1 TIMOTIUS 2:3 - Allah Wene Fano Wene Hupla Inane

^3-4 At Allah telninaferek mene a'nogo endawimo anggikhi logolik he, ”Yi afuni ti afuni mondogat telinafik, ebe wene furogo inelu asuageluk yagaisigik, agarek mene,” At endawimo amolo anggikherek andi nen he, hit a'nogo ikhi logogun halok he, fano.

1 TIMOTIUS 2:3 ပူးပေါင်းရင်းမြစ်များ

YESAYA 45:21

Wene hit hinoba mene hinendawimo werek mene andoma weinama selekhogo nek fagesi we'ni o, hiren hinane seberogo masugun andi fano. Sa nen wene andi sagarik lagarek nogo, nen endamen engge yagaisikherek nogo? An Tuhan nen he, lek nogo a? ilah amu mene An ninom higit mene re ekhe werek lek. An he Allah katokhogo hilingitik, hinagap telhik, igirek mene welagi. An ninom higit mene re ekhe werek lek!

LUKAS 1:47

Allah an telnafe mene a'nogo nen yi'nogo hilingnafemo nendawimo nagaiyek hokhorogo hikhi lagi o.

ROMA 14:18

Hit Kristus amingmingengge logolik, wene andi faget fano hilingiti logoumo, Allah endawimo fano agik, afuni ekhe inendawimo nen he: ”At andi fano,” iluk inendawimo anggigik, ugun aro.

FILIPI 1:11

Yi mene ti mene awi yatunem ero hokho a'luk enggen iterek hak, at Yesus Kristus nen hilinghinafi logogin oba, hinobabut higithogo hilingitu mondok ekhe inomat hilingiti logogun halok, at ebe wagunem he, afuni ekhe nen Allah hai watik fogeratik, uguno.

FILIPI 4:18

Yogondak he, hit lebetneegepma, heligirik, an mondogat namolo anggikhi lagi mene higit agasik fena tindu ikhe aro. Ap Epafroditus oba fegepma wo'nesi wagama nen, nenggi werek aga. Hiren an lebetneegep andi re, wam Allah faget warogo endu noleti logolik amben fano mene liak etunem, at endawimo fano agarek hak, a'nogo lebetneegepma, at Allah endawimo fano aga o.

KOLOSE 1:10

A'nogo hinelu asimbik he, ninoe Enupogot endawimo fanorogo, at amolo anggikherek mene higithogo hilingiti logogunat. Yi mene ti mene awi yatunem ero hokho a'luk enggen iterek hak, hit Allah obabut ekhe inomat hinelu aga logolik, yi mene ti mene fano mene hilingiti logogun andi.

1 TESALONIKA 4:1

Nerugwi nagaila'lak. Wene wurep oba ekhe yi yagahisak. Nit ninoe Enupogot Yesus nen: ”Hinobabut Allah endawimo fanorogo, yi'nogo hilingiti logoino, ti'nogo hilingiti logoino,” iluk, isikhemo yagahisa wagagu a'nogo hinelu. A'nogo yagahisasugumo, hiren a'nogo hilingiti lagep meneat he, hobuk ekhe inomat hokhorogo hilingiti logobagaigeluk ninoe Enupogot Yesus ninom hundik logolik komorogo yagahisigi andi.

1 TIMOTIUS 1:1

Timotius namlogo e. Hendawinggen Kristus oba himbiret fesigin andi nen, an namlogo eberogoat agaginmo re, wene yi an Paulus nen lisu palogo hoba lakfei wagi andi. At Allah nen telninaferek mene inom, Kristus Yesus nen fanotninabigin iluk ninendawimo anggikhi lago mene a'nogo inom, emberegenat nayonggo fuluk, at Kristus Yesus faget hilingiti logouwageluk laknobagai wagaukwama wagagi andi. Nineisena Allah inom, ninoe Enupogot Kristus Yesus inom, emberek inobabut fano a'nogo nen, fano mene wokhetik, inendawithafik, hendawinggen hambugethafik, ikhi logouwago.

1 TIMOTIUS 4:10

Allah ebe re, yi afuni ti afuni mondogat telinaferek mene welagarek meneat he, esin hangge re, nit ninendawinggen at oba himbiret fikhi lago mene halok telninaferek andi nen, ninendawinggen at eluk mondok welagarek mene oba himbiret fuluk, at faget ninaberali lekhogoat ninomamerogo hilingiti lago.

1 TIMOTIUS 5:4

A'nogo meneat he, it sogwe mene andi ineagwi, inombalo lagen tagoma mene ekhe werek halok he, it andi nenat, ”Nit ninebe ero misigaren tago mene,” iluk, iren hilingisu mene yangguluak. Andi re, at Allah endawimo nen he, ”An nawe a'ma logolik, ineisenalagen kulinafi lagaukwa hak, onggo it tak fanorogo leberisikhi logoguno,” iluk endawimo amolo anggikherek andi nen he, a'nogoat leberisikhi logouwak.

2 TIMOTIUS 1:9

At Allah nen ninebe telninafik, at onggwarek againafuri asuageluk ninayonggo figik, isikhe andi re, niren ekhe hilingituguba ninayonggo fesikhe fuk. Athe, Allah obabut fano nen, attak yi mene ti mene oan elalhi'lek logolik, hobuk Kristus Yesus hilingisigin oba fanotninabigeluk, onggwarek endawimo nen anggaluk ninayonggo fesikhe andi.

IBRANI 13:16

A'nogo hilingiti logolik, afuni ekhe fano hilinginafik, leberisigik, ikhi logouwok. A'nogo hilingiti logogun andi re, Allah endawimo fanorogo anggo waretarek andi hak hilingiti logogunmo re, oba ninonggot asugun mondok lego.

1 PETRUS 2:20

Meneat he, hiren weak hilingisugun oba, onggo yei hinoatu kwelek hinafe morogo logogun halok, fogethinabugun nogo? Lego. Hinobaburenat uguno. Meneat he fano hilingitunem, yi enggin ti enggin hilinghinafu kwelegat hinafe morogo logogun halok he, Allah obabut fano nen fanothinabigin aro.

1 PETRUS 2:5

A'nogo fesikhemo, hit hinebe helep eluk welagarek andi mene hangge logolik, at oba we'nio. At oba wagunem, Allah nen he, at onggwarek awi wurogo hinobagauwak. At awi wuri'mo, hinebe Allah eiseweregat Yesus Kristus hinom hundik logolik, Allah endawimo fanorogo anggo wareti logou hak, hinendawinggen wogeti logoino o.