1 TIMOTIUS 3:7 - Allah Wene Fano Wene Hupla Inane

⁷ Nen, ap Allah againafuri kwelaginarek logogun mene andi, it afuni endakwe mene nen abok weak pali'lagwi mene menfogoin halok, at ebe inendawimo sebelfuluk ineilenggen inabithogo kwelakhigik, paik hele fugunem ke'nok ikherek hak, Iblis nen endawimo kagalimbik ebe fakfigik inogo iluk, abok fano ili'lagwi mene halok menfogoino.

1 TIMOTIUS 3:7 ပူးပေါင်းရင်းမြစ်များ

MARKUS 4:11

Heinok wanhukwama aren he, mel yagaisasikhe: ”Allah nen awe a'ma fisikherek wene andi, at endawimo hinago welagaikhe mene, wene hit enek he hinelu asubagaigeluk fakhogo yagahisagain anggasikhe meneat he, it afuni endakwe mene andi nek he, at Allah nen he: It weak hilingiri'lagwi mene andi herakfisaluk inobabut hebelasumo, an nen sebelogo legetfisanogo iluk he, it ineilenggen hikhi logogun meneat he, furogo futfikhi logogun lego. Nen, inesanggo holhi logogun meneat he, fanorogo holhi logogun legaro, iluk isikhe andi higit asuageluk, wene yi mene ti mene oba lithigik, yagaisikhi lagi andi o,” iluk yagaisasikhe.

KISAH PARA RASUL 10:22

A'nogo yagaisasikhemo, iren he, ”Ap tentara mene esa folharek mene inoe kain enu Kornelius andi nen lakninobagai wagama wago. At andi obabut higithogo hilingitik, Allah ebe ailorogo welagik, ugunem, it afuni Yahudi mene mondogaren obabut palharesik he, a'nogoat abok fano agarek. At andi a'nogo hilingitunem malaikat Allah nen yonggo pelakfisa wagarek mene omanogo ekhe nen he, Petrus andi nen wene hat hesanggo holigin mene yagahesigin werego, iluk hat hayonggo lakninobagai wesuageluk yagatemo, aren lakninobagai wagama hoba wago o,” iluk yagatukwa.

KISAH PARA RASUL 22:12

Kwisukwama, o Damsyik andoma ap ekhe enu Ananias. Wene Allah nen komotninafikhe wene a'nogo fisogo logolik higithogo hilingitunem, it afuni Yahudi mene o Damsyik mene mondogaren inane agaukhogo yagati lagaukwa.

KISAH PARA RASUL 6:3

Halok, hiren he, ap ekhe Allah Areagun inendawimo peterek logolik, inendawinggen mondok kagalek hilingitunem, inobabut enegat isikhi lagep mene halok, inebe 7 nen heraginabini o. Heraginafep halok, iren yi mene ti mene a'nogo sumburisikhi logouwageluk, niren menfisogoin o.

1 KORINTUS 10:32

Afuni Allah againafuri mene inom, nen, it Yahudi mene inom, Yunani mene inom inendawinggen Yesus oba himbiret figi'lek mene inom, weak asinogo iluk hinobabut higithogo hilingiti logoino o.

1 KORINTUS 5:12

It afuni Allah ane inonggot mene wene an nen inoba fagain nogo? Lego. We, Allah nen inoba fagain werego. Allah ane lisu palogo fikhi logolik he, mel isukwa: ”At ekhe hinanggele'ma logolik weak hilingiri'logo mene andi, wulakfisano,” iluk isikhemo lisu palogo fesukwama werek andi nen he, ap ekhe hit Allah againafuri hinom andogoti lagep mene nen weak hilingite halok, hiren wene oba fogoin lek nogo? Fogoin aro.

2 KORINTUS 6:3

Afuni ekhe nen he, ”Hit Allah faget hilingiti lagep andi weak hilingiti lagep,” iluk ninabok weak palinogo iluk he, afuni ekhe weak hilingisuageluk inendawimo kagalogo yi mene ti mene faget weak mene hilingiti lago lek.

