1 TIMOTIUS 3:5 - Allah Wene Fano Wene Hupla Inane

⁵ At ap ekhe nen onggwarek againafuri fanorogo tegelogo ferinarek logou onggot halok he, Allah againafuri ninggi'nogo kwelaginarek logogin anggegep? Elo'lego.

1 TIMOTIUS 3:5 ပူးပေါင်းရင်းမြစ်များ

KISAH PARA RASUL 20:28

Wam domba wam kwalogo welagaikharek andi hak, hiren Allah againafuri kwelaginarek logouwageluk, at Areagun en hinayonggo fesikhemo, kwelaginarek logolik he, hinonggwarek hinebe hebelogo logoino o. A'nogo hinebe hebelogo logolik he, Allah againafuri yoma, at onggwarek amlogo amep oba woginafikhemo inebe at onggwarek againafuri werek, iluk fanorogo kwelaginarek logoino o.

1 KORINTUS 10:32

Afuni Allah againafuri mene inom, nen, it Yahudi mene inom, Yunani mene inom inendawinggen Yesus oba himbiret figi'lek mene inom, weak asinogo iluk hinobabut higithogo hilingiti logoino o.

EFESUS 1:22

Allah nen yi mene ti mene pogoroba kweangma welagarek mene mondogat waganogo at Kristus alegat enggiba fesikhe. Nit Allah againafuri mondogat yi awi ti awi welagorek mene ninunggul he at Kristus ebeat kain logouwageluk at wo'nisasikhesik menfesikhe andi.

EFESUS 5:24

Nen, nit Allah againafuri Kristus awe a'ma logolik ane hologo hilingitorek hak, hit hemi re, yi mene ti mene faget mondogat hilingisuogeluk he, hinaguniat inawe a'ma logolik inane hologo hilingiti logoino o.

EFESUS 5:32

Wene isikhe andi endawimo hinago mene wene esin mene ekhe werek. Wene andi an nendawimo nen he, at Kristus nit Allah againafuri ninom fano hundik logogun mene faget isikhe anggigi.

1 SAMUEL 3:13

An nen attagat Eli yagati logolik he, hat hagainafuri An nenu weagarogo weak mondok hilingiri'lagwi andi nen, mondo'-mondok weak asuagaluk wene inoba fagain, iluk yagatigimo, at Eli nen at againafuri nen weak hilingiri'lagwi mene andi elu meneat he, aren he, hit a'nogo hilingisugun mondok lego, iluk palfouwageluk oba harorogo wenagisigi'lek herakfisili'lago andi.