1 TIMOTIUS 4:6 - Allah Wene Fano Wene Hupla Inane

⁶ Wene fano wene ninendawinggen Allah oba himbiret fogorek mene a'nogo yagaheti lagagumo, haren wanhigindik higithogo hilingiti lagen andiba hebe sougwet hafunem he, wene yogondak yagaheti andi ninerugwi ninagaila'lak Allah againafuri mene ekhe yagaisikhi logoino. A'nogo yagaisikhi logogin halok he, hat Kristus Yesus amingmingengge logolik, at faget fanorogo hilingiti logogin andi.

1 TIMOTIUS 4:6 ပူးပေါင်းရင်းမြစ်များ

MAZMUR 19:7

Pogot eroma nen yarik-yarik pogot elugunmo lagarek. yi mene ti mene mo oba kwikherek lek mene ekhe werek lek, mondogat oba kwikherek enek, iluk wuni watikhe.

AMSAL 4:2

An nen yagahisikhi lagi mene andi re fano mene hilingi'mo re, hiren seramet fikhi logogubo.

YEREMIA 15:16

Haren an noba hane ugunem he, hane ugu mene andoma ebe lombok hol fakhikhi lagi o. Tuhan Allah neisena Homame Mondok Hokho mene, An he Hat honggwarek mene welagi o. Andiba re Hat hane ikhi lagen mene andomaba re an nendawimo seleget nafik, nagaiyek mene hilingnobagagik ugunem welagi o.

MATIUS 13:52

A'nogo yagatukwama, at Yesus nen he, ”Halok he, it ap Allah ane lisu palek inelu mene omanogo nen, Allah nen awe a'ma fisikherek a'nogo wene yagaisugu halok he, andi mel hangge ugun. Ap kain mene agarek endawinggen hundik mene fakhikherek oba nen, ket mene wulabi wagik, attak wulabi wagik, hobugalep wulabi wagarek hagaro,” iluk yagaisasikhe.

LUKAS 1:3

A'nogo walhilik wagaukwa meneat he, an ogo wene andi eroba nen furogo yanggulhi lagagisik a'luk he, haren wene yagahetukwa mene andi eberogoat iluk angganogen he, wene ebe pilingisogo lisu palogo hoba lakfei wesigeluk anggikhi lagirik palhi lagi yi o. Noe.

KISAH PARA RASUL 1:15

Andi sambul, Allah againafuri ekhe inom inebe 120 hangge andogorek logolik, at Petrus inanggele'ma menlagaikhesik he, wene mel yagaisasikhe:

KISAH PARA RASUL 20:31

Hinendawinggen wenggelogo logoino! An o mo lagagik pigik ugu kwelek 3 tahun ninom logolik he, kamo igi'lek linggene nen, hubanggo nen, le aga logolik, hinebe lombok komothinafi lagi a'nogo, hinendawimo eberek logoino o.

KISAH PARA RASUL 20:35

Wene ninoe Tuhan Yesus onggwaregen mel yaganisasikhe andi: It afuni ekhe nen wokhisugunem helaluk hinendawimo agaiyek hakhogoin elo'lego. We, athe, hit hinonggwaregen it ekhe wogisikhi logolik hinendawimo agaiyek hakhogoin o, iluk yaganisasikhe andi ninendawimo eberek logolik he, an nen it ekhe inomame lek mene leberisikhi lagi andi, hiren futnobagambik an nobabut waganogo hinenggi omamerogo leberisikhi logobagaigeluk hinelurogo hilingiti lagi andi,” iluk yagaisasikhe.

ROMA 15:15

A'nogo meneat he, at Allah obabut fano nen an nayonggo fesikhe andi nen, wene ekhe andi suesingga yiba nailo lekhogo ebethisigi andi.

1 KORINTUS 4:17

Hit an nobabut wanubagaigen iluk, namlogo Timotius, nonggwaregen tati mene hak ebe nendawi mene hinoba lakfei wagi andi. Athe, ninoe Enupogot emberek hundik logolik, at faget obabut lenurogo hilingiterek mene hinoba wesimbik he, mel yagahisagain: ”At Paulus Kristus emberek hundik logolik, it Allah againafuri o yi awi ti awi andogotarek mene at onggwarek hilingiterek mene obabut wanuageluk, yi'nogo yagaisikherek,” iluk hinendawimo wenggelogo yagahisa wesigin o.