2 KORINTUS 8:21

A'nogo hilingiti logolik he, ninoe Enupogot eilhanem enek ninobabut higithogo hilingiti logouwogeluk ikhi lago lek. Athe, ninoe Enupogot inom, afuni inom, ineilhanem ninobabut higithogo hilingiti logouwogeluk anggikhi lago.

KOLOSE 4:5

It afuni Allah ane inonggot mene faget he, hit hinendawimo mondok kagalek logolik: ”Nit Allah againafuri hilingisugun mene fanoasuak yabaat hilingiti logouwok,” iluk andi meneat hilingiti logoino o.

1 TESALONIKA 4:12

Andiat esinet fuluk he, it ekhe nen waganekwe nilik nikharek andi hak hilingiti'lek logolik, afuni endakwe mene nen: ”It Kristus agoromi fano hilingiri'lagwi,” iluk uageluk ineilhanem hinobabut higithogo hilingiti logoino.

1 TESALONIKA 5:22

Weak mene halok, mondogat hilingiti'lek logoino.

1 TIMOTIUS 3:6

Ap ekhe Allah ane oan kerat wanhe mene menfugunem, Allah againafuri kwelaginarek logolik, onggwaregen fogerakhamo re, Allah nen Iblis unggum wogetikhe hak, a'nogoat wene oba fagain andi nen he, Allah againafuri kwelaginarek logouwageluk menfogoin lego.

1 TIMOTIUS 5:14

Halok he, it hemi sogwe ekhe Iblis ombo'ne kwanirogo hela lagaikha andi nen, it ekhe nit Allah againafuri ninom weim palek hangge mene nen ninabok weak palinogo iluk, it hemi sogwe tugum mene andi, inaguni lombok woginapluk he, ineagwi tagaisogo fanorogo tegelogo ferinarek logouwageluk igi andi.

1 TIMOTIUS 6:9

A'nogo meneat he, afuni nen he, ”Esin uang andiat,” iluk inendawinggen tulemet fuluk he, o wurep oba yi weak ti weak hilingiri'lagwi andi, ero andi aro. It ekhe nen uang andi mene herasuogeluk, inendawinggen Allah oba himbirik welagaikharesigenat he, herakfisaluk hobuk eba salukhogo waragarek hak, it inonggwarek inendawimo wiik-weakhogo hilingiri'lagwi andi. Andi nen he, afuni ekhe nen, ”Yi mene ti mene hokhorogo helaluk ninebe kain logoilo e,” iluk anggili'lagwi andi re, paik hele fugunem ke'nokhogo wa'lagarek hak, Iblis nen inendawimo kagalhunem, yi mene ti mene inamolo anggogoin lek meneat he, weagerinabigin mene inamolo iluk anggili'lagwi andi nen he, inebe weaget fakhigik, nonget fakhigik, agarek andi.

2 TIMOTIUS 2:26

A'nogo komorinafunem, at Iblis endawimo anggikherek mene hilingiti logouwageluk inebe paik hele fugunem ke'nok ikherek hak ke'nok uba nen, hobuk inobabut hebelumo Allah nen fikhalogo wulakfisagain aro.

TITUS 2:8

A'nogo yagaisugunem, it ekhe wene andi inabit mene nen, ”It weak hilingita,” iluk, wene nit ninoba le'maat ugunem, inenggali asuageluk, ebe wene fanotninaferek wene a'nogo, weak ugun lek mene andiat, yagaisikhi logoino.

3 YOHANES 1:12

A'nogo meneat he, at Demetrius faget enek he, afuni mondogaren inom, at Allah eberogoat mene nek ikherek a'nogo nen inom, an nen inom, ”At fano hilingiri'logo,” iluk abok fano ogorek. At abok ogorek andi, eberogoat fano ogorek andi hit hineluo.

1 SAMUEL 2:24

Nineisena Tuhan againafuri nen hit hilingiti lagep mene hinabok tindeli'lagwi andi re mondogat weago. Halok he, hit hinobabut mondok weak hilingiti lagep a'nogo hobuk ekhe hilingiti logogubo, nagainafuri.