1 TIMOTIUS 3:13 - Allah Wene Fano Wene Hupla Inane

¹³ Iren Allah againafuri ekhe fanorogo leberisugunem he, Allah againafuri nen inabok fano ikhi logolik inane agaukhogo yagaisikhi logogun. A'nogo yagaisugunem, iren he, wene ninendawinggen Kristus Yesus oba eberogoat himbiret fogorek wene andi faget, inailo lek fakhogoat yagaisikhi logogun o.

1 TIMOTIUS 3:13 ပူးပေါင်းရင်းမြစ်များ

MATIUS 25:21

at oe a'nogo nen he, ”Nagot wa! Hat he, fano mondok. Hobabut humbun andi nen he, higithogo mondok hilingiti lagenma higi o. Endebat meneat he, wokheti mene humbunhogo fisogo welagen andi nen he, hobuk mondok hokhorogo fisogo logoinogeluk, menhobagambik wokhesigin o. An hoe nendawimo nagaiyek hikhi lagi andi hak, nemberegat ninendawimo ninagaiyek houwogeluk, kwi me o,” iluk yagatikhe.

LUKAS 19:17

at oe a'nogo nen he: Nagot wa! Hat hobabut fano hilingiti lagenma higi o. Endebat mene hobabut humbunhogo hilingiti lagenma andi nen he, yogondak he, o sili 10 nen yoma hobuk hat eise logolik ferinarek logoinogeluk menhobagagi o, iluk yagatikhe.

KISAH PARA RASUL 21:35

Yagaisasikhemo, kwe pelare'ma waluk lagaukwasik, afuni hokhorogo omanogo ina'mage nen wasinogo iluk he, it ap tentara nen ebe hambokhogo wanu hak agaikhemo, wanhukwa.

KISAH PARA RASUL 6:15

A'nogo ikhi lagaukwama, it ap wene ero pilingiti lagaukwa mene omanogo inebe mondogat inom hurek logolik he, ineilenggen at Stefanus oba lurogo yethugunem he, at elokhonggen malaikat Allah nen yonggo pelakfisa wagarek mene omanogo inelokhonggen hangge hilinglagaikhemo ineilenggen hasukwa.

KISAH PARA RASUL 6:5

Wene a'nogo ikhi lagaukwama, it afuni Allah againafuri omanogo inebe mondogaren he, ”A'nogo egep andi fano,” iluk isukwasik inebe heragaisogo fisasukwa. A'nogo fisasukwa andi ekhe re, Stefanus, endawinggen Allah oba himbirik mondok were'ma Allah Areagun endawimo peterogo kwisikhesik welagaikhe mene inom, Filipus inom, Prokhorus inom, Nikanor inom, Timon inom, Parmenas inom, Nikolaus o Antiokhia mene Allah ane wanhikhesik, Yahudi mene hangge hilinglagaikhe mene andi inom,

KISAH PARA RASUL 6:8

At Allah obabut fano nen wogisikherek mene a'nogo, Stefanus hokhorogo wogetikhemo omame hokho welagaikhe. Logolik he, afuni nen wene futfouwageluk hilingisu lek mene hokhorogo elalinat hilinginafi lagaikhe.

1 KORINTUS 16:15

Nerugwi nagaila'lak. Wene ekhe yi hinendawimo kagalik. At Stefanus againafuri inom omanogo inebe hinelu o. O propinsi Akhaya andoma re, it tak Allah againafuri agaukwasik he, it Allah againafuri ekhe leberisikhi logouwogeluk inendawinggen oba nenat isukwasigen leberisili'lagwi andi.

FILIPI 1:14

An nenggi hele warogo nobagagama welagi yi nen, Allah againafuri ekhe inebe hokhorogo inendawinggen ninoe Enupogot oba himbiret fuluk wurik a'luk he, wene Kristus faget inaneba fakhogo yagaisikhi logou inailo lek ari'logo andi.

1 TESALONIKA 2:2

Hit hinoba oan wagi'lek o Filipi andoma were'ma, afuni andoma mene nen inendawinggen weaget fisigik, yi enggin ti enggin hilingninafik, ikhi lagaukwa. A'nogo meneat he, nineisena Allah nen awene fano wene a'nogo ninailo legengge yagahisa wesuageluk hilingninafikhemo wagagusik yagahisikho were'ma afuni hokhorogoaren: ”Wene andi ninabit,” iluk, ugu kwelegat ninomamerogo yagahisikhi lagagu a'nogo hineluaro.

1 TIMOTIUS 3:14

An weak-weak hea wesigeluk nendawimo anggikhi logoligat he, oan wagi'lek logogin halok, nit Allah againafuri ninom logolik ninobabut hilingiti logogun mene helu asuageluk wene yi mondogat lisu palogo hoba lakfei wagi andi. O re, tik oba nen tiang oba ninghogo welagarek andi hak, nit Allah eluk mondok welagarek mene againafuri andogotorek andiba nen, Allah ane ebe wene andi ninghogo fi sogo welagorek andi.

2 TIMOTIUS 2:1

Timotius namlogo e. Nit Kristus Yesus ninom hundik were'ma, Allah obabut fano nen wo'nisikherek mene andiba hendawinggen wurikhogo logoino.

IBRANI 6:10

At Allah obabut he, weak hilingiterek mene fuk. At higithogo nek hilingiterek andi nen he, hiren at faget hilingiti logolik hinerugwi hinagaila'lak Allah againafuri mene ekhe hinendawi nen attak leberisigik, hobuk leberisigik, ikhi lagep mene andi, aren hit hinoba onggot asigin lego.