1 TIMOTIUS 5:10 - Allah Wene Fano Wene Hupla Inane

¹⁰ It afuni ekhe nen it hemi sogwe mene andi inabok ikhi logolik, ”It inobabut fano hilingiri'lagwi,” iluk agarek mene halok, inenu lisu palugun. Fano hilingitarek andi re, inonggwarek ineagwi fanorogo kulinafik, ap pok wagunem inebe fanorogo woginafik, Allah againafuri ekhe ineisok ebene sobalinafik, it ekhe weak were'ma leberisigik, inenggi ekhe kamo igi'lek yi mene ti mene faget leberisikho mondok welagik, agarek mene halok inenu lisu paluguno.

1 TIMOTIUS 5:10 ပူးပေါင်းရင်းမြစ်များ

KEJADIAN 19:2

mel yagaisasikhe: ”Nogogwi, an naiba set walambik lobagaigo. An naiba ninom nogo ikhi logolik, hineisok ebene sobalubagaigo. O hobit logoin hinamolo halok, hubet siakhogo lobagaigo,” iluk yagaisasikhemo, iren he, ”I O, fano. Nit o sili kota yiba ninom nogo ugun o,” iluk yagatukwa.

KEJADIAN 24:32

A'nogo yagatikhesik, at Laban emberek aiba lagaukwa. Lagaukwasik, at Laban nen yi mene ti mene wam unta amboroba hele homak fesukwasik waluk lagaukwa mene omanogo lologo pelak fesukwasik he, esabolengga talfigik, sumburu wogetik, isukwa. A'nogo hilingitukwasik, Abraham amingmingengge a'nogo inom, afuni at inom lagaukwa mene inom, ineisok ebene sobalinabuogeluk i waluk wagaukwa.

KEJADIAN 43:24

Fei wagaikhesik it a'nogo hondoginarek o elonggoma kwisukwasik ap yabu hilingiri'logo mene a'nogo i ineisok terogo sobaluageluk wogisasikhe, inanggo keledai inamburu nunggu mene iluk wogisilik lagaikheat.

MAZMUR 119:4

Tuhan nineisena, Hat hawene melalek a'nogo niren tiphogo hilingiti logouwageluk wo'nisegen.

YESAYA 1:17

Hinobabut fano hilingitarek mene yanggulikhi logoino. Yanggulaluk he, higithogo hilingitu mene omanogo omamerogo elokhomat fikhi logoino. It ekhe afuni fena nen eagerinafagarek mene andoma leberinafik, yenggerugwi suarek mene inawene fanorogo hal fisigik, hemi sogwe mene inawene faget inebikhit agik, ikhi logoino,” iluk ikhe.

IMAMAT 25:35

Ekhe inom ikhi logolik, ”Ap hit hinunggulenu mene hit hinanggelekwe werek mene ekhe enggi lek elagaik a'luk onggwarek eluk werek mene faget lebeta elo'lek mene halok, at ebe eluk logouwageluk hiren afuni pok meneba inom hinonggot meneba inom hilingfisikhi lagep hakhogoat lebethikhi logoino.

MATIUS 25:17

Nen, ap ekhe 2.000 nen wanhikhe mene a'nogo, a'nogoat hobuk 2.000 ekhe inom mangorogo fesikheat.

MATIUS 5:16

Andi hak he, hit fano hilingitunem, it ekhe nen he: It fano hilingiri'lagwi, iluk hineisena pogoroba mene a'nogo fogerasuagen he, hit afuni ineilhanem andi hanggeat selekhogo logoino o,” iluk yagaisasikhe.

LUKAS 7:38

Waluk wagaikhesik oloba kwisikhesik he, Yesus eisok unggutmo ambotma horok-horok wagaikhesik he, andoma mendek logolik le aga lagaikhe. Le agunem eil amusu Yesus eisok oba pisikhemo re, esiba hobuk horatikhe. Horatikhesik he, eisok oba hai ambe saluk watikhesik he, amusu amben fano mene waluk wagaikhe a'nogo Yesus eisok oba watfesikhe.

LUKAS 7:44

A'nogo yagatikhesik he, at Yesus elokhe hebekhogo, he a'nogo wogetikhesik he, mel yagatikhe: ”Simon. He yi heilenggen hegen a? Lega. An hat haiba kwi wagi meneat he, haren, heisok oba sobalin, iluk, i ekhe wo'neten lek. Meneat he, he yi nek he, eil amusu neisok oba pelafesik he, esiba hotnafe o.

KISAH PARA RASUL 10:22

A'nogo yagaisasikhemo, iren he, ”Ap tentara mene esa folharek mene inoe kain enu Kornelius andi nen lakninobagai wagama wago. At andi obabut higithogo hilingitik, Allah ebe ailorogo welagik, ugunem, it afuni Yahudi mene mondogaren obabut palharesik he, a'nogoat abok fano agarek. At andi a'nogo hilingitunem malaikat Allah nen yonggo pelakfisa wagarek mene omanogo ekhe nen he, Petrus andi nen wene hat hesanggo holigin mene yagahesigin werego, iluk hat hayonggo lakninobagai wesuageluk yagatemo, aren lakninobagai wagama hoba wago o,” iluk yagatukwa.

