1 TIMOTIUS 2:1 - Allah Wene Fano Wene Hupla Inane

^1-2 An nen wene ekhe esin mene yi Allah againafuri komorinabinogeluk yagahesik. Nit afuni ninom fano liokhogo logolik he, Allah fogeratik, afuni faget higithogo hilingitik, ikhi logouwogen he, afuni mondogat faget inom, kaindek inenupogot faget inom, it ekhe inenuwerek logolik fetninarek welagaikharek mene andi inebe mondogat faget inom, samban ikhi logolik he, Allah ayonggo figik, kino yagatik, hai watik, ikhi logouwageluk komorinafi logoino o.

1 TIMOTIUS 2:1 ပူးပေါင်းရင်းမြစ်များ

EZRA 6:10

Iren ineisena Allah pogoroba mene a'nogo endawimo fanorogo warogo wogotik, an nobaget inom, an nagainafuri inobaget inom fanoabet ninobagauwageluk ayonggo figik, ikhi logouwagaluk an nen yagahisigi mene yi higithogo wogisikhi logoino.

MAZMUR 72:19

At enu esin mondok welagarek andi nen he, fogeratu mondok logouwok. Nen o yi awi ti awi mondogat he At ombakbagen enek sagorek logouwak. Eberogo nen a'nogoat aga logouwak Amin, iluk igi andi.

YEREMIA 29:7

Hiren yabu hilingiti logolik he o An nen hukhinabi lagagiba andoma fano logobagaigeluk hilingiti logoino. O kota-kota andoma inawene faget An noba samban ikhi logoino, andi re kota-kota andoma sik pik igin halok he hirogo hinebe sik pikhogo wialasugun o.

KISAH PARA RASUL 17:30

It attak Allah ebe inonggot logolik, inobabut weak hilingitu kwelegat he, aren afe morogo herakfisikhi lagaikhe. A'nogo meneat he, yogondak ya, aren he, yi afuni ti afuni mondogat yi sambul inanema waganogo wene inoba figik, kotik, higithogoat uageluk ap ekhe wenagaisogo fuluk ayonggo fikhemo werek andi nen, he nit afuni weak hilingiti lago mene herakfisaluk ninobabut hebelasuageluk yaganisili'logo andi. Halok, niren he, wene a'nogo hilingisigin andi eberogoat iluk, nit mondogat futfouwageluk, ap andi ebe wa'lagaikhesi'mo nen, eisena nen ambotkwe eluget fesikhemo werego,” iluk yagaisasikhe.

ROMA 1:8

Nerugwi, nagaila'lak. Wene ebe yagahisagen he, ekhe yi tak yagahisak. Afuni o yi awi ti awi a'lima nen, hit mondogat hinabok fano ikhi logolik he: ”It afuni Roma mene inendawinggen Yesus oba himbiret fuluk welagaikharego,” iluk agarek andi nen, Yesus Kristus yaga'luk enek, ”Neisena Allah,” iluk hai wati lagi.

ROMA 6:17

Hit attak he, weak hilingitarek andi awe a'ma kuluk were'ma, hobuk, wene yagahisugunem, wene andi hinendawinggen oba wanhigip andi nen he, Allah hai wasuogo.

1 KORINTUS 15:3

Wene an attak wanhigi mene, hit hobuk yagahisasigi andi re, ebe mel anggigi. Nit weak hilingiti lagagu mene faget, at Kristus ninenggi elugun oba wasugun iluk lisu palogo fesukwa higithogoat ebe watukwa andi.

2 KORINTUS 8:6

Wo'nisagama re, at Titus hit hinom logolik, hiren Allah againafuri ekhe hinendawi nen leberisouwogeluk isigip mene andi faget yagahisikhi laga hak arat andogosuageluk endawimo kagalho o.

EFESUS 3:13

Andi nen he, an yogondak ya hit faget weagetnabi'lagwi andi nen hinendawimo puk agi'lek logogun halok, fogethinabugun andi nen, komothinafi lagi o.

