1 TIMOTIUS 5:21 - Allah Wene Fano Wene Hupla Inane

²¹ Wene yagaheti mene andi, haren he afuni ekhe helokhoma fisigik, ekhe hambotma fisigik, igi'lek higithogo yagaisikhi logoino, iluk Allah inom, Kristus Yesus inom, ineilhanemat, malaikat Allah nen wenaginafikhesik yonggo pelakfisa wagarek mene inom, ineilhanemat yagaheti andi.

1 TIMOTIUS 5:21 ပူးပေါင်းရင်းမြစ်များ

2 PETRUS 2:4

It malaikat Allah nen yonggo pelakfisa wagarek mene ekhe weak hilingitukwama Allah nen herakfisigi'lek, we, wene hobuk inoba feigeluk he, o mum wea'ma inenggi hele warek logouwageluk pelakfisasikhe andi.

2 TIMOTIUS 4:1

At Kristus Yesus ebe hobuk kweangma weinamhogoat wesimbik he, afuni ninebe nineluk welago mene inom, wa'lagaukwa mene inom, mondogat wene ninoba figik, kotik, igin. Fikhi logombik, yi afuni ti afuni mondogat awe a'ma fisambik at ebe kain logogin andi nen, an nen, nineisena Allah inom, Yesus inom, emberek ineilhanem, haren ebe wene afuni yagaisikhi logoinogeluk komorogo yagahesik. Afuni fano wene yagaisugunem holugun werek kwelek inom, inabit werek kwelek inom, holuageluk wene andi ninghogo yagaisikhi logoino. Hendawinggen puk agi'lek yagaisikhi logolik he, weak hilingitunem hane fakhogo yagaisigik, komorinafik, inendawinggen ago warogo yagaisigik, ikhi logoino.

1 TIMOTIUS 6:13

Allah nen afuni ninebe inom, yi mene ti mene inom, mondogat ninelugetninaferek mene a'nogo eilhanemat, Kristus Yesus afuni nen ap Pontius Pilatus oba waluk lagaukwama, ane eberogoat fakhogo yagatikhe a'nogo eilhanemat, wene yi komorogo yagahesigin.

YUDAS 1:6

Nen, at Allah nen it malaikat yonggo pelakfisa wagarek mene hilingisu mene sumburogo wogisasikhe meneat he, it ekhe nen inagaila'lak hilingisugun mene inafane hilingi'luk he, inonggwarek inaiba herakfisasukwama, Allah nen hele mondok logogin meneba inenggi hele warogo o mondok mum wea'ma kweang abel manggwe fisasikhemo werek andi. A'nogo mondok logombigen, hobuk afuni wene hokhorogo inoba fagain andi sambul, it inomat inoba feigeluk he, inenggi hele fikhalinabigin andi hinendawimo ebe'ni.

2 TIMOTIUS 2:14

Wene yagaheti mene andi mondogat it ekhe inendawimo eberogo yagaisikhi logoino. Yagaisikhi logolik, we, inane mene fagerat wene pali'lagwi andi Allah eilhanem fanorogo komorinafi logoino. A'nogo wene pali'lagwi andiba, fano hilinglasigin lego. We, it ekhe inesanggo holiluk, weak asugun aro.

2 KORINTUS 5:16

Andi nen he, niren huli yogondak ya huli nen he, afuni nen inobabut palharek hak, it afuni ekhe inobabut a'nogo palhi lago lego. Nen, attak he, Kristus obabut a'nogo palhugu hak, hobuk a'nogo palhi lago legaro.

MATIUS 25:41

Nen, it nenggi harekwe fisagain mene andi mel yagaisagain: An neisena nen hit homan hinobagaikhe mene yi ri! An sumburu nele were'ma, hiren mela'neti'lek, i nele were'ma, hiren wo'neti'lek, ap pok were'ma hiren wo'nafi'lek, su laberek lek were'ma hiren ekhe labetnobagagi'lek, ou warek were'ma inom, nenggi hele warek were'ma inom, nea lagi'lek hilingiti lagagibo. Halok he, an neisena nen, at Iblis agoromi inebe hokhorogo inom, endu aik hokhoma nagulagarek le'ma andoma logouwageluk inobalik halogo fisasikhemo andoma hela lani o, iluk yagaisagain.

WAHYU 14:10

afuni nen, i inom lek, we anggur enggen amusu nek ale weak mene hinatarek andi hak, Allah a'mage hit endawithinafi'lek, wene ninghogo hinoba fagain o. A'nogo hinoba fembik, nit malaikat Allah faget welagorek mene inom, Domba Eak a'nogo inom, nineilhanem hinebe, endu inom, hendali al hangge amben weak mene enu belerang inom, ninggerek oba andoma lakhinobagaumo heinet watu mondok logogun o.

