1 TIMOTIUS 4:3 - Allah Wene Fano Wene Hupla Inane

³ Iren wene ikhi logolik he, Hemi woginabugun mondok lek, igik, Yi mene ti mene nenggarek mene andi, ekhe yi mene wesa. Ninggi logogun lek, igik, ikhi logogun,” iluk, Allah Areagun nen yaganisasikhe higithogo ili'lagwi andi. Meneat he, nenggarek mene andi, Allah nen nit ninendawinggen at oba himbirik logolik, ebe wene andi futfogo halok he, hai warogo ninggi logouwageluk elalhikhe mene faget ili'lagwi andi.

1 TIMOTIUS 4:3 ပူးပေါင်းရင်းမြစ်များ

KEJADIAN 9:3

Andi mene mondogat inom, yi engga ti engga muli fano mene wokhisigi andi inom, mondogat ninggi logouwageluk wokhisigi o.

PENGKHOTBAH 5:18

Ap ekhe angge Allah nen wogeterek meneba enggi werek agunem helikhi logolik, at enggi werek a'nogo asuageluk wogetunem helikhi logolik andi re, at oba hilingfikhe mene andi faget Allah hai wati logogin. Andi ogore Allah nenat wogisikherek.

DANIEL 11:37

Raja andi nen he, it ombawi lagen dewa fogerati lagaukwa mene iluk ogo, nen dewa it hemi nen meneba iluk ogo, hologo hilingiti logogin lek. At onggwarek anggikhi logolik, an enek he hokho nagun welagi, it he maben hak iluk anggikhi logolik he, dewa andoma faget esinet fikhi logogin lek.

MATIUS 14:19

Yagaisasikhemo re, wogosi wagaukwama, at Yesus nen afuni hokhorogo omanogo mel yagaisasikhe: Pumbuk ebene andoma hu'larik lani o, iluk yagaisasikhemo hu'larik lagaukwama re, sumburu roti mene 5 nen aremnogo inom, ikan pire aremnogo inom, enggim wanhikhesik he, eilenggen pogoroba liakhasikhesik Allah hai warogo kurogo re, agoromi ane wanhi lagaukwa mene omanogo nen sumburisoageluk he, wogisasikhemo sumburisasukwa.

MATIUS 15:11

”Wene igin yi hit futfobagaigen he, hinesanggo fanorogo holini o. Yi mene ti mene inambe nenggarek mene andi nen inebe weagerinaferek lego. Mene re, inambeba nen wene agarek andibaat weagerinaferego,” iluk yagaisasikhe.

MATIUS 15:36

Yagaisasikhesik he, sumburu roti mene 7 nen aremnogo inom, ikan aremnogo inom, enggim wanhikhesik, Allah hai warogo re, enggi nen sumburu roti mene aremnogo kurogo afuni hokhorogo omanogo sumburisoageluk, at agoromi ane wanhi lagaukwa mene omanogo wogisasikhemo, sumburisasukwa.

LUKAS 24:30

Kwisukwasik inom sumburu nuogeluk he, hu'lagaikhesik sumburu roti mene enggimo wanhikhesik he, Allah hai warogo kurogo it aremnogo sumburisasikhe.

YOHANES 6:23

hobuk e so hunogoat mene ekhe afuni o enu Tiberias mene nen warik, ninoe Enupogot Yesus nen samban Allah hai warogo nen sumburu roti mene sumburisasikhemo nasukwaba a'nogo wulifukwasik were'ma, ineilenggen hasukwa.

KISAH PARA RASUL 27:35

A'nogo yagaisasikhesik, sumburu roti mene ekhe enggim wanhikhesik he, it mondogat ineilhanem Allah hai warogo, at tak kurogo nasikhe.

ROMA 14:3

It hesanggeat nenggarek mene andi inebe Allah nenat woginafemo. Halok, it nenggarek lek mene andi inendawimo nen, ”It weago,” iluk wene inoba fogoin lek. Nen, it nenggarek mene andi nen he, it nenggarek lek mene andi inendawimo sebelfisogoin legaro.

