1 TIMOTIUS 6:1 - Allah Wene Fano Wene Hupla Inane

¹ Afuni ekhe nen Allah enu weak igik, at ane niren yagaisikhi lago mene faget, ”Wene andi weak,” igik, inogo iluk, Allah againafuri mene it ekhe inamingmingengge a'luk hilingiri'lagwi mene andi, inonggwarek inogogwi mene andi inawe a'ma logolik, inendawimo nen, ”Noe andi agaugwerati logogun,” iluk, agaugwerinafi logouwago.

1 TIMOTIUS 6:1 ပူးပေါင်းရင်းမြစ်များ

KEJADIAN 16:9

A'nogo yagatikhemo, at malaikat a'nogo nen he, ”Hambotkwe he Sarai oba lambik, at lebethikhi logoino o,” iluk yagatikhe.

KEJADIAN 24:12

Asi wagaikhemo, Abraham amingmingengge a'nogo nen samban yi'nogo isikhe: ”An noe Abraham eisena Tuhan Allah, neisena. Hat at ebe hendawirogo welagendek a'nogo nen, hobuk hendawi asimbik, an herarik wagi a'nogo, tip uageluk kino yagaheti o.

KEJADIAN 24:2

A'nogo fanoratu were'ma inenggi ekhe sambul at Abraham en he, at amingmingengge inoe mene Abraham angge yi mene ti mene enggiba logolik wene lenggalhi lagaikhe mene andi mel yagatikhe: ”Henggi nago fena honggolek fena honggolek kwelakfein o.

KEJADIAN 24:27

”Noe Abraham eisena Tuhan fogethafi lagi o, neisena. Haren wo'narek noe Abraham ogogwi agaila'lak inaiba yoma wagendik, an noe ane hologo hendawi hundik welagendek a'nogo nen hendawiraten hiigi o,” iluk yagatikhe.

2 SAMUEL 12:14

A'nogo meneat he, hat weak hilingiten andi nen, nineisena Tuhan elokhoma weaget fegenma re, hat hamlogo ket ta'laga mene andi ebe wa'lasigin o,” iluk yagatikhe.

2 RAJA-RAJA 5:13

A'nogo isikhe meaneat he, at Naaman agoromi at oba horokhogo higilha wagaukwasik he, mel yagatukwa: ”Noe. Yi mene ti mene hilingisu elo'lek mene hilingisuageluk yagahe'lepma hilingi'len lek nogo? Ane hologoat hilingi'len aro. Mene re, aren, hat houmo lek asuagaluk, we, kume wasi lan, iluk yagahete andi enggin lek, we, se mene hilingisuagaluk yagahete meneat egen o,” iluk yagatukwa.

NEHEMIA 9:5

Samban a'nogo isukwasik, o andi sambul he, ap Lewi mene, Yesua inom, Kadmiel inom, Bani inom, Hasabnea inom, Serebya inom, Hodia inom, Sebanya inom, Petahya inom, it andemen Allah againafuri nen Allah fogerasuagaluk mel isukwa: ”Ninebe menlasimbik he, nineisena TUHAN Allah fogerasuogo. Nineisena TUHAN fogeratu mondok werek mene a'nogo fogerasuok. It ekhe endebat hangge fogerinabugun mene re, At enek he, enu elalin mene yi awi ti awi mondogat lili'lago a'nogo enu seralhu mondok logouwogo,” iluk isukwa.

YESAYA 47:6

Attak he An nen nagainafuri wenagisikhi lagagi, it faget An nagainafuri wenaginafi mene werek anggikhi lagagi lek. A'nogo anggikhi logolik it a'nogo An nen hat henggiba horogo fesigiba nen, haren it faget inelagaik anggikhi lagagin lek, nen we it inaluendek meneba nen ogore haren haniniba enggin-fenggin inoba fikhi lagagin.

