1 TIMOTIUS 2:11 - Allah Wene Fano Wene Hupla Inane

¹¹ It inane legat logolik, wene yagaisugunem, inesanggo hologoat logouwak.

1 TIMOTIUS 2:11 ပူးပေါင်းရင်းမြစ်များ

KEJADIAN 3:16

A'nogo yagatikhesik, at he a'nogo mel yagatikhe: ”Omalik ha'ma asimbik mondok enggin-fengginhogo hilingiti logombik, omalik ebe takhikhi logolik he, heinet mondok hokho warogo nen takhikhi logoin o. A'nogo meneat he, hagun awe a'ma logolik, ebe hemberek nogo u hak hilinglaga logogin o,” iluk yagatikhe.

ESTER 1:20

Nen wene haren tegesigin mene andi, o kweangma esanggo-esanggo a'lima ogo wene andi higithogo nek hilingiti logogunmo re it afuni inenu lombogen he it inenggi werek mene nen ogo, lek mene nen ogo, re it inaguni inalong anggaluk sebe uluk logogun,” iluk yagaisasikhe.

1 KORINTUS 11:3

A'nogo meneat he, wene misigat ekhe yi hinelu a'lep anggikhi lagi. Nit ap ninebe lombok, ninoe Enupogot Kristus mendek were'ma awe a'ma logogun. Nen, hemi inebe lombok he, inaguni kain mendek were'ma inawe a'ma logogun. At Kristus andi re, eisena kain Allah mendek were'ma awe a'ma welagarego.

KOLOSE 3:18

Hit hemi nerugwi. Ninoe Enupogot hinom hundik logolik hinobabut hilingisu higithogoat, hinaguni inawe a'ma logolik inane hologo hilingiti logoino o.

1 TIMOTIUS 2:10

Inalilingge wanu hak he, inobabut Allah a'logomi logolik hilingisu hagat, it ekhe fanorogo leberisikhi logouwak.

1 PETRUS 3:1

Andi hak, hit hemi ekhe hinaguni Allah ane wanhi'lek mene hinane yagaisogoin oba fuk. We, hinobabut hineil lomborogo hinaguni inane hologo hilingitunem, iren ineilenggen hisaluk, Allah werekwe we'luk ane wanuageluk, hinonggwarek hinaguni lombok inawe a'ma kuluk inane hologo hilingiti logoino o.