1 TIMOTIUS 2:7 - Allah Wene Fano Wene Hupla Inane

⁷ A'nogo anggikherek andi nen, aren he, ”Haren ebe wene andi afuni endakwe mene nen eberogoat iluk inendawimo anggaluk wanuageluk, yagaisilik nikhi logoino,” iluk, an nayonggo fuluk laknobagai wagaikhemo, yagaisilik nigirek andi. A'nogo igi andi eberogoat igi. Nera nen igi lego.

1 TIMOTIUS 2:7 ပူးပေါင်းရင်းမြစ်များ

MAZMUR 111:7

At Tuhan nen hilingiterek mene andoma mondogat he katokhogo nek hilingitik, tiphogo nek hilingitik, ikhirek, At awene melalek andoma re mondok omame hilingi'mo tiphogo nek hilinglagarek.

PENGKHOTBAH 1:12

An nebere nendawinggen mondok kagalek mene logolik o Yerusalem oba andoma afuni Israel mene faget inoe raja mendek logolik melalinafi lagagi.

PENGKHOTBAH 7:27

Ap awenggelek mene nen ili'lago mene andi hani: Mondogat andoma re an nen eil misik-misik onggo helagain iluk heratunemen herati o.

YOHANES 7:35

it ap inogogwi kaindek omanogo nen, it-it ikhi logolik he, mel isukwa: ”At yi o koma lambik were'ma, nit at herarik lambik ninom ambi asugun legen yaganisikhe anggegep. Ap nit mene o pugulogo afuni Yunani mene were'ma inoba lagaukwasik were'ma inoba lambik, afuni Yunani mene wene yagaisikhi logouwageluk ikhe anggegeba?

KISAH PARA RASUL 14:27

O Antiokhia lagaukwasik, Allah againafuri andogerinafukwasik he, mel yagaisasukwa: ”Nit Allah ninomen yi'nogo hilingito, ti'nogo hilingito,” iluk wene pilingisogo yagaisikhi logolik mel yagaisasukwa: ”It afuni endakwe mene wene andi eberogoat iluk wanuageluk, Allah nen kwe huthikhemo elok wanugun werego,” iluk yagaisasukwa.

KISAH PARA RASUL 22:21

A'nogo yagatunem, Tuhan nen he, it afuni endakwe mene yatma andoma inoba lakhobagagin andi nen he, lan o, iluk yaganetikhe,” iluk yagaisasikhe.

KISAH PARA RASUL 26:20

Wene andi, attak it afuni Yahudi mene o Damsyik andoma welagaukwa mene yagaisasigi. Hobuk o Yerusalem lambik logolik, it andoma mene yagaisigik, o propinsi Yudea mene mondogat yagaisigik, isigisik, it endakwe mene yagaisilik nikhi lagi. A'nogo yagaisilik nikhi logolik he, weak hilingiti lagep mene herakfisambik hinobabut hebelasimbik hinelokhe Allah wogo'no o. Hinelokhe Allah wogosimbik he, hinobabut afuni inobabut hebela'luk hilingitarek hagat hilingiti logoino o, iluk yagaisikhi lagi.

KISAH PARA RASUL 9:15

A'nogo yagatikhe meneat he, at Tuhan nen he, ”Lan o. Aren he, afuni endakwe mene inom, inogogwi kaindek mene inom, afuni Israel mene inom, an nenu yagaisilik nikhi logouwageluk, an nen ap andi ebe heragaisogo ayonggo figimo o.

ROMA 1:9

A'nogo hai wati logolik he, hit faget kamo igi'lek samban ikhoat welagi mene andi, at Allah elu o. An Allah awe a'ma logolik, fano wene At amlogo hilingiti lagaikhe wene andi afuni yagaisilik nikhi lagi andi, nendawinggen oba nen, at Allah faget hilingfisikhi lagi o.

ROMA 10:14

Allah nen he, wene ekhe mel isikhe: ”Afuni fano wene waluk yagaisa lagaikharek mene andi, fano mondogo,” iluk isikhemo lisu palogo fesukwama werek meneat he, fano wene andi waluk loageluk inayonggo fuluk lakfisigi'lek halok, ninggi'nogo nen yagaisa logoin? Nen, it ekhe nen wene ebe yagaisa lagi'lek werek kwelek he, at abok ninggi'nogo nen inesanggo holugun? Nen, at abok holhi'lek logolik he, ninggi'nogo nen inendawinggen at oba himbiret fogoin? Afuni inendawinggen at oba himbiret figi'lek logolik he, enu hombuk ninggi'nogo palugun?