KISAH PARA RASUL 22:12

Kwisukwama, o Damsyik andoma ap ekhe enu Ananias. Wene Allah nen komotninafikhe wene a'nogo fisogo logolik higithogo hilingitunem, it afuni Yahudi mene o Damsyik mene mondogaren inane agaukhogo yagati lagaukwa.

KISAH PARA RASUL 6:3

Halok, hiren he, ap ekhe Allah Areagun inendawimo peterek logolik, inendawinggen mondok kagalek hilingitunem, inobabut enegat isikhi lagep mene halok, inebe 7 nen heraginabini o. Heraginafep halok, iren yi mene ti mene a'nogo sumburisikhi logouwageluk, niren menfisogoin o.

KISAH PARA RASUL 9:36

O Yope andoma, he ekhe enu Paik enu mene, afuni Yunani mene inaneba enu Dorkas u hak, it inaneba Tabita iluk ikhi lagaukwa mene welagaikhe. At he andi, Tuhan Yesus ane wanhikhesik, yi mene ti mene fano hilingiti logolik, afuni inenggi lek inelagaik mene leberisugu mondok welagaikhe.

KISAH PARA RASUL 9:39

”I o. Halok he, puok,” iluk inom pisukwa. Pisukwasik he, Petrus ebe waluk henambo inom lagasukwa. Henambo lagasukwasik were'ma, it hemi sogwe mene at oba horokhogo andogosi wagaukwasik, le aga logolik he, su elonggoma mene inom, endakwe uan mene inom, he Dorkas eluk oba inom logolik, igisasikhe mene inukhasukwa.

ROMA 12:13

Allah againafuri mene ekhe yi mene ti mene le'ma werek halok sumburisigik, ap pok inebe hinonggot mene wagunem hinaiba fanorogo woginafik, ikhi logoino o.

EFESUS 2:10

Arenat fano hilingisogo ninobagasikhemo welago. Andi re, nit Kristus ninom hundik logolik, yi mene ti mene fano men nek hilingiti logouwageluk, ninobabut ket hunogoat elalninafikhe andi re, ebe Kristus Yesus nenat elalninafikhemo welago.

KOLOSE 1:10

A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.

1 TIMOTIUS 2:10

Inalilingge wanu hak he, inobabut Allah a'logomi logolik hilingisu hagat, it ekhe fanorogo leberisikhi logouwak.

1 TIMOTIUS 3:2

Andi nen, ap Allah againafuri kwelaginarek logouwageluk halok inobabut he, yiginik mene menfisogoin. Afuni ekhe nen, ”At weak,” iluk wene oba figi'lek mene halok, agwe misigat mene halok, weak hilingisuageluk endawimo kagalhunem elok sebelhaluk werek mene halok, endawinggen uan ebeterek mene halok, hilingisu mene higithogo hilingiterek mene halok, ap pok inonggot mene wagunem woginaferek mene halok, wene furogo yagaisikherek mene halok,

1 TIMOTIUS 3:7

Nen, ap Allah againafuri kwelaginarek logogun mene andi, it afuni endakwe mene nen abok weak pali'lagwi mene menfogoin halok, at ebe inendawimo sebelfuluk ineilenggen inabithogo kwelakhigik, paik hele fugunem ke'nok ikherek hak, Iblis nen endawimo kagalimbik ebe fakfigik inogo iluk, abok fano ili'lagwi mene halok menfogoino.

1 TIMOTIUS 5:16

Mene re, he ekhe endawinggen Allah oba himbirik welagarek mene agaisa ekhe sogwe mene werek halok, Allah againafuri mondogat inoba enggin asinogo iluk, arenat lebethikhi logogino. A'nogo lebethugu kwelek, it Allah againafuri mondogaren he, hemi sogwe mene ekhe afuni it mene nen leberisugu lek mene halok, leberisikhi logoguno.

1 TIMOTIUS 5:25

Andi hagat, it ekhe fano hilingitarek mene weak-weagat weinam agarek andi. It ekhe a'nogo fano hilingitunem hinago mondok logogin lek. We, weinam asigin aro.

1 TIMOTIUS 6:18

It andi fanorogo hilingiti logolik, inagarek hokhorogo logou hak he, afuni ekhe fanorogo leberisikhi logolik, inagarek lek mene wogisigik, sumburisigik, ikhi logouwageluk komorinafi logoino.

2 TIMOTIUS 1:5

Logolik, hendawinggen Allahba eberogoat himbirik welagen iluk nendawimo eberegat welagi. Attak hombalo Lois inom, hagaisa Eunike inom, inendawinggen Allah oba himbirik welagaukwa hak, hat hendawinggen a'nogoat welagen iluk futhobagakhi lagi aro.

