1 TIMOTIUS 5:13 - Allah Wene Fano Wene Hupla Inane

¹³ A'nogo hilingiti logolik, inobabut he, inenggi wanhi'lek o kuluk ya kwigik nikherek. A'nogo nikhi logolik he, ekhe weak mondok yi'nogo hilingiri'lagwi. Inane yonggo waluk weak ikhi logolik it ekhe inawene meneat talombogengge igik, wene ekhe u lek mene hunogoat mene igik, ilik nikho andi.

1 TIMOTIUS 5:13 ပူးပေါင်းရင်းမြစ်များ

AMSAL 11:13

Ap ekhe wene inane iluk waluk faget fagerik lagaikharek mene nen he wene hinago mene iluk ekhe fisogo welagaikharek lek, oba nen ap ekhe eberogo hilingiterek mene nen halok he wene endawimo hinago logolik werek.

AMSAL 20:19

Ap ekhe nen it ekhe inabok palhu aple inagaiyek werek mene nen he wene ekhe hinago mene sebel fou lek hak, ma re, ap ane hokhorogo yugunat ikherek mene inom he sebesu fuk.

AMSAL 31:27

At yi yabu ti yabu omamerogo nek hilingitik, aiba agun faget, eagwi faget, hilingisigin mene eil kogolhik, ikherek.

IMAMAT 19:16

Hineisena Tuhan he, Anat andi nen, hit hinobabut hilingisugun oba nen afuni hinom welagep mene ekhe wa'lasinogo iluk, afuni hit mene ineilhanem at ekhe abok weak ilik-ilik wialogo fogoin mondok lego.

LUKAS 10:7

It afuni hit wokhinabugun mene were'ma kwegep halok he, andomaat hinom logoino. Logolik, it afuni yabu wokhisugunem inenggi onggo yi mene ti mene wogisagaregaro, iluk, iren yi mene ti mene noageluk wokhisugu halok he, andiat ninggi logoino. O ya kwigik, ta kwigik, nikhi logogubo.

KISAH PARA RASUL 20:20

A'nogo hilingiti logolik he, wene hit yagahisagain mene kamo igi'lek afuni andogorek were'ma yagahisigik, hinawilokwe lombok yagahisigik, ikhi lagi a'nogo hineluaro.

KISAH PARA RASUL 20:30

A'nogo weagerinafu kwelek he, ap hit mene ekhe menla'luk he, afuni Yesus ane wanhukwa mene lisogo woginabuogeluk, wene weak wene yagaisikhi logogun aro.

1 TIMOTIUS 5:12

It andi sogwe fisugunem, iren he, ”Nit ninobabut Kristus faget enek nineil lomborogo hilingiti logoguno,” ilugen, hobuk a'nogo hilingiti'lek herakfisaga halok, inonggwaregen wene inoba fakhogoin andi.

TITUS 1:11

A'nogo lalinafi logolik, yi mene ti mene inonggwaregen hunirogoin lek mene hunirouwogeluk yagaisogoin lek meneat yagaisikhi logolik, afuni hokhorogoat inagainafuri inomat lalinabi'lagwi andi, it inane andi sebelogo legetfisano.

YAKOBUS 3:10

Ero ninambe misik mene andi nenat, Allah fogeratik, afuni homan fisigik, ogorek andi. Nerugwi nagaila'lak. A'nogo hilingisu lek meneat hilingitorego.

1 PETRUS 4:15

Meneat he, it ekhe nen afuni inoatik, yogot wanhik, weak hilingitik, it ekhe inawene mene talambogengge hilingitik, ugunem, yi enggin ti enggin inoba agarek andi hak, hit a'nogo hilingitunem hinoba asinogo.

3 YOHANES 1:10

A'nogo hilingiri'logo andi, ekhe re, eranenat nit ninabok weak ili'logo. A'nogo ikhi logolik, endawimo nen he, ”An hilingiti lagi andi re, endebat. Nendawimo elo'lek. Hobuk ekhe inomat hilingisigin aro,” iluk anggikhi logolik he, it Allah againafuri ekhe wagunem, at ebe nen woginafi'lek logolik, it ekhe nen woginabuogeluk ugunem wenagisaluk, inebe Allah againafuri andogotare'ma nen mugisogo wulakfisikheregat andi nen, an nebe wesimbigen, at hilingiri'logo mene andi futfouwageluk enggali wasigino.