EFESUS 5:20

Hundik-handigat yi mene ti mene mondogat faget he, Tuhan Yesus Kristus enu hombuk palogo re, nineisena Allah hai wati logoino o.

EFESUS 6:18

A'nogo mondogat hilingiti logolik he, Allah nen lebethisoageluk samban ikhi logoino. At Areagun hinendawimo logolik hinendawimo kagaligin hagat, hundik-handik samban oba Allah ayonggo figik, kino yagatik, ugu mondogat logoino. A'nogo ikhi logolik he, hinendawimo puk agi'lek, hinobabut hebelek mondok logoino. A'nogo logolik he, Allah againafuri mondogat faget samban Allah ayonggo fikhi logoino aro.

FILIPI 1:3

An he, hundik-handigat hit hinoba mondok eberek logolik, neisena Allah at hai wati lagi.

FILIPI 4:6

Yi mene ti mene faget menenei uan horok ebeti'lek, mondogat faget Allah ayonggo fikhi logolik hai warogo kino yagati logoino.

1 TESALONIKA 3:12

Niren hit hinebe ninendawirogo welago hak, hiren a'nogoat hit-hit hinendawirogo hilingitik, afuni mondogat hinendawirinafik, hokhorogoat hinendawirinafi logobagaigen, ninoe Enupogoren hinobabut inendawirinafarek andi mene oba loukhogo ekhe inomat wokhisikhi logouwak.

2 TESALONIKA 1:3

Nerugwi nagaila'lak. Hit hinendawinggen Kristus oba himbirik welagep mene andi, ekhe inom hokhorogo himbiret figik, hit-hit hinebe lombok nendawi-hendawirogo hilingiti lagep mene andi, ekhe inom hokhorogoat hinendawirinafik, ikhi lagep andi nen, niren hit faget Allah fogerati lago meneat fogeratu mondok welago.

1 TIMOTIUS 5:5

Mene re, hemi sogwe eberogoat afuni ero it mene le'ma inalegat logolik he, ”Allah nenat lebe'nisagain,” iluk, inendawinggen at oba himbiret fuluk, linggene hubanggo ayonggo figik, kino yagatik, ugu mondok welagaikharek.

2 TIMOTIUS 2:24

At sa nen ninoe Enupogot faget hilingiti logolik, a'nogo hilingisugun lek. We, afuni mondogat obabut liokhogo inom logogun o. Afe morogo logolik, afuni wene fanorogo yagaisikhi logogin.

TITUS 2:11

It mondogaren a'nogo hilingiti logogun andi re, Allah obabut fano nen yi afuni ti afuni mondogat telinabigeluk ili'logo mene andi obabut enegat weinamet fesikhemo werek andi nen aro.

TITUS 3:2

It Allah againafuri andi nen he, afuni ekhe inabok weak palhi'legat, inane puk weak wenagisigi'legat, it ekhe nen inobabut enegat futfisoageluk afuni mondogat faget inobabut enago liokhogoat hilingiti logouwageluk komorinafi logoinoaro.

IBRANI 6:11

Nerugwi nagaila'lak. Nit ninendawimo ninamolo re, hit hinendawimo nen he, ”Allah nen nit fanotninabigin,” iluk hinendawimo hinagaiyek anggikhi lagep mene andiat anggikhi logombik, huli wurep oba eise asubagaigen he, hilingiti lagep andi hagat hinebe lombok hinomamerogo hilingitu mondok logogun ninamolo anggikhi lago o.

YAKOBUS 5:16

A'nogo hilingisigin andi nen, hit ekhe hinoba ou mene se asubagaigen he, weak hilingitep mene hit-hit fageti logolik samban ikhi logoino o. It afuni Allah endawimo amolo anggikherek mene higithogo hilingitarek mene nen samban eberogoat ninghogo ugun andi, omame hokho were'ma re, Allah nen hilinghinabigin werego.