2 TIMOTIUS 2:21

Andi hak he, sa nen onggwaregen weak hilingitarek mene andi horogo herakfisaluk, ebe Allah faget fisaluk were'ma, arenat yi mene ti mene fano mene hilingisigeluk, ”Arat fano,” iluk, ayonggo fagain andi.

2 TIMOTIUS 3:15

Hat hebe yenggerek oba nenat Allah ane lisu palek helu welagen mene andi hendawimo eberek mondok logoino o. A'nogo logolik, hendawinggen Kristus Yesus oba himbirik were'ma, Allah nen telhabigin mene futfeinogeluk, at ane lisu palek andibaat hendawimo elogat kagaligin werego.

2 TIMOTIUS 3:17

Afuni inebe lombok inebe Allah faget fisaluk logolik, yi mene ti mene at faget fano hilingitarek mene andi higithogoat inendawinggen wurikhogo hilingiti logouwageluk, Allah ane lisu palogo wo'nisasikhe andi.

TITUS 2:14

Nit attak Allah ane herakfisaluk yi weak ti weak hilingiti lagagu andi nen ninenggi hele warek hak fetninarek were'ma, at Yesus Kristus nen he, ”It inebe an nonggwarek nagainafuri asimbik he, inobabut fano mene anggilukhogo hilingiti logouwagen, inebe hele fikhalogo inonggo paligeluk, an nebe wa'lasigin,” iluk isikhe.

TITUS 2:7

A'nogo komorinafunem, iren, hat hobabut wanhi logouwagen, yi mene ti mene faget hilingiti logolik hobabut higithogo hilingiti logoino. A'nogo hilingiti logolik, ”Wene yi esin mene,” iluk, higithogo eberogo wene nek yagaisikhi logoino.

TITUS 3:1

Allah againafuri haren ferinarek welagen mene andoma nen, inogogwi pemerintah mene kaindek inawe a'ma were'ma, iren yi mene ti mene higithogo hilingisuageluk ugunem, ”Io,” iluk inane hologo hilingiti logouwageluk komorinafi logoino.

TITUS 3:14

Afuni nit Allah againafuri mene ekhe, e enggen fano mene iti'lek welagarek hak, it andi fano mene eise agi'lek tulemat alemarogo logoinogo iluk, it ekhe yi mene ti mene legen nong a'luk were'ma, it inonggwarek fano hilingiti logolik leberisikhi logouwogeluk, andi mene esinet fuluk yanggulhi logouwago.

TITUS 3:8

igi andi eberogo aro. Haren it ekhe inendawinggen Allah oba himbirik werek mene nen, afuni ekhe faget fanorogo leberisagarek andi mene esinet fuluk anggilukhogo hilingiti logoumo, afuni mondogat faget fano mondok, iluk, a'nogo hilingiti logouwageluk, ninghogo komorinafi logoinogeluk, an nendawimo anggigi mene yagaheti andi.

IBRANI 10:24

A'nogo fisogo logolik, nit-nit nendawi-hendawirogo logolik, lebet-lebet hilingiti logouwogeluk, ninendawinggen ago wat-wat ikhi logouwogo.

IBRANI 13:2

It afuni ekhe nen he, malaikat inebe ap pok hangge inobakhe nigik woginafukwasik inahenengge wanhukwa andi nen he, ap pok hinoba wagu halok he, hinobakhe nene herakfisigi'lek woginafi logoino o.

IBRANI 13:21

Hit Allah endawimo amolo anggikherek mene nek fano hilingisubagaigen he, yi mene ti mene fano mene mondogat wokhisoak. A'nogo wokhisugunem, nit ninom mondogaren Allah endawimo fanorogo hilingiti logouwageluk, ninobabut aren wo'nisagain andi ebe re, Yesus Kristus nen wo'nisoago. At Kristus andiat fogeratu mondok logouwogo. Ebe asuak u hak, ”Amin,” igi andi.

1 PETRUS 2:12

It afuni endakwe mene Allah inonggot mene hinom logolik, iren he, hit weak hilingiti lagep mene halok, ”It weak hilingiri'lagwi o,” iluk hinabok weak ikhi logoligat he, hit hinobabut fano hilingitunem ineilenggen hisikhi logombik he, afuni nen at Allah ebe hobuk wagunem fogerasuageluk hit hinobabut higithogo hilingiti logoino o.

1 PETRUS 4:9

Hinerugwi hinagaila'lak hinom, hit ekhe nen it ekhe inaiba lagik, iren hit hinaiba wagik, ikhi logolik, inebe woginabik he, hinendawimo nen, ”Nabire,” iluk anggigi'lek woginafi logoino.

3 YOHANES 1:12

A'nogo meneat he, at Demetrius faget enek he, afuni mondogaren inom, at Allah eberogoat mene nek ikherek a'nogo nen inom, an nen inom, ”At fano hilingiri'logo,” iluk abok fano ogorek. At abok ogorek andi, eberogoat fano ogorek andi hit hineluo.