenggen nealuk, ineluk logogun lek andi nen he, nelokhe inuk heagain lego.

YESAYA 57:15

Andi re At Allah Lego Mondok logolik Amu Horek were'ma, mondok-mondok faget Enu legeisogo fagarek mene a'nogo nen yi'nogo ikhe, ”An nebe re obalik mondok legoma hore'ma po'lima welagi o, oba nen he, ap inendawinggen sebelfakhaluk hilingitarek mene inom, inaweak faget inendawi warili'lagwi mene inom, inagaiyek lek were'ma ambotkwe inagaiyeget figik, inobakhe palek were'ma inelugerinafik igirego.

HABAKUK 3:4

Hat hebe wagunem he hombak-bak yararet hilik waga lagen, nen Hat henggiba nen he hasinandi amulit tibelenggeri'lago. A'nogo tibelenggeri'lagoba andoma re Hat homame a'nogo hinago welagen.

YOHANES 1:18

Afuni ekhe nen Allah ebe ineilenggen mondok higi'lek meneat he, at amlogo misigat tago eisena era'lu emberek higit welagaikhe mene andi nenat Allah ebe furogo yaganisa wagaikhe andi.

YOHANES 14:9

at Yesus nen he, mel yagatikhe: ”Filipus nagore. An o endamat a'lima nenat ninom welago meneat he, haren an nebe futnobabagagi'lek welagenma higi, i a? At sa nen an eilenggen niikhe andi re, An Neisena eilenggen hikhe o. A'nogo meneat he, haren, Heisena andi yaganisan o, iluk egen andi ninggi'nogo nen egen.

YOHANES 6:46

Wene yagahisigi yi re, it afuni ekhe nen an neisena andi ineilenggen hasukwa iluk yagahisigi fuk. We, an nalegat Allah were'ma nen wagagi mene yi nek he, neisena neilenggen hasigi o.

YOHANES 8:58

aren he, mel yagaisasikhe: ”An nane eberogo yagahisago. Ap Abraham andi ebe oan ta'lagi'lek werek kwelek, an netok mondogat welagirego,” iluk yagaisasikhe

EFESUS 3:21

Nit Allah againafuri andogorek mene mondogat Kristus Yesus ninom hundik logolik ninebe ekhe hobuk mene ket ta'larik lagu kwelek, Allah eberogoat fogeratu mondok logouwok, iluk, ”Amin,” igi andi.

ULANGAN 32:40

An Allah nali'-nalegat, neluk mondok welagirek mene, An nenggi liakfulugen, nonggwarek nenu hombuk palogo, ikhi lagi.

FILIPI 4:20

Halok he, nineisena Allah fogeratu mondok logouwok, iluk: ”Amin,” igi andi.

KOLOSE 1:15

Allah ebe nineilenggen hogorek lek meneat he at ebe higit he Yesus andi aro. At Allah nen, yi mene ti mene pogoroba mene inom, kweangma mene inom, nineilenggen hogorek mene inom, hogorek lek mene inom, elalhikhe andi. Nineilenggen hogorek lek mene ekhere, malaikat inomame hokho logolik inawe a'ma ferinarek were'ma inane hologo welagaikharek mene andiat. Allah nen a'nogo mondogat elalhikhe andi ebere, at Kristus nenat, onggwarek fagerat elalhikhe andi nen, yi mene ti mene mondogat andi, esanggoma hak werek kwelek, esin he, Allah amlogo manggusa mene Kristus andi aro.

1 TIMOTIUS 1:17

Nineisena kain Enupogot Allah andi alegaro. At ebe nineilenggen hogorek lek. Walhasikhe etok mondok welagarek mene andi aro, iluk, fogeratik, hai watik, ugu mondok logouwogo, iluk, ”Amin,” igi andi.

IBRANI 13:8

At Yesus Kristus ebe re, o attagen, yogondagen, etok mondok welagarek andi hak, hobuk a'nogoat etok mondok logogin o.

YAKOBUS 1:17

Nineisena Allah pogoroba mene a'nogo nenat yi mene ti mene fano mene wo'nisigik, mondok higit mene pela'nisa wagik, ikherek andi. Arenat pogoroba selek welagarek mene andi elalhikhesik he, at ebe hunogoat hilinglagik, obabut munenogo mum agik, selek agik, ikherek lek.

