1 TIMOTIUS 4:16 - Allah Wene Fano Wene Hupla Inane

¹⁶ A'nogo hilingiti logolik, honggwarek faget inom, it afuni ekhe yagaisikhi lagen mene faget inom, hobabut hebelogo logoino. Hebelogo logolik, hendawimo puk agi'lek, andi meneat hilingitu mondok logoino. A'nogo hilingiti logogin halok he, honggwaregen hebe teligik, afuni ekhe hane holi'lagwi mene inebe telinafik, igino.

1 TIMOTIUS 4:16 ပူးပေါင်းရင်းမြစ်များ

1 TAWARIKH 28:10

Tuhan nen hat wenak hafi logolik, Haren o At aiba enogo amu wusuageluk wenak hafe mene andi furogo wenggel hano. Enggere yogondak hat hendawimo nen o andi wusigin iluk ninghogo wu'no,” iluk yagatikhe.

2 TAWARIKH 19:6

wene melalek he yi'nogo yagaisasikhe, ”Hiren unggum pilingi'luk tegeti logogun sambul andi re afuni inenuba tegeti logogun lek, we Tuhan enuba tegeti logogun enggere, hinendawinggen hebelogo hilingiti logoino.

KELUARAN 23:13

Yi wene ti wene An nen hit yagahisigi mene andoma mondogat fut feino. Hiren kembu ilah alek mene apne wanhi logou fuk, nen enu ugu aple ogore mondok wesa,” iluk yagaisasikhe.

YESAYA 55:11

andi hak he, An nane ikhi lagi mene andoma re, we alomarogo ambotkwe sugulogo An noba wesigin lego, meneat he An nendawimo anggigirek mene a'nogo ambisangma higithogo hilinglagik, nen An nen a'nogo asuak anggigirek mene omanogo higithogo tip igik igin o.

YEREMIA 23:22

Iren ambi An nendawimo fisogo welagi mene andoma inelu logoumo nen he, iren An nagainafuri inoba wene An nen ikhi lagi mene andoma yagaisikhi logoilep. Nen An nagainafuri inobabut weak hilingitik, inobaharo welagik, agarek mene andoma inobabut hebelilep.

MARKUS 13:9

A'nogo hikhi logolik, hit he, hinobabut hebelogo logoino. Afuni ekhe nen he hinenggi hele warogo ap kaindegen hinanema wanuageluk wokhinarek lagik, o afuni Yahudi mene samban agarek oba nen yei hinoatik, ugun o. A'nogo imbik he, it yi Yesus agoromi iluk, it ap pemerintah mene kaindek inom, inenupogot inom, wene hinoba fouwageluk inelokhoma menhinobagaumo, andi sambul fanoasuak he an hilingitunem hineilenggen niikhi lagep mene fakhogo yagaisogoin o.

LUKAS 21:34

At Yesus nen wene a'nogo yagaisasikhesik he, ekhe mel yagaisasikhe: ”Yi mene ti mene isago werago hinalabut ninghogo ninggik, i lugulugwi paluogeluk nenggarek mene ninggik, yi mene ti mene kweangma mene faget menenei uan horok ebetik, a'nogo hilingirik nikhi logolik hinebe hebelek lek hesanggeat were'ma,

KISAH PARA RASUL 26:22

Noasuogeluk isukwa meneat he, Allah nen fetnarek mondok were'ma, an yogondak yoma mendek logolik hit ap kaindek inom, hinagoromi inom, wene an nen yagahisikhi lagi yi. Wene yi re, attagaren, it ap Allah ane yagaisikhi lagaukwa mene nen inom, at Musa nen inom, hobuk yi'nogo hilinglasigin, iluk isukwa meneat yagahisikhi lagi o.

KISAH PARA RASUL 6:4

Menfisamo, it a'nogo hilingitu kwelek, niren he, samban igik, wene ebe wene andiat yagaisigik, ikhi logogun,” iluk yagaisasukwa.

