A'nogo arat wulifukwasik, at Elia nen Elisa mel yagatikhe: ”An nen hat herakhobagaluk, nineisena Tuhan nen hambogoisogo wo'narek pogoroba lagagi'lek werek kwelek, hat hendawimo hamolo mene an nen wokhesigin mene ekhe kino yaganom o,” iluk yagatikhe. A'nogo yagatikhemo, at Elisa nen he, ”Ap ineisugwi nen, inagainafuri inobaget inalolegengge wogisagarek a'nogo hak, an nebe neisena hobali'mo logoiyogen he hat homame henggi pireba hakhogo wo'ne'nogo,” iluk yagatikhe.
1 TIMOTIUS 5:17 - Allah Wene Fano Wene Hupla Inane17-18 Allah nen mel isikhemo lisu palogo fikhi logolik he: ”Afuni nen sapi wam eisogen gandum agap lilibuk warogo enggen ibiluageluk fuluk he, enggen ekhe nanogo iluk ambe hele homasugun lego. Ekhe noageluk herakfikhi logoino,” iluk isikhemo, lisu palogo fesukwa andi. Nen, ekhe re: ”Afuni yabu yi mene ti mene faget hilingitunem, inenggi onggo wogisikhi logogun o,” iluk isikhemo lisu palogo fesukwaat. Andi nen he, ap Allah againafuri fanorogo kwelaginarek welagaikharek mene andi, it Allah againafuri mondogaren, ”Enggi onggo arat leberisogo,” iluk anggigi'lek, ekhe inomat oba loukhogo lebethikhi logogun o. A'nogo hilingiti logolik, esin hangge re, it ekhe Allah ane inomamerogo yagaisigik, komorinafik, hilingiri'lagwi mene andi, agaukhogo leberisikhi logogun o. အခန်းကိုကြည့်ပါ။ |
1 TIMOTIUS 5:17
41 ပူးပေါင်းရင်းမြစ်များ
Ap Yerusalem mene re inendawinggen hambukhogo logouwago, sebelhinarek mene a'nogo arat wurep kobok ikhe o. Kwanirek mene iren hilingiri'lagwi mene omanogo re An nen mondogat leget figi o, iluk ikhe yagaisano. Nen it weak inoba fili'lagwi mene andoma inoba re An nen unggum altap pireba wogisigi o” iluk ikhe.
Yago, hit afuni hele warek welagep mene yi sani, yogondak he hit ninendawimo eberek logogun mene werek andi nen he, sugulogo we'ni o. An nen hit fanot hinobagagu mondok logogin enggere, hit hinalong pale'ma andoma sugulogo we'ni o. Holini: Hiren yi enggin ti enggin hugu welagagip mene andem obali'mo re An nen altap pireba fanot hinobagagin o.
at ninoe Enupogot Yesus nen he, mel yagatikhe: ”Ap kain mene ekhe againafuri yerinarek logolik inamburu nogoin mene wogisogoin higithogo wogisikhi logouwageluk, at amingmingengge mene ayonggo fugunem endawimo kagalek logolik obabut oe ane igin mene higithogo hilingiterek andi sa hangge anggegen. At andi oe andi nen, menfuluk lagarego.
Wene ninoe Tuhan Yesus onggwaregen mel yaganisasikhe andi: It afuni ekhe nen wokhisugunem helaluk hinendawimo agaiyek hakhogoin elo'lego. We, athe, hit hinonggwaregen it ekhe wogisikhi logolik hinendawimo agaiyek hakhogoin o, iluk yaganisasikhe andi ninendawimo eberek logolik he, an nen it ekhe inomame lek mene leberisikhi lagi andi, hiren futnobagambik an nobabut waganogo hinenggi omamerogo leberisikhi logobagaigeluk hinelurogo hilingiti lagi andi,” iluk yagaisasikhe.
Nen, it ekhe nen, afuni ekhe inendawinggen ago wati logouwageluk inobabut wogisasikhe mene andi re, a'nogo fanorogo hilingiti logogun o. Nen, it ekhe nen, inagarek mene it afuni ekhe inagarek lek mene sumburisikhi logouwageluk inobabut wogisasikhe mene andi re, inonggwarek faget anggigi'lek lebekhogo wogisikhi logogun. Nen, it ekhe kain logouwageluk inobabut wogisasikhe mene andi re, ninghogoat hilingiti logogun. Nen, it ekhe nen afuni ekhe inendawirinafi logouwageluk inobabut wogisasikhe mene andi re, inendawimo inagaiyek hikhi logolik inendawirinafi logogunaro.
A'nogo igin elo'lek meneat he, Allah obabut fano nen nayonggo fesikhemo yi'nogo agagisik welagi o. Nayonggo fesikhe andi we tulemat fesikhe lek andi nen he, it ekhe mondogat yabu endebat hangge wanhu kwelek, an enek he, hokho hangge wanhi lagi o. Mene re, a'nogo wanhi lagi andi re, an nen wanhi lagi fuk. Allah obabut fano nen nemberegat logolik wili'logo o.
