1 TIMOTIUS 1:5 - Allah Wene Fano Wene Hupla Inane

⁵ Inendawinggen Allah nen horinafunem he, inonggwarek inendawimo nen he, ”An wene noba lek, nendawinggen selek welagi,” iluk anggikhi logolik, inendawinggen eberogoat Allah oba himbiret fuluk welagaikharek andi nen, afuni inendawirogo welagaikharego. Halok he, it a'nogoat logouwageluk komorinafi logoino, iluk yagahetigi andi.

1 TIMOTIUS 1:5 ပူးပေါင်းရင်းမြစ်များ

MAZMUR 24:4

It inobabut hilingitarek oba inom, inendawinggen wenggelharek oba inom kwanirek mene hilingiti'legengge werek halok inom, it inaneba hesangge hombuk palogo agarek lek halok inom, it tugwi kembu fogeratarek lek mene halok inom enek he elok kugun.

MAZMUR 51:10

Haren nendawimo weak hilingisogo fegen mene andi, hobuk fanotnafunem nendawimo nagaiyek asimbik, fano wene andi nesanggo holigen he Harenat yagane'no o.

YEREMIA 4:14

Yerusalem, hat hagap telhabuakhogore hendawimo weak welagen mene ari horogo wulakfisan o. Ki huli nen hat hendawimo wene weak mene wenggelhu welagen mene andi fisogo logogin nogo?

ZEFANYA 3:7

A'nogo hilingi'mo re An nen ebethikhi logolik, ”Yogondak he, An nagainafuri nen An nebe esinet nobagaluk legeisogo nobagakhi logolik An nen wenagisikhi lagi mene omanogo eberogo nen fut fili'lagwi,” iluk anggikhi lagi. Enggere, An nen it inelu asuageluk yagaisikhi lagi mene omanogo eberek werek logou hak. Oba nen he, iren attak weak hilingiti lagaukwa mene re endep hak meneba nen, weak ekhe inom inomamerogo hilingirik lagunem isikhi lagi.

MATIUS 12:35

Afuni inobabut fano mene re, inendawimo fano mene peterek logolik, kagalogo lagai wagunem he, wene fano meneat wulabi wagaikharego. Mene re, afuni inobabut weak mene, inendawimo weak mene peterek logolik, kagalogo lagai wagunem he, wene weak meneat wulabi wagaikharego.

MATIUS 5:8

Nen, afuni inendawinggen fano tegelek welagaikharek mene andi, hobuk Allah ebe ineilenggen hogoin andi nen he, inendawimo inagaiyek hikhi logouwak.

KISAH PARA RASUL 15:9

It hunogoat hilinginafik, nit hunogoat hilingninafik, igi'lego. We, iren Yesus ane eberogoat iluk wanhukwama re, aren inendawimo horinafikhe andi.

KISAH PARA RASUL 23:1

A'nogo menfesikhemo, at Paulus it ap Yahudi Allah faget wene ero pilingiti lagaukwa mene inebe andogetukwa omanogo, eilenggen lurogo inoba yerisikhi logolik he, ”Nogogwi nagoromi. An Allah eilhanem, attagaren huli yogondak huli hilingiti lagi andi re, weak hilingiti lagi, iluk nendawimo menenei ebeti lagi lek. We, wene nendawimo selek, fano hilingiti lagi, iluk anggikhi lagi,” iluk yagaisasikhesik he, ekhe igin ha'ma re,

KISAH PARA RASUL 24:16

A'nogo logolik, nendawimo nen he, weak ekhe hilingiti, iluk nendawimo engginhogo welagi hanogoluk he, Allah elokhoma inom, afuni inelokhoma inom horek logoigeluk nomamerogo hilingiti lagi o.

ROMA 10:4

At Kristus ebe kweangma pi wagaikhe andiba, wene Allah nen komotninafikhe wene a'nogo ebe agaikhe. Afuni inendawinggen at Kristus oba himbiret fagarek mene halok inebe lombok, wene inoba mene korogo wokhasikhesik, hobuk inambotkwe Allah inom hunogo fisikherek.

ROMA 12:9

Hit hinendawinggen oba nenat afuni ekhe hinendawirogo logoino o. Weak mene hinabit mondok logolik he, fano mene hinenggi ninghogo fisogo logoino o.

ROMA 14:15

Nen, hat nenggendek mene andi nen hagailak endawimo weak aga halok he, ebe hendawirogo hilingiti lagen lego. Hagailak andi faget Kristus wa'lagaikhemo re, hat nagain andiba at ebe weagetfugun o.

ROMA 9:1

An nerugwi nagaila'lak ninunggulenu misigat mene weak werek andi nen, nendawinggen weagat welagik, kwanirek welagik, ikhi lagi. Nendawimo nen he, ”Allah nen, an Kristus nemberek hundik welago mene andi kobokhogo heraknobagaluk, it inobali'mo homan nobagailebe, anggikhi lagi andiba, it woginabile,” iluk Kristus nemberek hundik logolik igi andi re, eberogoat igi. Nera nen igi lego. Allah Areagun nendawimo logolik, ”Wene andi re, eberogoat,” iluk yaganetik, nonggwarek nendawimo nen ogo re, ”Eberogoat igi,” iluk anggigik, igirek.