ROMA 14:6

It ekhe nen he: ”O yogondak yi sambul enek he, yi mene ti mene hilingisugun lek,” iluk agarek mene andi, At Tuhan fagerat anggagarego. Nen, it ekhe yi mene ti mene hesanggeat nenggarek mene andi re, At Tuhan fagerat ninggi logolik he, Allah hai watarek andi. Nen, it nenggarek lek mene andi, At Tuhan fagerat ninggi'lek logolik he, Allah hai wataregat andi.

1 KORINTUS 6:13

It ekhe nen yi'nogo agaregat: ”Nenggarek mene andi ninalabut faget. Nen, ninalabut andi nenggarek mene faget,” iluk agarek. A'nogo agarek meneat he, pireat he, at Allah nen hobuk legetfagain werego. Allah nen, ninebe yi re, pailak fakfisikhi logouwageluk weinamet ninafikhe fuk. Athe, ninoe Enupogot fagerat weinamet ninafikhe andi. Ninebe yi eisewerek he, ninoe Enupogot werego.

1 KORINTUS 7:28

Mene re, hit aben hinagagwi helegep halok he, andi weak hilingitep iluk ugun lego. Nen, hit helime yenggerugwi silerik mene nen hinaguni helegep halok he, andi weak hilingitep ugun legaro. Meneat he, woginabimbik, yi enggin ti enggin hogoin andi nen he, a'nogo hegep hanogoluk igi o.

1 KORINTUS 8:8

Yi mene ti mene nenggarek mene andi nen Allah oba wo'ninarek lagain lego. Nit ninggi'lek kamo ugun halok he, nongasugun lek. Nen, nogoin halok he, ekhe saburogoin legat.

KOLOSE 2:16

Andi nenat, it afuni ekhe nen he: ”Sumburu, i, yi mene nenggarek mene ti mene nenggarek lek mene,” igik, ”Mo yiba pugu halok, tiba lagagu halok, yi'nogo hilingisu mene,” igik, ”Tugi folelhu halok, yi'nogo hilingisu mene,” igik, ”Inenggi Allah faget weat logolik, yi'nogo hilingisu mene,” igik, ugu kwelek, hit hesangge hilingitunem wene andi mene faget wene hinoba fogoin lek.

KOLOSE 3:17

”Nineisena Allah nen wo'nisikherek andi ebe Yesus nenat wo'nisikherego,” iluk, Allah hai wati logolik: ”Ninoe Enupogot Yesus awe a'ma logolik hilingiti lago,” iluk, yi mene ti mene mondogat hilingisuogeluk, hinane yi mene ti mene faget uogeluk, at Yesus enu hombuk palogo hilingiti logoino o.

1 TIMOTIUS 4:4

Yi mene ti mene Allah nen elalhikhe mene andi fano nego. Samban ugunem Allah ane andiba fanot fikherek iluk, ”Yi weak mene,” iluk herakfisigi'legat, Allah hai warogo ninggi logogun enek.

1 TIMOTIUS 5:14

Halok he, it hemi sogwe ekhe Iblis ombo'ne kwanirogo hela lagaikha andi nen, it ekhe nit Allah againafuri ninom weim palek hangge mene nen ninabok weak palinogo iluk, it hemi sogwe tugum mene andi, inaguni lombok woginapluk he, ineagwi tagaisogo fanorogo tegelogo ferinarek logouwageluk igi andi.

IBRANI 13:4

Ap inom, hemi inom, inobabut yanani nilik nikharek mene inom, Allah nen wene inoba fembik weagerinabigin andi nen he, aben hemi iginafarek andi, afuni mondogaren esinet fuluk, hesanggeat fakfisigi'lek hemiap waganek mene lombok inom fano nogo ikhi logogun o.

IBRANI 13:9

A'nogo logogin andi nen he, it afuni ekhe nen yi wene ti wene hunogoat meneba lalhinabinogo. Nen, it afuni attagat inambe nenggarek mene faget esinet fuluk hilingiti lagaukwa andiba fano agi'le'ma re, ninendawinggen andiba wurik asugun elo'lego. We, Allah obabut fano nen wo'nisikherek andiba ninendawinggen fano wurik asugun o.