1 TIMOTIUS 5:14 - Allah Wene Fano Wene Hupla Inane

^14-15 Halok he, it hemi sogwe ekhe Iblis ombo'ne kwanirogo hela lagaikha andi nen, it ekhe nit Allah againafuri ninom weim palek hangge mene nen ninabok weak palinogo iluk, it hemi sogwe tugum mene andi, inaguni lombok woginapluk he, ineagwi tagaisogo fanorogo tegelogo ferinarek logouwageluk igi andi.

1 TIMOTIUS 5:14 ပူးပေါင်းရင်းမြစ်များ

KEJADIAN 18:6

A'nogo hai watukwama, at Abraham weak-weak aiba tenda wuri'mo a'nogo kwisikhesik he, Sara mel yagatikhe: ”Tepung fano mene su misigat kwalek mene wanimbik he, weak-weak roti hombonundek mene ekhe werasin o,” iluk yagatikhe.

KEJADIAN 18:9

Hobuk it ap pok omanogo nen he, Abraham mel yagatukwa: ”Hat hagwe Sara ebe koma werek,” iluk yagatukwama, at Abraham en he, ”At ebe o tenda wuri'mo werego,” iluk yagaisasikhe.

2 SAMUEL 12:14

A'nogo meneat he, hat weak hilingiten andi nen, nineisena Tuhan elokhoma weaget fegenma re, hat hamlogo ket ta'laga mene andi ebe wa'lasigin o,” iluk yagatikhe.

AMSAL 14:1

He obabut hebelek mene nen he awilokwe agauwak fanorogo halogo fikherek, oba nen he endawi morue mene nen he onggwaregen weak peakhogo fikherek.

YEREMIA 29:6

Hinagainafuri taginafi logobagaigen he hinagagwi inom hinaguni inom wok-wok aga logoino, nen it hinagainafuri nen ogore inagagwi inaguni wok-wok aga logolik inomalik taginafi logouwak. Hit hinebe re endebengge aga logou fuk, athe sik pik ikhi logoino.

DANIEL 6:4

A'nogo menfisasikhemo, it ap gubernur omanogo inom, ap it gubernur lak ineabu wokfuluk inoe raja yagasi waga lagaukwa mene aremnogo inom, inomen he inobabut endebat elo'lek hangge meneat he, at Daniel enek he obabut higit logolik fano mondok hilingiti lagaikhe andi nen he, at raja nen afuni o ekhema-ekhema ferinarek welagaikhe kwe omanogo mondogat faget, ”Inoe kain he Daniel logouwagaluk menfagain,” iluk endawimo anggasikhe.

ROMA 14:13

Andi nen he, nit-nit ekhe nen, ekhe wene oba figik, ekhe nen, ekhe wene oba figik, ikhi logogun lego. Niren he, ninerugwi ninagaila'lak ninom ninendawinggen Allah oba eberogoat himbiret fikhi lago mene, weagerinafik, inendawimo kwanit fisigik, inogo iluk hinobabut fanorogo hilingiti logoino o.

2 KORINTUS 11:12

It ekhe Kristus nen inayonggo fuluk lakfisa wagaikhe mene hangge wagaikhasik hilingiri'lagwi mene andi nen he: ”Nit Paulus ninom higiro,” iluk ikhi logolik fogerakhili'lagwi mene andi, inane lek asuageluk an yogondak hilingiti lagi mene yi re, hilingito mondok logogino.

1 TIMOTIUS 2:8

Nen, o yi awi ti awi samban ikhi logolik, it aben he, inenggi nen ekhe weak hilingiti'lek, ina'mage lagagi'lek, wene palhi'lek, tegelek mondok logolik, samban ikhi logouwageluk, yagaisagain iluk nendawimo namolo anggigirigen yagaheti andi.

1 TIMOTIUS 4:3

Iren wene ikhi logolik he, Hemi woginabugun mondok lek, igik, Yi mene ti mene nenggarek mene andi, ekhe yi mene wesa. Ninggi logogun lek, igik, ikhi logogun,” iluk, Allah Areagun nen yaganisasikhe higithogo ili'lagwi andi. Meneat he, nenggarek mene andi, Allah nen nit ninendawinggen at oba himbirik logolik, ebe wene andi futfogo halok he, hai warogo ninggi logouwageluk elalhikhe mene faget ili'lagwi andi.

1 TIMOTIUS 5:11

It hemi sogwe tugum oan mene andi, Kristus inom hundik werek meneat he, herakfisaluk, agasabu nen inendawinggen sebelu lek hak agunem, ap ekhe wanigin andi nen he palu fugo.

1 TIMOTIUS 6:1

Afuni ekhe nen Allah enu weak igik, at ane niren yagaisikhi lago mene faget, ”Wene andi weak,” igik, inogo iluk, Allah againafuri mene it ekhe inamingmingengge a'luk hilingiri'lagwi mene andi, inonggwarek inogogwi mene andi inawe a'ma logolik, inendawimo nen, ”Noe andi agaugwerati logogun,” iluk, agaugwerinafi logouwago.

TITUS 2:8

A'nogo yagaisugunem, it ekhe wene andi inabit mene nen, ”It weak hilingita,” iluk, wene nit ninoba le'maat ugunem, inenggali asuageluk, ebe wene fanotninaferek wene a'nogo, weak ugun lek mene andiat, yagaisikhi logoino.

IBRANI 13:4

Ap inom, hemi inom, inobabut yanani nilik nikharek mene inom, Allah nen wene inoba fembik weagerinabigin andi nen he, aben hemi iginafarek andi, afuni mondogaren esinet fuluk, hesanggeat fakfisigi'lek hemiap waganek mene lombok inom fano nogo ikhi logogun o.