1 KORINTUS 13:1

An nen afuni inunggulenu lombok ekhe inaneba igik, malaikat Allah nen yonggo pelakfisa wagarek mene omanogo inaneba igik, ikhi logolik meneat he, afuni inebe nendawirogo logogin lek halok he, an we, iwak hokho mene endep mene i elonggoma hinago le'ma ane pak igik, tololang igik, ikherek hak ikhi logogun o.

2 KORINTUS 1:12

Nit fogerakhikhi lago andi ebe yi'nogo nen. Nit it afuni kweangma mene ekhe inanggelekwe logolik, it faget hilingiti lago re endebat hak. Mene re, hit faget enek he, esin mene hilingiti lago. Andi re, afuni kweangma mene inendawimo kagalek mene hilingitarek hak hilingiti'lek. We, at Allah obabut fano a'nogo nen, ninendawinggen fano misigat logolik hilingiti logouwageluk ninobabut wo'nisasikhemo hilingitorek mene andi ninendawimo ebeti logolik, ”Nit fano hilingiti lagoma,” iluk fogerakhikhi lago andi.

GALATIA 5:22

Nen, e enggen iterek hak, Allah Areagun afuni inendawimo logolik inobabut hilingitarek he, ebe yi. Afuni ekhe inebe inendawinggen hundik welagik, inendawimo inagaiyek anggigik, afuni ekhe inom lioksek welagik, inafe morogo welagik, inobabut enago welagik, inobabut fano welagik, inobabut lombokhogo welagik,

GALATIA 5:6

Andi nen he, nit Kristus Yesus ninom hundik logolik, ninagap ninenggalimo mene palek mene inom, it ekhe palek lek mene inom, ninom higit welago. Halok, andi faget penesugun lek. We, esin he, ninendawinggen Kristus oba himbirik logolik, afuni ekhe ninendawirinaforek andiba enegat ari'logo.

ULANGAN 10:12

A'nogo yagaisasikhesik ekhe mel yagaisasikhe: ”Hit afuni Israel mene nerugwi nagaila'lak. Yogondak nineisena Tuhan nen he, Hiren yi'nogo hilingiti logoino, iluk yagahisili'logo mene andiat hilingiti logoino o. Nineisena Tuhan Allah agaugweratik, Aren, Yi'nogo hilingi'no, ti'nogo hilingi'no, iluk komotninabi'logo wene andi mondok higithogoat hiligitik ikhi logolik, hinebe hinendawinggen hinobabut misigat a'luk, nineisena Tuhan hinendawinggen mondok hundik logolik At faget hilingiti logoino o.

1 TIMOTIUS 1:18

Timotius namlogo e. An wene yi komorogo yagahesik. It ekhe nen wene attagat hat honggwarek faget ikhi logolik he, ”At yi'nogo hilingiti logogin,” iluk, isukwa hak, fano wene yi faget, weim inomamerogo yafarek hak, homamerogo yagaisikhi logoino o.

1 TIMOTIUS 1:19

It ekhe nen, ”Wene andi eberogoat,” iluk wanharesik, inendawimo selekhogo logou meneat he, hobuk weak hilingiri'lagwi andi nen, e so ima wula'lakhogo pikherek hak, hela paga andi. Hat andi hangge hilingiti'lek, hendawimo nen, ”An weak ekhe hilingiti'lek, nendawinggen selek welagi,” iluk hendawinggen Allah oba himbiret fuluk homamerogo hilingiti logoino.

1 TIMOTIUS 3:9

Ekhe re, wene Allah endawimo hinagoat welagaikhesigen weinamet fesikhe wene a'nogo, inendawinggenma fesukwasik, ”An wene noba lek nendawinggen selek welagi,” iluk wene andi ninghogo fisogo welagaikharek mene halok menfisogoin o.

2 TIMOTIUS 1:3

An nombalak Allah awe a'ma logolik, inonggwarek inendawinggen misigat fano logolik, at faget hilingitik, fogeratik, ikhi lagaukwa hak, an a'nogoat hilingiti logolik, hat hoba mondok eberegat, hat faget linggene hubanggo samban ugu mondogat logolik, Allah hai wati lagi o.

2 TIMOTIUS 1:5

Logolik, hendawinggen Allahba eberogoat himbirik welagen iluk nendawimo eberegat welagi. Attak hombalo Lois inom, hagaisa Eunike inom, inendawinggen Allah oba himbirik welagaukwa hak, hat hendawinggen a'nogoat welagen iluk futhobagakhi lagi aro.

2 TIMOTIUS 2:22

Andi nen he, hat he, it ap alage mene nen inoba aigage lagaluk weak hilingiri'lagwi mene andi herakfisaluk, heise laga logoino. It afuni ekhe inendawinggen fano misigat logolik, ninoe Enupogot ayonggo fili'lagwi mene andi hinom lambulogo logoino. Hinomat he, higithogo hilingitik, Allah oba hundik welagik, afuni inebe hinendawirogo welagik, afuni inom liokhogo welagik, agarek andi meneat murok laga logoino.

