1 TIMOTIUS 4:12 - Allah Wene Fano Wene Hupla Inane

¹² Hat hebe souge welagen andi nen, it afuni ekhe nen inendawimo sebelhobagagun lego. Hebe sougweat logolik, afuni ekhe inendawinggen Allah oba himbirik werek mene nen hat hobabut wanuageluk hane higithogo yagaisigik, hobabut higithogo hilingitik, afuni hendawirinafik, hendawinggen Kristus oba himbirik welagik, weak hilingiti'lek heil lomborogo welagik, ikhi logoino.

1 TIMOTIUS 4:12 ပူးပေါင်းရင်းမြစ်များ

ZAKHARIA 2:4

Ambi agaikhasik malaikat attak mene a'nogo nen ekhe pirenek mene a'nogoba ikhi logolik, ”Ap alage mene andi ambit weak-weak lambik yagati logolik he, o Yerusalem he afuni nen inom inanggo takhagarek mene nen inom mondok hopo igin enggere leget pa'leget haning leget wanu re elo'lek agunem hogoin o.

MATIUS 18:10

A'nogo yagaisasikhesik he, ekhe mel yagaisasikhe: ”Malaikat Allah pogoroba yonggo pelakfisa wagarek mene nen yenggerugwi yi hangge kwelaginarek logolik neisena eilhanem mondok welagaikharek andi nen he,” yenggerugwi andi hinendawimo nen sebelfisagubo.

1 KORINTUS 11:1

An Kristus obabut waganogo hilingiti lagi hak, hiren he, an nobabut waganogo hilingiti logoino o.

FILIPI 4:8

Nerugwi nagaila'lak. Wene wurep oba yi ekhe yagahisak. Hinendawinggen ebeti logolik he, fanorogo hilingitik, fogerinabu mene hilingitik, ili'lagwi mene oba ebeti logoino. Andi ebe re, wene eberogoat mene oba ebetik, fogerasu mene oba ebetik, inobabut lomborogo logolik hilingitarek mene oba ebetik, inobabut heanerogo hilingitarek mene oba ebetik, inoba liok ugu mene oba ebetik, ebetu mondok logoino o.

1 TESALONIKA 1:6

Hit yi enggin ti enggin hilinghinafu kwelegat he, hinagaiyek anggikhi logouwageluk Allah Areagun en hinendawimo kagalhikhemo, hinagaiyek anggikhi logolik fano wene wanhigipsik he, nit ninobabut wanhik, ninoe Enupogot obabut wanhik isigip andi o.

1 TESALONIKA 2:10

Nit hit wene eberogoat iluk wanhigip mene halok ninom logolik afuni nen, ”It weak hilingita,” iluk wene ninoba figi'legat, tegelek logolik higithogo nek hilingiti lagagu a'nogo, hit Allah hinomat hinelumo re, ”Andi eberogoat,” iluk ugun andi.

1 TIMOTIUS 1:14

Andi re, at ninoe Enupogot Kristus Yesus obabut fano nen hokhorogo endawitnafikhesik, nobabut he, at inom hundik logolik hilingitarek hagat, nendawinggen at oba himbiret figik, afuni ekhe nendawirinafik, hokhorogoat ikhi logouwageluk, nebe wo'nafikhe andi.

2 TIMOTIUS 2:15

Allah nen he, ”Hat an faget fano hilingiti lagen,” iluk yagahesuagen he, ho mamerogoat hilingiti logoino. It ekhe yi mene ti mene hilingisuageluk inayonggo fugunem he, fanorogo hilingiti logolik, inenggali lekhogo hilingitarek andi hak, haren ebe wene andiat higithogo yagaisikhi logoino.

2 TIMOTIUS 2:22

Andi nen he, hat he, it ap alage mene nen inoba aigage lagaluk weak hilingiri'lagwi mene andi herakfisaluk, heise laga logoino. It afuni ekhe inendawinggen fano misigat logolik, ninoe Enupogot ayonggo fili'lagwi mene andi hinom lambulogo logoino. Hinomat he, higithogo hilingitik, Allah oba hundik welagik, afuni inebe hinendawirogo welagik, afuni inom liokhogo welagik, agarek andi meneat murok laga logoino.

2 TIMOTIUS 2:7

Wene an nen yagaheti mene andi hendawimo ebeti logogin halok, ninoe Enupogoren mondogat furogo yagahesigin werek andi nen, oba ebeti logoino o.

TITUS 2:15

Haren wene andiat yagaisugunem, it ekhe inendawimo nen sebelhobagainogo nen he, hane ninghogoat inendawimo kagalogo komorinafi logoino.

TITUS 2:7

A'nogo komorinafunem, iren, hat hobabut wanhi logouwagen, yi mene ti mene faget hilingiti logolik hobabut higithogo hilingiti logoino. A'nogo hilingiti logolik, ”Wene yi esin mene,” iluk, higithogo eberogo wene nek yagaisikhi logoino.

YAKOBUS 3:13

Hit ekhe hinendawimo kagalek logolik, yi wene ti wene hokhoat hinelu halok he, afuni nen enegat futhinobagauwageluk hinobabut enago logolik, hinendawinggen kagalogo fanorogo hilingiti logoino o.

YAKOBUS 3:17

A'nogo meneat he, afuni Allah nen inendawinggen kagalhunem inobabut esin hilingitarek he, weak ekhe hilingiti'lek ineil lomborogo welagaikharek andi. A'nogo logolik, afuni ekhe inom liokhogo welagik, inobabut enago welagik, inane hologo hilingitik, e enggen fano mene iterek andi hak, fanorogo hilingitik, afuni inendawirogo mondok welagik, afuni ekhe inelokhoma fisigik, ekhe inambotma fisigik, igi'legat, inendawinggen pire welagi'legat, fanorogo hilingitarek andi o.

1 PETRUS 5:3

Allah againafuri kwelaginarek logouwageluk sumburogo wokhisasikhe andi kwelaginarek logolik, hinebe kain hak logolik, set kwil-kwalhogo hilinginafi logogup. We, hit fano hilingitunem ineilenggen hisaluk hinobabut waganogo hilingiti logouwageluk, fano hilingiti logoino.