1 TIMOTIUS 3:14 - Allah Wene Fano Wene Hupla Inane

^14-15 An weak-weak hea wesigeluk nendawimo anggikhi logoligat he, oan wagi'lek logogin halok, nit Allah againafuri ninom logolik ninobabut hilingiti logogun mene helu asuageluk wene yi mondogat lisu palogo hoba lakfei wagi andi. O re, tik oba nen tiang oba ninghogo welagarek andi hak, nit Allah eluk mondok welagarek mene againafuri andogotorek andiba nen, Allah ane ebe wene andi ninghogo fi sogo welagorek andi.

1 TIMOTIUS 3:14 ပူးပေါင်းရင်းမြစ်များ

1 KORINTUS 11:34

Hit hinebe andogorek were'ma, wene hinoba asinogo nen he, hit ekhe sumburu nele halok he, hinaiba nalugen wesugun o. Nen, wene ekhe werek halok he, an nebe wesimbigen hali wesigin o.

1 TESALONIKA 2:18

Walhikhi logolik he, an Paulus nonggwarek nenggi attak ekhe wesigeluk walhigik, hobuk ekhe wesigeluk walhigik, igi meneat he, Iblis nen nanggwe palhemo nen kamo igi andi.

1 TIMOTIUS 3:13

Iren Allah againafuri ekhe fanorogo leberisugunem he, Allah againafuri nen inabok fano ikhi logolik inane agaukhogo yagaisikhi logogun. A'nogo yagaisugunem, iren he, wene ninendawinggen Kristus Yesus oba eberogoat himbiret fogorek wene andi faget, inailo lek fakhogoat yagaisikhi logogun o.

1 TIMOTIUS 4:13

An nebe oan wagi'lek werek kwelek he, Allah ane lisu palek andiat it ekhe inesanggo holuagen enu salhik, komorinafik, yagaisigik, ikhi logoino.

FILEMON 1:22

Hit mondogaren an faget samban Allah ayonggo fikhi lagep andi nen, aren hobuk nenggi hele fikhalogo wulaknobagambik, hinoba wo'narek wesigin anggikhi lagi. Halok he, an hobuk hinoba wesimbik nogo igin oba faget, hat haiba andoma o senggelek ekhe tegelogo nobagaluk logoino.

IBRANI 13:23

Nen, ninagot Timotius a'nogo re, ebe arat hele fikhalogo wulakfagama nen hinelurogo logobagaigeluk yagahisigi o. At ebe weak-weak an nea waga halok he, an hobuk hit hisa waga logolik nemberek wesugun o.

2 YOHANES 1:12

Wene hokhorogoat hinoba lakfei wesu mene werek meneat he, suesingga lisu amusuba palu re, nabiro. We, ninendawimo ninagaiyek hikhi lago mene andi ebenagaik ninagaiyek houwogeluk he, ninom misi'mo weneane ninelhaba yet-yet uogeluk, an nebe hinoba wesigin anggikhi lagi o.

3 YOHANES 1:14

We, an nebe weak-weak wesimbik he, weneane ninelhaba yet-yet ugun o, iluk anggikhi lagi.