2 KORINTUS 11:23

It andi Kristus amingmingengge logolik, at faget endebat hilingitarek meneat he, an enek he, hokhorogoat hilingitirego, iluk, afuni lugulugwi palik mene nen agarek hak ekhe yagahisigi andi. It he, seget endebat hak hilingitarek meneat he, an he, seget hokhorogo higirego. It he misik sambul hangge inenggi hele watik, yei inoatik, inebe wa'lasu hak mondok inoatik agarek meneat he, an enek he, hundik-handik nenggi hele watik, yei noatik, nebe wa'lasu hak mondok noatik, agarego.

2 KORINTUS 3:6

Allah nen wene ket mene ninoba watikhe andi, niren waluk loageluk, arenat ninomamet ninafikhemo elok waluk logoin welago. Wene attak komorinafikhe mene lisu palogo fesukwa higithogo hilingiti'lek halok, andiba inebe inoaterek. Meneat he, Allah Areagun en inelugerinaferek andi nen, nit wene attak lisu palek mene waluk lagi'lek, we, at Areagun en yaganisili'logo mene waluk laga lago andi.

2 KORINTUS 6:4

Afuni nen he, ”It Allah nen inayonggo fesikhemo, at faget hilingiti logou hagat hilingiri'lagwi,” iluk futninobagauwageluk he, yi enggin ti enggin hilingninafik, wiik-weakhogo hilingninafik, hobetnisigik, ugu kwelek, ninafe morogoat logolik yi mene ti mene enegat hilingiti lago.

EFESUS 6:21

Wene an nebe yoma welagi mene inom, hilingiti lagi mene inom, hit hinelurogo, ninagailak Tikhikus nendawi a'nogo nen, Tuhan faget endawinggen hombunhogo hilingitu welagarek mene a'nogo nen mondogat yagahisa wesigin andi.

FILIPI 2:20

It afuni ekhe yoma inobabut hunogoat hangge werek kwelek, at Timotius alegat obabut an nobabut hangge logolik, hit hinebe endawirogo hinoba eberogo nen eberek welagarek.

FILIPI 2:22

Mene re, at Timotius obabut enek at hilingiterek a'nogo hinelu. Inamlogomi nen ineisugwi leberisagarek hak, at ebere, Allah awe a'ma logolik an lebetneoageluk fano wene a'nogo nemberegen yagaisilik nikhi lagosik.

FILIPI 3:16

Meneat he, yogondak ninobabut wene andi higithogo hilingirik waga lago ya hagat, a'nogoat mondok hilingirik laga logouwogo.

KOLOSE 2:19

Ninebe yi ninunggul inom hundik were'ma, ninenggi nineisok enggalim ninomanggen oba hunogo ninobagasikhemo, ninamburu nunggunem amusu ninoak elekwe lagunem, ninebe hokho agorek hak, nit Allah againafuri Kristus ninom hundik were'ma, at Allah nenat hokhot ninobagaikherek andi. Meneat he, it andi a'nogo ninoe kain Kristus inom hundik welagaukwasigenat he, hobuk kobokogo lakfisasukwa andi nen, inane holhubo.

KOLOSE 3:16

Afuni inangge hokhorogo were'ma inalong welagaikharek hak, hit he, Kristus ane andiat hinendawinggenma ninghogo fakhaluk logolik he, hinendawimo kagalogoat, hit-hit wene komo-komo aga logolik, wene hiren yagaisigik, iren yagahisigik, ikhi logoino o. Yagaisikhi logolik he, Allah faget wuni Mazmur endawi watik, Allah fogeratarek awuni watik, Allah Areagun en hinendawimo kagalhunem, wuni felalogo watik, ikhi logolik he, hinendawinggenma nen Allah hai wati logoino o.

KOLOSE 4:7

At Tikhikus ninagot ninendawi mene, nit ninomat ninoe Enupogot amingmingengge logolik, at faget obabut hombunhogo hilingiterek mene nen wene an nabok hobuk yagahisa wesigin a'naga o.