TITUS 1:15

Allah nen afuni ekhe inendawimo fanorinafe mene halok, it faget, yi mene ti mene wesa lek. Fano nego. A'nogo meneat he, it ekhe inendawinggen Allah oba himbiret figi'lek logolik, inendawimo anggili'lagwi mene inom, eberi'lagwi mene inom, weagat werek andi nen, yi mene ti mene faget fano lek. Weak enego.

IBRANI 10:22

At ebe andoma were'ma, nit ninendawimo nen he, ”Nit weak hilingito,” iluk ninendawimo menenei ebetorek mene fano hotninafik, ninagap ebene i elokhonggen fano meneba sobalninafik, isikhe andi nen he, ninendawinggen misigat at oba himbiret fuluk ninailo lekhogo, at oba horokhogo kwikhi logouwogo.

IBRANI 13:18

Niren yi wene ti wene fanorogo nek hilingiti logouwogeluk anggikhi logolik ninendawimo nen he, ”Nit wene ninoba lek. Ninendawimo selek,” iluk anggikhi lago andi nen he, nit faget samban ikhi logoino o.

IBRANI 9:14

It inagap endakwe mene faget wam amep elo'lek meneba elok fano horinafi lagaukwa. Halok, nit Kristus amep esin meneba, ”Wene hinoba lek,” iluk ninendawimo selekhogo elok mondok ninobagaikherego. Nit Allah eluk welagarek mene endawimo fanorogo hilingiti logouwageluk, wam esi fano mene Allah wareti lagaukwa andi hak, at Kristus Allah Areagun etok mondok welagarek mene omameba, wa'laga logolik, ebe Allah wogetikhe andiba, nit attagat lek asigin mene tulemat hilingiti lagagu mene, aren, ”Wene hinoba lek,” iluk, at amep oba ninendawimo selekhogo ninobagaikhemo welago.

YAKOBUS 4:8

Hit Allah oba lomborogo lagep halok he, at ogo re, hinoba lomborogo wesigin aro. Hit weak hilingiti lagep mene andi, hinenggibene horogo hebisikhi logoino o. Hinendawinggen pire aksek mene andi, hinendawinggenma weak mene horogo lakfisikhi logoino o.

1 PETRUS 1:22

Ebe wene andi hinesanggo holhi logolik, hinendawimo nen weak mene horogo lakfisaluk, hinerugwi hinagaila'lak Allah againafuri mene eberogoat hinendawirogo hilingiti lagep andi, hinom hundik mondok logolik nendawi-hendawirogo hilingiti logoino o.

1 PETRUS 3:16

hinane liokhogo hai warogo yagaisikhi logoino. A'nogo yagaisikhi logolik, hinendawimo nen he, ”An wene noba selego,” iluk anggikhi logolik, Kristus hinom hundik logolik, fano hilingitunem, afuni nen hinabok weak palugun mene andi ineilenggen hisaluk inenggali asuguno.

1 PETRUS 3:21

It iba telinafikhe andi walse'ma, nit yogondak ima pogorek andiba telninaferego. Iba telninaferek andi re, ima pelakninafunem ninagap i andiba sobalagarek andiba telninaferek fuk. Athe, ninendawinggen oba nen wene ninoba selek asuageluk Allah ayonggo fugunem, Yesus Kristus wa'lagaikhesik eluk agaikhe andiba telninaferego.

1 PETRUS 4:8

Wene esin hangge re, hit-hit nendawi-hendawirogo hilingiti logolik, ekhe nen ekhe weagetfagain mene sebelogo mondok legetfogoin andi nen, hit-hit hinerugwi hinagaila'lak hinom nendawi-hendawirogo mondok hilingiti logoino o.

2 PETRUS 1:7

Allah endawimo amolo anggikherek higithogo hilingiti logolik, andi mene oba loukhogo re, inerugwi inagaila'lak inendawirogo welagaikharek andi mene, eise a'no. Hinerugwi hinagaila'lak hinendawirogo logolik, andi mene oba loukhogo re, afuni inebe mondogat inendawinggen hundik welagaikharek andi mene, eise a'no.

1 YOHANES 3:10

Allah againafuri inom, Iblis againafuri inom, ninendawi wenggelogo inobabut enegat hilinglari'lagwi re, yi. Ap sa nen obabut higithogo hilingiti'legat, erugwi agaila'lak endawirinafi'legat, hilingiri'logo halok, at andi ebe Allah amlogo lego.

1 YOHANES 3:23

Aren wene komotninafikhe andi, ebe re: ”Hit hinendawinggen an namlogo Yesus Kristus oba himbiret fuluk, aren yagahisikhe andi hagat, hit-hit nendawi-hendawirogo logoino o,” iluk komotninafikhe andi aro.

1 YOHANES 3:3

Nit ninendawimo nen, ”A'nogo hilinglasugun,” iluk, oba eberek welagorek mene ninebe lombogen, at onggwarek ebe tegelek welagarek andi hak, nit a'nogoat tegelikhi logoguno.