ROMA 11:13

Wene yi hit afuni endakwe mene yagahisak. Allah nen he, an nayonggo fuluk hit endakwe mene hinoba laknobagai wagaikhemo wagagisik hilingiti lagi andi nen, esin mondok iluk fogerakhikhi lagi o.

ROMA 15:16

An nebe at Kristus Yesus awe a'ma logolik afuni endakwe mene woginabuageluk nayonggo fesikhemo, at Allah endawimo fanorogo Areagun andiba it inebe Allah awe a'ma inobagauwageluk, at ane fano wene andi yagaisilik nikhi lagi o.

ROMA 9:1

An nerugwi nagaila'lak ninunggulenu misigat mene weak werek andi nen, nendawinggen weagat welagik, kwanirek welagik, ikhi lagi. Nendawimo nen he, ”Allah nen, an Kristus nemberek hundik welago mene andi kobokhogo heraknobagaluk, it inobali'mo homan nobagailebe, anggikhi lagi andiba, it woginabile,” iluk Kristus nemberek hundik logolik igi andi re, eberogoat igi. Nera nen igi lego. Allah Areagun nendawimo logolik, ”Wene andi re, eberogoat,” iluk yaganetik, nonggwarek nendawimo nen ogo re, ”Eberogoat igi,” iluk anggigik, igirek.

1 KORINTUS 9:1

An nale'ma welagirek lek nogo? At Allah nen nayonggo fuluk laknobagai wagaikhe lek nogo? Ninoe Enupogot Yesus ebe an neilenggen higi'lek nogo? Ninoe Enupogot nemberek hundik logolik hilingiti mene, hinebe welagep andi lek nogo?

2 KORINTUS 11:31

An wene igi andi re, nera nen igi lego. At ninoe Enupogot Yesus eisena Allah enu hombuk palogo fogeratu mondok logogun mene a'nogo elu.

GALATIA 1:16

Wena'nafikhesik he, fano wene amlogo Yesus hilingitikhe wene a'nogo afuni endakwe mene yagaisilik nikhi logouwageluk amlogo ebe nelokhoma menlagaikhemo re, wene afuni ekhe inoba heinok wanhi'legaro.

GALATIA 1:20

Wene an nen lisu palogo hinoba lakfei wagi andi re, Allah eilhanemat eberogoat igi o. Nera nen igi lek.

GALATIA 2:16

Mene re, afuni wene Allah nen komotninafikhe wene a'nogo higithogo hilingitunem he, Allah nen wene inoba mene korogo wokhilik inom hobuk inambotkwe hunogo fisikherek lek. We, inendawinggen Yesus Kristus oba himbiret fugunem enek, hunogo fisikherek iluk hineluaro. Wene andi faget, Allah aneba lisu mel iluk palek werek: ”Afuni ekhe nen higithogo hilingitunem, wene inoba mene korogo wokhilik, inom hobuk inambotkwe hunogo fisikherek lek,” iluk lisu palogo fesukwa andi nen, niren wene Allah nen komotninafikhe wene a'nogo higithogo hilingitunem fuk. We, ninendawinggen Kristus oba himbiret fugunem wene ninoba mene korogo wokhaluk, at ninom ninambotkwe hunogo ninobagauwageluk ninendawinggen Kristus Yesus oba himbiret fesugu andi.

GALATIA 2:9

A'nogo futninobagasukwasik he, it Yakobus inom, Petrus inom, Yohanes inom, Allah againafuri nen he, ”Nit ninogogwi it werek,” iluk agarek mene nen he, ”Hiren he, wene afuni endakwe mene yagaisilik lano. Nen, niren he, afuni inagap inenggalimo mene palek mene faget yagaisilik logoin. Ninom hundigat hilingiti logouwok,” iluk he, Barnabas nemberek ninenggi fak-fak hai wa'ninafukwa.

GALATIA 3:9

Abraham endawinggen Allah oba himbiret fesikhemo, aren fanot fesikhe hak, it afuni ekhe inendawinggen Allah oba himbiret fagarek mene halok inom higithogoat fanorinaferegaro.

2 TIMOTIUS 1:11

A'nogo isikhesik, an fano wene andiat yagaisigik, komorinafik, ilik nikhi logouwageluk nayonggo fesikhesik laknobagai wagaikhemo nikhi lagi andi.

2 PETRUS 2:5

Andi higirat, afuni attagat welagaukwa andem oba logolik, Allah inabit mene nen inobabut weak hilingiti lagaukwama Allah nen herakfisigi'lek. We, i nabunghabung ikhi logolik inoasuageluk inoba pelakfei wagaikhemo inoati logolik, Nuh, afuni inobabut Allah endawimo amolo mene hilingiti logouwageluk wene yagaisikhi lagaikhe mene inom, inebe 7 nen ekhe inom, telinafikhe andi.