YESAYA 52:5

Yogondak An nen yoma ninggi'nogo mene hilingisigin he? Afuni Babel mene nen ogo hele warogo hinobagasukwasik hinoba wiik weakhogo hilinghinobagakhi lagaukwa. Iren hit sebelogo hinobagaluk wonoget fakhikhi logolik hundik-handik An nenu mondok weak peakhogo hilingfikhi lagaukwa.

YESAYA 58:6

Lego! Inambe heang fuluk welagaikharek andi ebe An namolo mene re yi o: Ap enggin-fenggin inoba fisugunem werek mene andoma lologo fisigik, higithogo hilingitu le'ma anggolo hurane hagarek mene andoma lologo fisigik, ap sebelogo ferinarek welagaikharek mene fikhalogo wulakfisigik, agarek mene andi nek he An namolo re andi o.

YEHEZKIEL 36:20

Ekhekwe-ekhekwe laga logolik, iren hundik-handik An nenu horek welagi mene a'nogo weaget filik mondok laga lagaikha. Andiba afuni nen he, yi'nogo ikhi lagaikha, ’It inunggulenu yi re, Allah againafuri werek ili'lagwiba nen he, it inanggweang Allah nen wogisasikheba a'nogo herakfisagasik hilingiri'lagwi,’ iluk ikhi lagaikha.

YEHEZKIEL 36:23

An nenu mondok horek mene logolik omame hokho werek meneba nen hiren yi afuni ti afuni inunggulenu lombok inanggelekwe andoma nen weaget fikhi lagep mene a'nogore An nen fano horek mene hilingfagain, andi nen he, iren An Tuhan welagirek mene a'nogo inelu asugun. Iluk An Tuhan Lego Mondok welagirek mene a'nogo nen nane mondogat igi, An namu horek mene welagi, nen An Tuhan Mondok Horek mene welagi mene a'nogo yi afuni ti afuni inunggulenu mene mondogat inoba weinamet feigeluk he, hit hinebene nen hilingisigin,

MALEAKHI 1:6

Tuhan yi mene ti mene hilingisu hagenek mene a'nogo nen, ap imam omanogo inoba yagaisikhi logolik he, ”Yenggerugwi nen ineisugwi agaugwerinafik, afuni inamingmingengge mene nen inogogwi agaugwerinafik, agarek. An yi re, hineisena aro, nenahalok hiren An agaukhogo hilingnafi lagep lek nogo? An yi re, hinoe, nenahalok hiren An noba hinailo welagep lek nogo? Hiren An nebe weagerogo noba ikhi lagep meneat he, hiren heinok wo'niikhi logolik, ’Nit ninggi'nogo hilingiti lagoba Hat weagerogo fikhi lago nogo?’ iluk ikhi lagep andi.

MATIUS 11:9

Halok he, nena mene houwogeluk lagepsik. I a, athe, ap Allah ane yagaisikherek mene ekhe were'ma hineilenggen houwogeluk laga lagepsiga? Eberogoat, andi aro. An nen yagahisak. It ap Allah ane yagaisikhi lagaukwa mene ekhe welagaukwa meneat he, it andi elo'lek hak. At Yohanes andi nek he, enu werek esinaro.

LUKAS 17:1

At Yesus nen a'nogo yagaisasikhesik he, at agoromi ane wanhi lagaukwa mene omanogo wene ekhe mel yagaisasikhe: ”Afuni nen an obokhogo heraknobagauwageluk it ekhe inendawimo kagalugun mene weregaro. Meneat he, at sa nen inendawimo kagalhu mene andi Allah nen ebe weaget fagain o.

KISAH PARA RASUL 10:22

A'nogo yagaisasikhemo, iren he, ”Ap tentara mene esa folharek mene inoe kain enu Kornelius andi nen lakninobagai wagama wago. At andi obabut higithogo hilingitik, Allah ebe ailorogo welagik, ugunem, it afuni Yahudi mene mondogaren obabut palharesik he, a'nogoat abok fano agarek. At andi a'nogo hilingitunem malaikat Allah nen yonggo pelakfisa wagarek mene omanogo ekhe nen he, Petrus andi nen wene hat hesanggo holigin mene yagahesigin werego, iluk hat hayonggo lakninobagai wesuageluk yagatemo, aren lakninobagai wagama hoba wago o,” iluk yagatukwa.

