1 TIMOTIUS 4:10 - Allah Wene Fano Wene Hupla Inane

¹⁰ Allah ebe re, yi afuni ti afuni mondogat telinaferek mene welagarek meneat he, esin hangge re, nit ninendawinggen at oba himbiret fikhi lago mene halok telninaferek andi nen, ninendawinggen at eluk mondok welagarek mene oba himbiret fuluk, at faget ninaberali lekhogoat ninomamerogo hilingiti lago.

1 TIMOTIUS 4:10 ပူးပေါင်းရင်းမြစ်များ

MAZMUR 107:2

Yago, hit hinoba enggin-fenggin were'ma, Aren telhinafikhe mene andi nek hobugalep fogerati logoni o.

MAZMUR 118:8

Afuni inoba inendawinggen himbiret fuluk welagaikharek andi elo'lek meneat he, Allah awe a'ma sebe uluk logogun andi nek he mondok fano.

MAZMUR 36:6

Tuhan neisena, Haren hendawi hundik hilingninafi lagen mene andi re pogot walek po'li welagarek andi hak hilingik, nen Haren tiphogo nek hilingninafi lagen mene andi re mondok uanhogo anggulok huli andomaba hilingik.

MAZMUR 37:40

It afuni inobabut fano hilingitarek mene andi re, inebe Allah awe a'ma kuluk welagaikharek andi nen he, it afuni weak hilingitarek mene andi nen inoasuogoluk ugunem, At Allah nen leberisaluk telinaferego.

MAZMUR 52:8

A'nogo hilingitunem ineilenggen hisaluk he, ap Allah ane hologo hilingitarek mene omanogo inailo nen, endo yakhafi logolik, yi'nogo ikhi logogun:

YESAYA 12:2

Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”

YESAYA 50:10

Yago, hit Tuhan legeisogo fikhi lagep mene yoma inom, nen At amingmingengge ane ugunem hologo hilingiti lagep mene inom yoma sani, ebekwe hit logoinkwe hokhorek logolik, hit hinobaget ombak-bak seleget hinafu mene ekhe werek oba nen ogore, hinendawinggen Tuhan oba tibetfuluk hineisena Allah ba himbirik logogun halok he fano o.

YEREMIA 17:7

Oba nen he ap An noba endawinggen himbirik logolik noba ebetfuluk werek mene re An nen fanotfugu mondok logogin!

DANIEL 3:28

A'nogo isasukwasik, at raja nen mel isikhe: ”Allah Enupogot Sadrakh inom, Mesakh inom, Abednego inomen fogeratarek mene andiat fogerati logouwogo. It he afuni nen, Nineisena ebe yi aro, iluk fogeratarek mene andi fogerasu inabit logolik, we it ineisena Allah it fogeratarek mene andi nek fogerasugun iluk inendawinggen at oba himbiret fuluk logolik, Ninebe ninoasugun halok fano aro, iluk an nen wene ero wulafi mene herakfisagama, wene inoba figi meneat he, At Allah nen amingmingengge inebe henagan aremnogo faget agoromi malaikat mene ekhe inoba lakfei wagasik it inebe telinafe andi.

NAHUM 1:7

Tuhan andi re mondok fano, At againafuri enggin inoba were'ma awe a'ma ferinarek welagarek. Afuni At oba lombokhogo werek mene re Aren halinafu mondok werek.

MATIUS 16:16

at Simon Petrus a'nogo nen he, ”Hat hebe re, Kristus Allah eluk mondok welagarek mene amlogo, nit telninabuageluk aren lakfei wesigin iluk abok yaganisasikhe a'nogo aro,” iluk yagatikhe.

MATIUS 27:43

Endawinggen Allah oba himbirik logolik, ”An Allah amlogo o, iluk ikhi laga a'nogo re, at Allah nenat teligin anggikhe halok he, telinik he,” iluk isukwa.

YOHANES 1:29

Wene a'nogo isukwasik, nogo iluk, ohealekwe, at Yesus Yohanes oba wagunem eilenggen yet hasikhesik he, wene mel yagaisasikhe: ”Allah anggo domba mene nit afuni kweangma weak hilingitorek mene korogo herakfisagain mene a'nogo waga a'li hineilenggen yethani.

YOHANES 4:42

he a'nogo mel yagatukwa: ”Yogondak nit ninendawinggen at oba himbiret fogo yire, wene haren yaganisegen andiba nek ninendawinggen at oba himbiret fogo fuk. Lego. Athe, at ebe nen wene yaganisugunem ninonggwaregen ninesanggo tomok holhik, afuni kweangma mene mondogat telninaferek mene ebe yi aro, iluk futfuluk ninelu agik, ogo andiba nen ninendawinggen at oba himbiret fogo aro,” iluk yagatukwa.