At Allah nen he, mel isikhemo lisu palogo fesukwama werek: ”An nen, hit hinane nesanggo holigin anggigibaat holhi o. Hinebe telhinabigin higithogoat lebethisa wagi o,” iluk isikhe andi re, Allah nen ninane esanggo holigin he, o yogondak ya aro. Nen, ninebe telninabigin he, o yogondak ya aro, iluk hinendawimo ebe'nio. Halok he, nit Allah ninom at faget hilingiti logolik he, at obabut fano nen endawithinafikhemo, at ebe wanhigip a'nogo, we tulemat alomatubo, iluk komothinafi lago andi.
A'nogo hilingiti logolik, yi mene ti mene sumburogo wogisouwogeluk inugisagarek hak, wene afuni inebe inelugerinaferek wene andi yagaisilik nikhi logoino o. A'nogo yagaisikhi logogun halok, at Kristus wesigin andi sambul, an nen: ”Mep awi wil-walhogo nomamerogoat hilingiti lagi mene andi we elalinat alemarogo hilingiti'lek. We, Kristus faget higit hilingisogo fisigimo,” iluk nalong asigin andi.
At ebe wagunem he, ninoe Enupogot hinom hundik logolik he, hinendawimo hinagaiyek anggikhi logolik at ebe wanino o. Hiren ninggi'nogo lebetnea heat andi nen, hinobali'mo aren lebetneageluk he: ”Nebe wa'lagi halok fano aro,” iluk, Kristus faget hilingiti logolik wa'la'lep mene andi. It afuni ekhe inobabut at hilingiterek hak hilingiri'lagwi mene halok hinane agaukhogo yagaisikhi logoino o.
Nen, hat nagailak ekhe Allah eabu nemberek hundik mondok hilingiti lago a'nogo, it hemi inebe pire andi leberisanok iluk yagaheti andi. It hemi andi inom, ap Klemen a'nogo inom, it fenakwe an ninom Allah eabu misigat hilingiti lago mene omanogo inom, fano wene ninomamerogo ninom yagaisilik nikhi lago mene ninenu lombok, at Allah ambukuba nabulal-habulal hilinginabigin mene halok, inenu palogo fikherek a'nogoba palogo fikhemo werek.
Hat faget fageat it ap Allah againafuri kwelaginarek welagaikharek mene nen inenggi hunggul oba sebelhu kwelek, it ap Allah ane yagaisagarek mene nen mel isukwa andi: ”Hat hobuk yi'nogo hilingiti logoino,” iluk, yagahetukwa higithogo, Allah obabut fano nen ninobabut tomok wo'nisikherek a'nogo hat wokhetikhe mene andiba hilingiti'lek hobakhenene herakfisaguno.
A'nogo hilingiti logolik, honggwarek faget inom, it afuni ekhe yagaisikhi lagen mene faget inom, hobabut hebelogo logoino. Hebelogo logolik, hendawimo puk agi'lek, andi meneat hilingitu mondok logoino. A'nogo hilingiti logogin halok he, honggwaregen hebe teligik, afuni ekhe hane holi'lagwi mene inebe telinafik, igino.
Wene fano wene ninendawinggen Allah oba himbiret fogorek mene a'nogo yagaheti lagagumo, haren wanhigindik higithogo hilingiti lagen andiba hebe sougwet hafunem he, wene yogondak yagaheti andi ninerugwi ninagaila'lak Allah againafuri mene ekhe yagaisikhi logoino. A'nogo yagaisikhi logogin halok he, hat Kristus Yesus amingmingengge logolik, at faget fanorogo hilingiti logogin andi.
Hobuk Allah nen he, hit hinogogwi mel yagaisagain: It inendawinggen faget ninggi'nogo hilingiti lagepsik, iluk yagaisugunem, it inendawimo nen he, ”Nit ninoba lombogat onggo yagasugun higi,” iluk, fanorogo kwelakhinarek mondok welagaikharek andi nen he, it inawe a'ma soma iluk inane hologo hilingiti logoino o. A'nogo hilingiti logogun halok he, it inendawimo inagaiyekhogo, hit faget hilingiti logogun andi. Meneat he, hiren it inane hologo hilingiti logogun lek halok he, it inendawimo weak logolik, hit faget we tulemat hilingiti logogun o.
Hinogogwi attak kwelakhinarek welagaukwa mene nen, Allah ane yagahisasukwa mene andi, inoba eberek logoino o. It inendawinggen Allah oba himbiret fuluk, inebe ineluk logolik inom, wa'lasuogeluk inom, hilingiti lagaukwa mene andi futfuluk, hit it inobabut waganogo hinendawinggen Allah oba himbiret fikhi logoino o.
ကြော်ငြာတွေ