1 TIMOTIUS 5:1 - Allah Wene Fano Wene Hupla Inane

¹ Haren, ap inaluendek mene halok he, hane uare'ma yagaisigi'lek, we, heisugwi yagaisageluk hakhogo hane liokhogoat komorinafi logoino. Nen, ap souge mene andi re, hagaila'lak higit hinom welagik,

1 TIMOTIUS 5:1 ပူးပေါင်းရင်းမြစ်များ

IMAMAT 19:32

Hineisena Tuhan he, Anat andi nen he, inaluendek helel wulibik mene agaugwerinafik, An nebe hinailorogo welagik, ikhi logoino o.

MATIUS 23:8

Meneat he, hit hineisena re, guru wene yagahisikherek mene misigat enek werek andi nen he, hinerugwi hinagaila'lak hinom higit halok, it ekhe nen, Guru noe, iluk yagahisagain mondok lego.

KISAH PARA RASUL 14:23

A'nogo yagaisaluk wulibi waga logolik he, o yi awi ti awi, Allah againafuri andogoti lagaukwa lombok, inogogwi ferinarek logouwageluk menfisaluk he, inenggi ekhe samban uogeluk sumburu ninggi'lek weat logolik samban yi'nogo ikhi lagaukwa: ”Tuhan Yesus ninoe. Hagainafuri inendawinggen hoba himbirik werek mene yi, ferinarek logoinogen iluk hat henggiba fogo o,” iluk samban ilik wulibi wagaukwa.

KISAH PARA RASUL 15:4

It a'nogo o Yerusalem lagaukwama re, it ap Yesus nen inebe wenagaisogo inayonggo fuluk lakfisasikhe mene omanogo inom, it ap Allah againafuri ferinarek welagaukwa mene inom, it Allah againafuri ekhe andoma inebe andogoti lagaukwa mene inom, inomen, hai warogo woginafukwa. Woginafukwama, iren he, ”Nit Allah ninomen yi'nogo hilingito, ti'nogo hilingito,” iluk wene pilingisogo yagaisasukwa.

KISAH PARA RASUL 15:6

Yagaisasukwama re, it ap Yesus nen inebe wenagaisogo inayonggo fuluk lakfisasikhe mene omanogo inom, it ap Allah againafuri kwelaginarek welagaukwa mene omanogo inom, wene andi haluogeluk andogotukwa.

KISAH PARA RASUL 20:17

At Paulus ebe o Miletus andoma logolik he, it ap Allah againafuri o Efesus mene kwelaginarek welagaukwa mene inebe wesuageluk wene warogo lakfesikhe.

ROMA 13:7

Halok, it wogisogoin meneat wogisikhi logoino o. Uang pemerintah nen yi mene ti mene faget kino ugunem wogisogoin higithogoat wogisigik, it inebe hinailorogo logogun higithogoat hinailorogo welagik, hinane agaukhogo yagaisogoin higithogoat agaukhogo yagaisigik, ikhi logoino o.

GALATIA 6:1

Nerugwi nagaila'lak. At ekhe weak hilingitunem hineilenggen hegep halok he, at andi ambotkwe obabut hebelasuageluk, hit Allah Areagun eberogoat hinendawimo werek mene nen hinane liokhogo komo'no o. Komotunem a'nogo, hit a'nogoat hinoba asinogo iluk, hinonggwarek hinebe hebelogo logoino.

ULANGAN 33:9

inobabut Hat hoba lomborogo logolik, inesugwi inagaisawi faget inom, inogogwi, ina'logomi faget inom, inagainafuri faget inom, abelmatfisaluk, Hat hobaget enek he, esinetfesukwa andi. Haren, yi'nogo hilingiti logoino, ti'nogo hilingiti logoino, iluk yaganisasigin wene andi, iren hologo higithogo hilingitik, nen, haren he, An nen wene warogo wokhinafi, iluk isiginmo, iren, Nit At againafuri, iluk isukwa andi.