YOHANES 5:24

”It afuni ekhe nen an nane inesanggo holfuluk, inendawinggen an lak nobagai wagaikhe mene a'nogo noba eberogoat himbiret fogoin halok, afuni wa'la'luk lagaikharek ero herakfisaluk, ineluk mondok logogun mene eroba arat wagaikhesik werego. Ineluk mondok logogun mene eise agaikhasik werek andi nen he, hobuk wene inoba fagain lego, iluk eberogoat yagahisigi.

1 KORINTUS 15:10

A'nogo igin elo'lek meneat he, Allah obabut fano nen nayonggo fesikhemo yi'nogo agagisik welagi o. Nayonggo fesikhe andi we tulemat fesikhe lek andi nen he, it ekhe mondogat yabu endebat hangge wanhu kwelek, an enek he, hokho hangge wanhi lagi o. Mene re, a'nogo wanhi lagi andi re, an nen wanhi lagi fuk. Allah obabut fano nen nemberegat logolik wili'logo o.

2 KORINTUS 1:10

Nit ninebe mondogat ninoasugun iluk anggasugusi'mo nen, at Allah nenat telninafikhesik he hobuk telninabigin aro. Nit faget hit ninomat samban ikhi lago a'nogoba, hobuk telninafo logogin aro, iluk he ninendawinggen at oba himbiret fuluk welago. Hiren, nit faget samban ugu mondok logogun andiba, at Allah obabut fano nen nit telninafunem he, it afuni ekhe hokhorogoaren ineilenggen nisambik Allah hai wasugun aro.

1 TIMOTIUS 2:3

At Allah telninaferek mene a'nogo endawimo anggikhi logolik he, ”Yi afuni ti afuni mondogat telinafik, ebe wene furogo inelu asuageluk yagaisigik, agarek mene,” At endawimo amolo anggikherek andi nen he, hit a'nogo ikhi logogun halok he, fano.

1 TIMOTIUS 2:6

At Kristus afuni mondogat weak hilingitorek andiba hele warogo fetninarek were'ma hele fikhalogo telninabigeluk onggwarek eranen, ”Nebe noasuak,” iluk wagaikhe andiba, Allah endawimo nen he: ”Afuni mondogat telinabigin,” iluk anggikherek mene andi, enegat asigin higithogoat enegat agaikhe andi.

1 TIMOTIUS 6:17

Yi mene ti mene mondogat lek asigin meneat he, it ap kaindek inenuwerek mene andi inendawimo nen fogerakhikhi logolik, ”Nagarek kweangma mene yoma mondok hokhorogo yi nen nebe fano logogin,” iluk, anggikhi logoinogo. Athe, at Allah nen yi mene ti mene mondogat ninendawimo agaiyekhogo helikhi logouwageluk hokhorogo wo'nisikherek a'nogo nenat fanotninabigin iluk futfikhi logouwagen komorinafi logoino.

IBRANI 11:26

”Hobuk Allah nen onggo wo'nesigin mene werego,” iluk anggasikhesik he, ”Yi mene ti mene fano mene afuni o Mesir inenggimo mene yi esin lego,” iluk, herakfisaluk, ”Kristus faget ninebe weak-beakhogo ninobagakhi logogun andiat fano o,” iluk anggasikhe.

IBRANI 13:13

A'nogo wa'lagaikhe andi nen, nit kweangma yoma mondok logogun lek. We, nit hobuk o mondok logogun oba herati lago andi nen he, at Yesus afuni nen inane aik weak asegen wokhikhi yagati lagaukwa andi hak, nit a'nogo yaganisugu kwelek, at oba leget abel endakwe wulifi logouwogo.

1 PETRUS 1:21

Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.

1 YOHANES 2:2

At ebe a'nogo logolik, nit yi weak ti weak hilingitorek mene sebelogo legetfisaluk, ho'ninaferek. A'nogo hilingiterek andi re, nit weak hilingitorek mene faget enek fuk. Athe, yi afuni ti afuni kweangma mene mondogat weak hilingitarek mene faget ninomat ho'ninaferego.

1 YOHANES 4:14

Niren he, ”Allah nen amlogo nineilenggen hikhi lagagu mene andi nen, nit afuni kweangma mene telninabuageluk lakfei wagaikhemo,” iluk abok fakhogo yagahisikhi lago.