1 TIMOTIUS 5:4 - Allah Wene Fano Wene Hupla Inane

⁴ A'nogo meneat he, it sogwe mene andi ineagwi, inombalo lagen tagoma mene ekhe werek halok he, it andi nenat, ”Nit ninebe ero misigaren tago mene,” iluk, iren hilingisu mene yangguluak. Andi re, at Allah endawimo nen he, ”An nawe a'ma logolik, ineisenalagen kulinafi lagaukwa hak, onggo it tak fanorogo leberisikhi logoguno,” iluk endawimo amolo anggikherek andi nen he, a'nogoat leberisikhi logouwak.

1 TIMOTIUS 5:4 ပူးပေါင်းရင်းမြစ်များ

KEJADIAN 47:12

A'nogo wogisasikhesik, at Yusuf en eisena inom, agaila'lak inom, it inagainafuri inebe inalue mene inom, yenggerugwi mene inom, inebe mondok inamburu ninggi logogun mene higithogoat wogisasikhe.

KEJADIAN 47:28

At Yakub ebe o Mesir lagaikhesik he, 17 tahun andoma welagaikhesik, attak welagaikhe mene inom lambulogo re, umur 147 tahun hilinglagaikhe.

AYUB 18:19

At againafuri inom, aren tagomangge mene inambisangma mene inom ekhe logogun lek, at awi eroma andoma ogore ap misik iluk ogo ekhe logogun legat.

AMSAL 31:28

At obabut fano iluk eagwi nen agaukhogo hilingitik, agun nen agaukhogo fogeratik, agarek.

YESAYA 14:22

Tuhan Omame Hokho mene a'nogo nen mel isikhe, ”An nen o Babel pin kwikhi logolik felelenghogo leget fisagain o, ap misik iluk ogo ekhe An nen agap teligin lek. Nen yenggerugwi magendek mene ogore ekhe ineluk logouwageluk herakfisagain legat, iluk An hineisena Tuhan nen igi.

LUKAS 2:51

A'nogo iluk he, at Yesus agaisa eisena inom o Nasaret lagai wagaukwa. Lagai wagaukwasik logolik, at agaisa eisena inane fanorogo hologo hilingiti lagaikhe. Nen, agaisa re, wene omanogo mondogat endawinggenma wanhikhesik eberek mondok welagaikhe.

1 TIMOTIUS 2:3

At Allah telninaferek mene a'nogo endawimo anggikhi logolik he, ”Yi afuni ti afuni mondogat telinafik, ebe wene furogo inelu asuageluk yagaisigik, agarek mene,” At endawimo amolo anggikherek andi nen he, hit a'nogo ikhi logogun halok he, fano.

1 TIMOTIUS 5:16

Mene re, he ekhe endawinggen Allah oba himbirik welagarek mene agaisa ekhe sogwe mene werek halok, Allah againafuri mondogat inoba enggin asinogo iluk, arenat lebethikhi logogino. A'nogo lebethugu kwelek, it Allah againafuri mondogaren he, hemi sogwe mene ekhe afuni it mene nen leberisugu lek mene halok, leberisikhi logoguno.

TITUS 1:11

A'nogo lalinafi logolik, yi mene ti mene inonggwaregen hunirogoin lek mene hunirouwogeluk yagaisogoin lek meneat yagaisikhi logolik, afuni hokhorogoat inagainafuri inomat lalinabi'lagwi andi, it inane andi sebelogo legetfisano.

HAKIM–HAKIM 12:14

At amlogomi inebe 40 nen welagaukwa, nen at ombawi ap mene nek he 30 nen welagaukwa. It inebe lombok he inanggo keledai ai mene 70 nen amboloba lagaluk lagu mene faget fisogo welagaukwa. At Abdon nen he afuni Israel mene 8 tahun ferinarek logolik melalinafi lagaikhe.

RUT 2:18

A'nogo ibilhikhesik, waluk ambotkwe o kota wagaikhesik he, jelai enggen hokhorogo andogotikhe mene omanogo inom, sumburu nasikhesik tindelogo fesikhe mene omanogo inom, oan Naomi wogosi wagaikhe.

RUT 2:2

A'nogo were'ma inenggi ekhe sambul at he Rut en Naomi mel yagatikhe: ”Nagaisa. An he yabukwe afuni nen jelai enggen palhunem inenggimo nen pili'lago mene andoma andogesi lagain nen iluk yagaheti o. An nendawimo nen he aben andi mene hilingisuageluk herak nobagagun anggikhi lagi,” iluk yagatikhe. A'nogo yagatikhemo oan Naomi nen he, ”Io, neak, fano. Lan,” iluk yagatikhe.