1 TIMOTIUS 5:17

Allah nen mel isikhemo lisu palogo fikhi logolik he: ”Afuni nen sapi wam eisogen gandum agap lilibuk warogo enggen ibiluageluk fuluk he, enggen ekhe nanogo iluk ambe hele homasugun lego. Ekhe noageluk herakfikhi logoino,” iluk isikhemo, lisu palogo fesukwa andi. Nen, ekhe re: ”Afuni yabu yi mene ti mene faget hilingitunem, inenggi onggo wogisikhi logogun o,” iluk isikhemo lisu palogo fesukwaat. Andi nen he, ap Allah againafuri fanorogo kwelaginarek welagaikharek mene andi, it Allah againafuri mondogaren, ”Enggi onggo arat leberisogo,” iluk anggigi'lek, ekhe inomat oba loukhogo lebethikhi logogun o. A'nogo hilingiti logolik, esin hangge re, it ekhe Allah ane inomamerogo yagaisigik, komorinafik, hilingiri'lagwi mene andi, agaukhogo leberisikhi logogun o.

1 TIMOTIUS 5:2

hemi inaluendek andi re, hagaisawi hak hinom welagik, hemi tugum silerik mene andi re, herugwi hanggeat, hendawimo weak mene ebeti'lek heil lomborogo hinom welagik, ikhi logolik, fanorogo komorinafi logoino.

TITUS 2:2

It ap inaluendek mene andi, weak hilingisuageluk inendawimo kagali wagunem, tok wokhagarek hak wokhigik, inobabut he, inoba haro welagik, inendawimo menenei uanhogo ebetik, inendawinggen wurikhogo Allah oba himbiret fuluk, afuni ekhe inendawirogo welagik, yi mene ti mene faget inoba enggin hikhi logolik, inafe morogo welagik, ikhi logouwageluk komorinafi logoino.

TITUS 2:6

Andi hagat he, it ap alage mene andi nen, yi mene ti mene faget inendawimo menenei uanhogo ebeti logouwageluk komorinafi logoino aro.

YAKOBUS 3:17

A'nogo meneat he, afuni Allah nen inendawinggen kagalhunem inobabut esin hilingitarek he, weak ekhe hilingiti'lek ineil lomborogo welagaikharek andi. A'nogo logolik, afuni ekhe inom liokhogo welagik, inobabut enago welagik, inane hologo hilingitik, e enggen fano mene iterek andi hak, fanorogo hilingitik, afuni inendawirogo mondok welagik, afuni ekhe inelokhoma fisigik, ekhe inambotma fisigik, igi'legat, inendawinggen pire welagi'legat, fanorogo hilingitarek andi o.

YAKOBUS 5:14

Hit ekhe hinoba ou aga halok he, samban igik, ninoe Enupogot enu hombuk palogo enggen amusu hinoba kweisalhik, uageluk it ap Allah againafuri kwelaginarek welagaikharek mene inayonggo fikhi logoino o.

1 PETRUS 5:1

Hit Allah againafuri kwelaginarek welagep andi hak, an a'nogoat kwelaginarek welagirek mene nen ekhe komothinabik. At Kristus oba yi enggin ti enggin hilik-hilik wa'lagaikhe andi, an neilenggen hasigi. Nen, hobuk Allah nen ebe weinamhogo lakfei wesigin andi wagunem, afuni nen fogerasugun sambul andi, an ninomat fogerasugun aro. An nane liokhogo komothinabik.

2 YOHANES 1:1

An hinoe Allah againafuri kwelakhinarek logouwageluk aren mennobagasikhe mene a'nogo nen, hit Allah againafuri takhinafikhe mene halok hinebe re, he misik ekhe ebe Allah nen wenatikhe mene eagwi inom wene yi hai warogo lisu palogo hinoba lakfei wagi o. Hinebe eberogoat nendawi o. An nalegat hinebe nendawi welagi fuk. We, it ekhe ninom ebe wene yogondak inendawimo wanhasik hobuk inom mondok-mondogat logogin mene andi inelu agaukwa mene nen ogo re inendawithinafa aro.

3 YOHANES 1:1

Gayus nagailage. An nen Allah againafuri kwelaginarek logouwageluk mennobagasikhe mene hinoe a'nogo nen nendawinggen oba nen hebe eberogoat nendawi welagi, iluk, wene yi lisu palogo hoba lakfei wagi o.

WAHYU 4:4

At kain welagarek oba obuluk tulem werek kwelek, it ekhe kain welagaikharek mene inobuluk 24 en were'ma, ap inaluendek inebe 24 enat inasu kut mene laberogo, nen, kware-kware emas meneba mindago mene pugethigik inobuluk ebene hurek welagaikha.