YAKOBUS 3:17

A'nogo meneat he, afuni Allah nen inendawinggen kagalhunem inobabut esin hilingitarek he, weak ekhe hilingiti'lek ineil lomborogo welagaikharek andi. A'nogo logolik, afuni ekhe inom liokhogo welagik, inobabut enago welagik, inane hologo hilingitik, e enggen fano mene iterek andi hak, fanorogo hilingitik, afuni inendawirogo mondok welagik, afuni ekhe inelokhoma fisigik, ekhe inambotma fisigik, igi'legat, inendawinggen pire welagi'legat, fanorogo hilingitarek andi o.

1 TESALONIKA 5:27

Wene lisu palogo lakfei wago mene yi, hinerugwi hinagaila'lak Allah againafuri mene ekhe mondogat ineilhanem enu salubagaigeluk ninoe Enupogot enu hombuk palogo yagahisigi andi.

LUKAS 20:21

Lakfisa wagaukwama, Yesus oba wagaukwasik he, heinok wokhikhi logolik, mel yagatukwa: ”Noe! Hat he, wene yagaisikhi logolik afuni ekhe helokhoma fisigik, ekhe hambotma fisigik, egendek lek. We, hane higithogoat ikhi logolik, Allah endawimo nen he, afuni yi'nogo hilingiti logouwak, iluk endawimo anggikherek mene eberogoat yaganisikhi lagen andi, nit ninelu o.

MATIUS 16:27

An abat ta'lasi wagagi a'nogo re, hobuk neisena fogeratu mondok welagaikharek andi hagat hilingla'luk, it malaikat Allah pogoroba nen yonggo pelakfisa wagarek mene omanogo ninom wesimbik, andi sambul he, afuni mondogat inobabut lombok hilingitarek mene higithogoat onggo wogisa wesigin o.

MALEAKHI 2:9

Hiren An nane hologo hilingiti'legengge hilingitik, afuni An nagainafuri wene yagaisikhi logolik, ap inelokhe peninafi lagepma re An nen ogo hit afuni An nagainafuri Israel mene nen hit hinebe sebelhinobagaluk seramet hinobagakhi logouwageluk hilingisogo hinobagagi o,” iluk yagaisasikhe.

AMSAL 18:5

Ap weak hilingitu mene inebikhit a'luk, weak hilingiti'lek mene weagerinafarek mene andi re mondok weak.

MAZMUR 119:34

Hat hawene melalek andi an nen hologo hilingiti logolik, nendawimo amu mene ekhe eberek legengge hilingiti logoigen he, Haren nendawinggen wenggelek mene hilingnobagain o.

MAZMUR 107:43

Hit ekhe hinendawinggen kagalek mene re, wene mondogat andi oba ebesimbik, hineisena Tuhan nen, endawit hinaferek wene andi, mondogat futfikhi logoino o, iluk wuni watukwa.

ULANGAN 33:9

inobabut Hat hoba lomborogo logolik, inesugwi inagaisawi faget inom, inogogwi, ina'logomi faget inom, inagainafuri faget inom, abelmatfisaluk, Hat hobaget enek he, esinetfesukwa andi. Haren, yi'nogo hilingiti logoino, ti'nogo hilingiti logoino, iluk yaganisasigin wene andi, iren hologo higithogo hilingitik, nen, haren he, An nen wene warogo wokhinafi, iluk isiginmo, iren, Nit At againafuri, iluk isukwa andi.

ULANGAN 1:7

Halok, yogondak he, hinawi su mene meisalhigik waluk he, afuni inunggulenu Amori mene inaiba tom oba a'lima inom, o andoma era'lukwe yi awi ti awi mondogat inom, o Yordan tonggwe inom, tomkwe inom, sogoukwe inom, i ambutmo higit inom, Laut Tulem yenggelek esanggokwe inom, lano o. Lambik he, o Kanaan inom, o tom Libanon sebelik-sebelik pikhit i hokho mene Efrat huliba lano o.

IMAMAT 19:15

Hiren, it ekhe unggum inoba figik, kotik, ikhi logolik he, wene higithogo halogo nen ikhi logoino o. Afuni inangge lek inelagaik mene inebikhit agik, inangge hokhorogo logolik, ineilmo wulalhak werek mene hinailo welagik, ikhi logogun mondok lego.

LUKAS 9:26

Sa nen, an Yesus agot igik, an nane andi yagaisigik, afuni ineilhanem fakhogo u enggali halok he, an abat ta'lasi wagagi mene yi nen ogo re, hobuk an nebe fogetnafik, neisena fogeratik, malaikat Allah nen yonggo pelakfisa wagarek mene omanogo fogerinafik, ugu kwelek waga logolik he, At yi an nagot, iluk nane fakhogo u re nenggaliat asigin o.

IMAMAT 14:42

Hugisaluk helep waganogo wulak fisugu mene a'nogo obali'mo re helep ket mene wut fuluk o a'nogo hobat abirengge inom, agap endakwe lilibanetu mene inom he mondogat ket meneba nek wusugun.