ROMA 11:14

An nerugwi nagaila'lak ninunggulenu misigat mene, Allah nen fena telinabuageluk, an nen a'nogo hilingiti lagi andiba, ina'mage lagaluk wene paluageluk hilingiti lagi.

ROMA 16:17

Nerugwi nagaila'lak. Hinendawimo kagalogo re, wene ekhe yi nane ninghogo yagahisago. It afuni ekhe hobuk we'luk, wene attak yagahisasukwama wanhigip mene herakfisoageluk he, hinebe minggilogo hinobagagik, hinendawimo weagethinafik, ugu halok he, hinebe hebelogo logolik, inane hinesanggo holhi'lek, herakfisaluk agaiseti logoino.

ROMA 2:7

At Allah nen he, it afuni fena nen inebe fogerinafarek mene inom, agaugwerinafarek mene inom, fili agarek lek mene inom, eise asuogeluk inafe morogo logolik inobabut higit hilingitarek mene halok, inebe ineluk mondok logouwageluk hilinginabigin.

1 KORINTUS 1:21

At Allah endawimo mondok kagalek andi nen he, mel isikhe: ”Afuni kweangma mene nen, inonggwarek inawene kagalogo agarek andi nen he, an nebe inelu asugun elo'lego. We, it ekhe nen wene ebe wene yagaisilik nugunem, it afuni kweangma mene nen anggikhi logolik he, Wene andi afuni kembu mene nen agarek hangge ili'lagwi, iluk ugu kwelegat he, it ekhe nen, wene andi eberogoat, iluk anggogoin mene halok he, an nen telinabigin aro,” iluk oba liok isikhesik onggwaregenat isikhe.

1 KORINTUS 9:22

It afuni inendawinggen oan mene Kristus faget woginabigeluk he, an nobabut he, nendawinggen oan mene hangge welagi. It afuni mondogat inobabut hilingitarek lombok hilingiti lagi andi re, it mene ekhe telinabigeluk a'nogo hilingiti lagi o.

1 KORINTUS 9:27

It afuni ekhe fano asuageluk fano wene yagaisilik nikhi lagi meneat he, nonggwarek heraknobagaumo nongagi hanogoluk, nonggwaregen nebe wara hak, nendawinggen ninghogo sebeligik, afuni inawe a'ma logolik inane hologo welagaikharek hak, an nebe nane awe a'ma logoigeluk komorigik, ikhi lagi o.

EFESUS 4:14

A'nogo hilingiti logolik, ninobabut yenggerugwi inobabut sogoien i ha'labu funhogo lagik-wagik hilingitarek andi hak, nit a'nogo hilingiti logouwagen iluk, it afuni ekhe inobabut lagoksek mene nen ineranen meneat he, eberogoat hangge lalninabuogeluk, wene hunogo wene hobugalep yaganisa weri'lagwi andi inane holugun lek.

KOLOSE 4:17

At Arkhipus a'nogo wene mel iluk yaga'no: ”Ninoe Enupogoren yabu at faget yi'nogo hilingi'no iluk hayonggo fikhe mene andi, wurep kobokhogo hilingi'no,” iluk yaga'no.

1 TESALONIKA 2:16

Allah nen it afuni enda'ma mene telinabuageluk niren fano wene yagaisilik lagunem, afuni inanggwe palharek hak, it afuni Yahudi mene andi nen he, ”Wene fano wene andi yagaisogoin lek,” iluk wene pali'lagwi andi. A'nogo hilingiti logolik, hundik-handik weak hilingitarek meneat he ekhe inom hilingiri'lagwi andi nen, Allah a'mage lagaikhesik, wene hokho mene inoba fikhe andi.

1 TIMOTIUS 1:3

An o Efesus nen o Makedonia yoma wesigeluk he, hat hendawimo kagalogo wene mel iluk yagahetigi anggigi: ”Hat hebe o yoma logoino. Logolik he, it ekhe nen wene ebe mene lek. We, hunogo mene yagaisili'lagwi mene andi igi'lek inane palfouwageluk komorinafi logoino.