1 YOHANES 1:5

Allah amlogo nen yaganisikhi logolik he: ”Allah ebe re, selek andi atma re, o mum he at oba welagarek mondok lek,” iluk yaganisasikhe mene, nit ninesanggo arat holhugu mene yagahisikhi lago andi.

1 YOHANES 1:7

A'nogo meneat he, Allah ebe selek oba welagarek andi hak, nit ogo re, selek oba logolik, fano hilingiti lago halok, nit-nit nagailak-hagailak ninom hundik were'ma, nit weak hilingitunem at amlogo Yesus amep oba ho'ninafu mondok welagarego.

1 YOHANES 4:12

Nen, Allah ebe andi re, afuni ekhe nen ineilenggen mondok higi'lek. Meneat he, nit-nit nendawi-hendawirogo logogun halok he, Allah ninom hundik mondok logoguno. A'nogo were'ma, attak Allah nen endawitninafi logolik, endawimo anggasikhe andi hagat, yi mene ti mene fano katokhogo hilingitarek andi hak, nit-nit nendawi-hendawirogo logouwageluk higithogo hilingninabi'logo andi.

YUDAS 1:25

Nineisena Allah alegaren ninoe Enupogot Yesus Kristus hilingitikhe andiba telninafikhe mene a'nogo eisewerek omame hokho aro, iluk, at fogeratik, esinet figik, ikhi logouwogen, eroba yi mene ti mene walhigi'le'ma Allah alegat welagaikhe andiba nen, yogondak ya nen, hobuk mondok logolik, a'nogo fogeratu mondok logouwok, iluk ”Amin,” igi andi.

WAHYU 1:6

A'nogo fikhalninafikhesik, nit at eisena faget hilingiti logouwageluk, ninebe kain Allah eisewerek menninobagasikhemo welago. A'nogo menninobagasikhemo logolik ninendawimo nen he, ”At Yesus Kristus andi, omame hokho werek,” iluk nit at ebe eberogoat fogeratu mondok logouwogo, iluk, u hak, ”Amin,” igi andi.

WAHYU 1:8

Nineisena Allah Enupogot omame hokho andi, etok mondok logolik, endam welagaikhe, yogondak weregat, hobuk mondok logogin mene wesigin a'nogo nen ikhi logolik he, ”Ero inom, erembul inom, an aro,” iluk ili'logo o.

WAHYU 21:3

A'nogo higiri'mo nen, hobuk nesanggo holhi hak he, at Allah kain welagarek obuluk oba a'nogo nen, at ekhe ane hokhorogo ikhi logolik: ”Yethani! Allah afuni inom mondok logogin mene, awi a'li yethani! A'nogo logolik, it at againafuriat logogun, nen, at Allah it ineisena inendawinggen oba eberogoat himbirik logogun meneat logolik, inom mondok logogun o.

WAHYU 22:5

Nen, Allah ebe aselegen it inebe selegerinafu kwelek andi nen he, o hup aga logogin lek, nen iren esage ibilhi logogun lek, mo yagati logogin legat, werek kwelek it kaindek inenupogot logolik, afuni ekhe inawe a'ma fisaluk ferinarek mondok-mondok logogun isigi o.

WAHYU 4:11

”Nineisena Allah Henupogot, Yi mene ti mene mondogat, Hat hendawimo anggasigindigen elalhigin, Elalogo fesiginmo werek andi, Harat kain homame hokho welagen andi nen, Fogethafik, agaugwethafik, ikhi logogun,” iluk apne waganogo fogerati lagaikha isigi.

WAHYU 7:12

A'nogo fogerati logolik, anggup yi'nogo ikhi lagaikha: Wa u wai a ”Ebe asuak u hak, Amin, Nineisena Allah halegat hokho, Yi wene ti wene helu mondok logolik, Hat homameba fetninarek were'ma, Hai wathafik, fogethafik, Agaugwethafik, esinethafik, Ugu mondok logogun andi, Ebe asuak u hak, Amin,” iluk wuni wati lagaikha isigi.