1 TESALONIKA 3:2

Werek kwelek he, at ninagot Timotius, fano wene Kristus hilingitikhe wene a'nogo ninomat, Allah faget yagaisilik nikhi lago mene a'nogo, afuni nen yi enggin ti enggin hilinghinabi'lagwi andi nen, hit hinendawinggen Kristus oba himbiret fesigip mene abolok inogo iluk, hinendawinggen ago wathinafik, komothinafik ikhi logouwageluk hinoba lakfei wago andi o. Yi enggin ti enggin hilinghinabi'lagwi andi, Allah nen wena'ninafi logoligat: ”A'nogo hilinghinafi logogun,” iluk isikhe hagat hilingninabi'lagwi andi hineluaro.

1 TIMOTIUS 1:10

aben hemi pailak fakfisigik, ap-ap fakfisigik, agarek mene inom, afuni ekhe inagainafuri mene inenggi abisak hinaginafarek mene inom, ineranen agarek mene inom, ”Wene eberogoat igin,” iluk Allah enu hombuk palilugat he, lalinafarek mene inom, it mondogat a'nogo hilingitarek mene faget isikhe. Nen, it ekhe inobabut ebe wene fanotninaferek wene andi sagalogo herakfisaluk weak hilingitarek mene an igi'lek mene mondogat ekhe faget inomat isikhe.

1 TIMOTIUS 4:16

A'nogo hilingiti logolik, honggwarek faget inom, it afuni ekhe yagaisikhi lagen mene faget inom, hobabut hebelogo logoino. Hebelogo logolik, hendawimo puk agi'lek, andi meneat hilingitu mondok logoino. A'nogo hilingiti logogin halok he, honggwaregen hebe teligik, afuni ekhe hane holi'lagwi mene inebe telinafik, igino.

1 TIMOTIUS 6:3

It afuni ekhe nen fano wene ninoe Enupogot Yesus Kristus nen hilingitikhe wene a'nogo inom, ”Allah awe a'ma kuluk, yi'nogo hilingiti logogun,” iluk, wene yagaisikhi lago mene andi inom, herakfisaluk, hunogo wene yagaisili'lagwi mene ekhe werek.

2 TIMOTIUS 1:6

A'nogo himbirik welagen andi nen he, an nen nenggi hunggul sebelhunem, Allah obabut fano nen, ”Hat yi'nogo hilingiti logoino,” iluk hobabut wokhetikhe mene andi, endu nonggwalharek hak, hendawimo aganhan asimbik logoinogeluk hendawimo kagalogo yagaheti o.

2 TIMOTIUS 3:10

It andi inobabut a'nogo enegat asigin meneat he, hat he, an nen wene yagaisigirek mene inom, nobabut hilingitirek mene inom, ”Yi'nogo hilingisigin,” iluk nendawimo anggigirek mene inom, nendawinggen Allah oba himbirik welagirek mene inom, wene nendawimo uanhogo ebetirek mene inom, afuni mondogat nendawirogo welagirek mene inom, nafe morogo welagirek mene inom, fagearen futnobagakhi lagen aro.

2 TIMOTIUS 4:3

Hobuk, it afuni nen ebe wene inesanggo furogo holhi'lek logolik, we wene inesanggo holu inamolo nen, yagaisikhi logouwageluk it ekhe inebe hokhorogoat inayonggo fembik andogerinabugun andi.

TITUS 2:1

It a'nogo werek meneat he, hat he, wene fanotninabi'logo wene andiat yagaisikhi logou higithogoat yagaisikhi logoino.

1 PETRUS 2:2

Yi mene ti mene enduk mikhaluk, fano agarek andi hak, ninoe Enupogot obabut fano hikhi lagep andi nen he, omalik ket tago mene eilak nele nen nunggu mondok welagaikharek andi hak, wene fano wene hinendawinggen andiba wurik asumo fanothinabuagaluk, wene andiat wanhu mondok logoino o.

2 YOHANES 1:9

Ap sa nen wene Kristus nen yaganisasikhe wene andiba louksek hilingitu welagi'lek, hunogoat mene hilingiterek halok he, Allah ebe eisewerek agi'lek werego. A'nogo meneat he, ap sa nen wene Kristus nen yaganisasikhe wene andiba louksek hilingitu logogin halok he, nineisena Allah inom, amlogo Yesus inom, emberek eisewerek agaikhasik werego.

YUDAS 1:5

Wene yagahisagain yi, attagaren hinelu meneat he, hobuk hinendawimo ebethisagain andi. Ninoe Enupogoren againafuri Israel mene o Mesir were'ma telinafikhe meneat he, hobuk it mene ekhe inendawinggen at oba himbirik welagaukwa lek mene re inebe inoatikhe.