1 TIMOTIUS 4:15

It afuni mondogaren hat hobabut palhi logolik he, ”At Timotius attak fano hilingiti lagasik yogondak fano mondogat hilingiri'logo,” iluk enegat futhobagauwageluk, wene yagaheti mene andi mondogat hendawinggenma fakhambik hilingitu mondok logoino.

1 TIMOTIUS 4:6

Wene fano wene ninendawinggen Allah oba himbiret fogorek mene a'nogo yagaheti lagagumo, haren wanhigindik higithogo hilingiti lagen andiba hebe sougwet hafunem he, wene yogondak yagaheti andi ninerugwi ninagaila'lak Allah againafuri mene ekhe yagaisikhi logoino. A'nogo yagaisikhi logogin halok he, hat Kristus Yesus amingmingengge logolik, at faget fanorogo hilingiti logogin andi.

2 TIMOTIUS 2:10

Andi nen he, it afuni ekhe Allah nen wenaginafikhe mene halok, Kristus Yesus inom hunisumo inebe telinafik, ineluk fano mondok logouwageluk fanorinafik, uageluk he an a'nogoat weagetnafu kwelek nafe morogo welagirek andi.

2 TIMOTIUS 3:14

Iren a'nogoat hilingitarek meneat he, hat enek he, nit ninebe helu mene nen ebe wene yagahetugumo, haren he, ”Eberogoat,” iluk wanhigin mene andiat ninghogo fisogo logoino.

TITUS 1:9

Wene afuni fanorinaferek wene yagaisikhi logolik fanorogo komorinafik, aren ebe wene ugunem, it ekhe nen, at ane sebelogo fugunem, aren inane elok sebelogo fisigik, elogat ikhi logouwageluk, wene niren yagatugumo eberogoat iluk wanhikhesik, obabut higithogoat ninghogo fisogo welagarek mene halok menfisogoin o.

TITUS 2:15

Haren wene andiat yagaisugunem, it ekhe inendawimo nen sebelhobagainogo nen he, hane ninghogoat inendawimo kagalogo komorinafi logoino.

TITUS 2:7

A'nogo komorinafunem, iren, hat hobabut wanhi logouwagen, yi mene ti mene faget hilingiti logolik hobabut higithogo hilingiti logoino. A'nogo hilingiti logolik, ”Wene yi esin mene,” iluk, higithogo eberogo wene nek yagaisikhi logoino.

FILEMON 1:19

An Paulus nen palegengge noba welagi, iluk mondogat andi onggo fagain mene nonggwarek nenggi nen lisu palhi andi o. An nen, hat fano wene yagahetigimo honggwarek hebe faget fano mene eise agendik welagen andi, palegengge hoba figimo werek iluk yagahesigin meneat he, an a'nogo igin he, lek. Honggwarek helu aro.

IBRANI 12:15

Afuni hit mene ekhe Allah obabut fano nen wo'nisikherek mene andi herakfisaluk wulifunem he, awingge awi ale weak mene fulelek were'ma, fano mene oba a'luk alet fikherek andi hak, at andi nen afuni mondogat weagerinabinogo iluk hineilenggen fanorogo logoino o.

IBRANI 13:9

A'nogo logogin andi nen he, it afuni ekhe nen yi wene ti wene hunogoat meneba lalhinabinogo. Nen, it afuni attagat inambe nenggarek mene faget esinet fuluk hilingiti lagaukwa andiba fano agi'le'ma re, ninendawinggen andiba wurik asugun elo'lego. We, Allah obabut fano nen wo'nisikherek andiba ninendawinggen fano wurik asugun o.

YAKOBUS 5:20

wene yi hinendawimo futfogoin. Sa nen weak hilingiti logolik, onggwaregen kwanirogo nong asi lagunem, at ekhe nen ambotkwe Allah oba waluk waga halok he, ebe wa'lasigin higit meneat telhik, weak hokhoat hilingite mene andi sebelogo legetfisigik igin o, iluk ikhemo werek andi nen he, hinendawimo futfikhi logoino o.