KISAH PARA RASUL 10:7

Arat yagatikhesik he, malaikat Allah nen yonggo pelakfisa wagarek mene a'nogo wulifikhesik lagasikhemo re, at Kornelius nen, amingmingengge mene aiba welagaikharek mene inebe pire inom, ap ekhe tentara mene ebe Allah ailorogo logolik Kornelius inom mondok nikhi lagaikhe mene andi inom, wolisasikhe.

KISAH PARA RASUL 15:10

Allah nen a'nogo hilingitu kwelegat he, hiren at obabut paluogeluk ikhi lagep andi nenahalok? Wene andi enggin hokho nen he, ninombalak wanu elo'lek welagaukwa. Nen, niren wanugun elo'lek logoligat he, hobuk it Yesus ane wanha mene andi wanuageluk egep andi nenahalok.

ROMA 2:24

Hit hilingiti lagep andi faget, Allah ane lisu yi'nogo palek werek: ”Hit hinobabut a'nogo hilingisugun oba it afuni endakwe mene nen, Allah enu ikhi logolik, abok weak ikhi logogun o,” iluk isikhemo wene lisu palogo fesukwa hagat hilingiti lagebo.

1 KORINTUS 10:32

Afuni Allah againafuri mene inom, nen, it Yahudi mene inom, Yunani mene inom inendawinggen Yesus oba himbiret figi'lek mene inom, weak asinogo iluk hinobabut higithogo hilingiti logoino o.

GALATIA 5:1

Nit Kristus nen ninale'ma ninobagasikhemo yogondak ninale'ma welago. Andi nen he, yi mene ti mene enggin weak mene it afuni inamingmingengge mene nen e yerogo waluk loageluk inomoloba fagarek hak, enggin mene andi hobuk hinoba feinogo iluk, ninghogo mendek logoino.

ULANGAN 28:48

Andiba re, hiren it ap hinaselei mene At hineisena Tuhan nen hit hinom weim yabuageluk lakfisa wesigin mene andoma inobaget hilingiti logogun. Hit hinebe hinamburu ouwak agik, hinagai nele agik, hinalfulukwa kogouk welagik, yi mene ti mene mondogat hinelagaik logolik hinenggi lek welagik hilingiti logolik, At hineisena Tuhan nen a'mageba fethinarek werek kwelek enek hit hinebe mondogat wa'lasugun.

1 TIMOTIUS 5:14

Halok he, it hemi sogwe ekhe Iblis ombo'ne kwanirogo hela lagaikha andi nen, it ekhe nit Allah againafuri ninom weim palek hangge mene nen ninabok weak palinogo iluk, it hemi sogwe tugum mene andi, inaguni lombok woginapluk he, ineagwi tagaisogo fanorogo tegelogo ferinarek logouwageluk igi andi.

1 PETRUS 2:12

It afuni endakwe mene Allah inonggot mene hinom logolik, iren he, hit weak hilingiti lagep mene halok, ”It weak hilingiri'lagwi o,” iluk hinabok weak ikhi logoligat he, hit hinobabut fano hilingitunem ineilenggen hisikhi logombik he, afuni nen at Allah ebe hobuk wagunem fogerasuageluk hit hinobabut higithogo hilingiti logoino o.

1 PETRUS 3:16

hinane liokhogo hai warogo yagaisikhi logoino. A'nogo yagaisikhi logolik, hinendawimo nen he, ”An wene noba selego,” iluk anggikhi logolik, Kristus hinom hundik logolik, fano hilingitunem, afuni nen hinabok weak palugun mene andi ineilenggen hisaluk inenggali asuguno.