1 TIMOTIUS 1:8 - Allah Wene Fano Wene Hupla Inane

⁸ Wene Allah nen komotninafikhe wene andi, niren futfuluk, hilingisu higithogo hilingiti logogun halok, fano o, iluk, ninelu.

1 TIMOTIUS 1:8 ပူးပေါင်းရင်းမြစ်များ

NEHEMIA 9:13

Hat hebe pogoroba nen tom Sinai ba pi wagagindik, hat honggwarek hagainafuri hane yagaisasigin andi. Yagaisikhi logolik, yi'nogo hilingiti logoino, ti'nogo hilingiti logoino, iluk higithogo komorinafik, hane eberogo mene yagaisigik, isigin mene andi re, oba tipsek logolik hilingiti logogun mene isigin andi.

ROMA 12:2

Afuni yoma hilingiri'lagwi mene andi inobabut wanhubo. Hinobabut ket hunogoat hilinglasuageluk, at Allah nenat hinendawimo ket mene hilinghinafi logouwago. A'nogo hilinghinafi logoumo re, at endawimo nen: ”Yi'nogo hilingisuak, ti'nogo hilingisuak,” iluk anggikherek andi ebe hinelu asigin o. Fano mene ebe andi aro. At Allah endawimo fanorogo hilingitik, inendawinggen wurik agik, ikherek he, andi nen aro.

ROMA 7:16

An nendawimo nen namolo anggigirek mene lek. We, nabit anggigirek mene hilingiti lagi andi re, ”Wene Allah nen komotninafikhe wene andiat fano,” iluk u hagat hilingiti lagi o.

ROMA 7:18

Higithogo hilingisigeluk namolo anggigirek meneat he, ebe an nen hilingisigin he, elo'lego. Andi re, an nobabut he, fano mene ekhe hilingitirek fuk. We, nobabut afuni inobabut mene netogat logolik hilingiti lagi, iluk nelu o.

ROMA 7:22

An nendawimo nen he, ”Wene Allah nen komotninafikhe wene andi fano,” iluk anggigirek meneat he,

GALATIA 3:21

Halok he, wene Allah nen Abraham, ”Wokhesigin,” iluk, abok yagatikhesigen, hobuk komotninafikhe mene andi re, afuni ekhe inom limamit palharek hak hilinglasigin ugun nogo? Mondok lego. Wene komotninafikhe wene a'nogoba ninelugetninabigeluk wo'niselepma re, wene andibaat wene ninoba mene korogo wokhaluk, Allah ninom hobuk ninambotkwe hunogo ninobagailep andi.

2 TIMOTIUS 2:5

Nen ekhe re, sa awewerek-sa awewerek laga logolik, ap inayonggo fikherek mene nen, ”Yi'nogo hilingisugun,” iluk ikherek mene ane hologo lagi'lek halok, ”Awewerek aga mene, ap yiat,” iluk, onggo kware-kware ha'mene andi ikfisogoin elo'lego. We, ane hologo lagu halogat ikfisogoin o.