1 TIMOTIUS 5:20 - Allah Wene Fano Wene Hupla Inane

²⁰ It ekhe inailo asuageluk, it eberogoat weak hilingita mene halok, afuni ineilhanemat inenggali warogo fanorogo komorinafi logoino.

1 TIMOTIUS 5:20 ပူးပေါင်းရင်းမြစ်များ

IMAMAT 19:17

It afuni ekhe faget hit weak hilingitep hanogo nen he, it ekhe hinom weim palek hangge welagep mene andi, inoba ambumet fuluk logogun mondok lego. We, sagalogo legetfikhi logogun o.

KISAH PARA RASUL 19:17

Heise wulifukwama re, afuni nen, ”It a'nogo hilingita o,” iluk isukwama, it afuni Yahudi mene inom, Yunani mene inom, o kota Efesus welagaukwa mene mondogat inesanggo holhukwa. Holhukwasik he, inailo agaukwasik, Yesus enu ekhe inom fogerati lagaukwa.

KISAH PARA RASUL 5:11

Wene a'nogo hilinglagaikhemo re, it Allah againafuri mene mondogat inom, nen it afuni ekhe inesanggo holhukwa mene mondogat inom, inailo hokho agaukwa.

KISAH PARA RASUL 5:5

A'nogo yagatunem, wene andi, at Ananias esanggo holhikhesik he, erabisak talorogo hulambetikhesik ebe arat wa'lagaikhe. Wa'lagaikhemo re, it afuni inebe hokhorogoat wene hilinglagaikhe mene andi, inesanggo holhukwasik inailo hokhorogo agaukwa.

2 KORINTUS 7:11

At Allah endawimo amolo anggikherek oba hinendawimo weagat a'luk he, ”Nambigen weak hilingitimo,” iluk hinobabut hebelasimbik he, fano mene ninghogo hilingitik, wene hinoba lek higithogo hilingitik, hina'mage lagagik, hinailo agik, ”Paulus ninom ambi a'lo e,” iluk noba ebetik, hinendawimo aganhanhogo hilingitik, at weak hilingitikhe mene andi enggi onggoba wulakfisigik, egep andi hani! A'nogo hilingiti logolik hit weak ekhe hilingiti'lek wene hinoba mene korogo mondok lakfisegebo.

EFESUS 5:11

It o mum oba logolik he, fanorinabigin lek mene weak hilingiri'lagwi mene andi re, hinom lambukhogo hilingiti logogun lek. Athe, a'nogo hilingitunem fakhogo wenagisikhi logoino.

ULANGAN 13:11

A'nogo inoasumo re, afuni Israel mene mondogat inesanggo holimbik he, inailo a'luk, it ekhe nen weak mondok a'nogo hilingiti'lek logogun o,” iluk yagaisasikhe.

ULANGAN 17:13

A'nogo hilingita ugunem afuni mondogaren inesanggo holimbik he, it inailo asumo ap ekhe nen a'nogo ambong serogo ekhe hilingisu elo'lek asigin.” iluk yagaisasikhe.

ULANGAN 19:20

Wene a'nogo inoba fogoin andiba, afuni mondogat wene andi inesanggo holuk, inailo a'luk he, weak andi hangge ekhe hilingiti logogun mondok lego.

ULANGAN 21:21

iluk a'nogo yagaisugunem, it afuni ap mene nek o kota andi werek mene omanogo nen omalik a'nogo helep oba tunghogo wasumo ebe pinggi wa'lasigin. A'nogo hilingisugun andiba re hiren weak mene andi lek hilingisogo foumo, it afuni Israel mene mondogaren inesanggo holimbik he inailo nek asigin,” iluk yagaisasikhe.

1 TIMOTIUS 1:20

It weak a'nogo hilingitarek andi, inebe ekhe re, Himeneus Aleksander emberegen Allah abok weak palhi lagaikhama, hobuk inobabut hebelasimbik weak hilingiti'lek kamo uageluk inebe Iblis wogetimo werek andi.

TITUS 1:13

iluk, at ane eberogoat isikhe. Andi nen, it andi inendawinggen Allah oba fanorogo himbirik logou hagat logouwageluk ninghogo komorinafi logoino.

TITUS 2:15

Haren wene andiat yagaisugunem, it ekhe inendawimo nen sebelhobagainogo nen he, hane ninghogoat inendawimo kagalogo komorinafi logoino.