Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 TIMOTIUS 1:1 - Allah Wene Fano Wene Hupla Inane

1-2 Timotius namlogo e. Hendawinggen Kristus oba himbiret fesigin andi nen, an namlogo eberogoat agaginmo re, wene yi an Paulus nen lisu palogo hoba lakfei wagi andi. At Allah nen telninaferek mene inom, Kristus Yesus nen fanotninabigin iluk ninendawimo anggikhi lago mene a'nogo inom, emberegenat nayonggo fuluk, at Kristus Yesus faget hilingiti logouwageluk laknobagai wagaukwama wagagi andi. Nineisena Allah inom, ninoe Enupogot Kristus Yesus inom, emberek inobabut fano a'nogo nen, fano mene wokhetik, inendawithafik, hendawinggen hambugethafik, ikhi logouwago.

အခန်းကိုကြည့်ပါ။ ကော်ပီ




1 TIMOTIUS 1:1
38 ပူးပေါင်းရင်းမြစ်များ  

Allah it inebe telinafik, nen o Mesir en wene mondok esin hokho mene hilingitik, isikhe mene omanogo inonggot agaukwa.


Eberogo nen Allah andi re an nagap telnaferek mene werek, andi nen he an nen At oba' nendawinggen eberogo himbiret welagi. Aren an nendawinggen hambuget nobagagunem he, an nailo legengge welagi. An nagap telnaferek mene re Allah andiat, At obaget an nen wuni wati logogin.”


Hineisena Tuhan he An nami-namuat welagi o, An nebe lek logoumo nen he, ap ekhe mene nen hinagap telhinabugun mondok elo'lego.


Ibi-eberogo nen he Allah hebe hinagoma logolik, afuni Israel mene nineisena Allah harenat telinafendek


Wene hit hinoba mene hinendawimo werek mene andoma weinama selekhogo nek fagesi we'ni o, hiren hinane seberogo masugun andi fano. Sa nen wene andi sagarik lagarek nogo, nen endamen engge yagaisikherek nogo? An Tuhan nen he, lek nogo a? ilah amu mene An ninom higit mene re ekhe werek lek. An he Allah katokhogo hilingitik, hinagap telhik, igirek mene welagi. An ninom higit mene re ekhe werek lek!


An nen it hit hinaselei mene andoma inoba mep en inafekwe lugu-lugwirogo hilingfisamo re it-it wat-wat logoin o. A'nogo hilingisugun andiba re yi afuni ti afuni mondogaren, An hineisena Tuhan logolik, telhinafirek mene, Allah Yakub agap telhigi mene, nomame mondok hokho mene a'nogo hinelu asugun o.” iluk ikhe.


Hat hebe re, afuni inunggulenu mene nen inom, it raja-raja mene nen inom, hemi nen ineagwi halinafarek hak, halhafi logogun. Andiba re, haren An heisena Tuhan, hebe telhafirek mene, Israel mene ineisena Allah nomame hokho mene andi re, hat telogo hobagaikherek mene o, iluk helu asigin o.


A'nogo iginmo re, At nineisena Tuhan nen he mel ikhe: ”It andi eberogoat he An nagainafuri o. It andi re An nagainafuri nendawimo weagasuageluk hilingiri'agwi lek mene,” iluk ikhe. Andiba re At he it inagap telhu mene agaikhe andi,


Tuhan nen ikhi logolik: ”Hit hinebe o Mesir en wokhinarek wulibi wagagi mene hineisena Tuhan Allah re, An aro. Allah amu mene ekhe werek lek, An nami-namu nenat hit hinagap telogo hinobagasigi o.


Allah an telnafe mene a'nogo nen yi'nogo hilingnafemo nendawimo nagaiyek hokhorogo hikhi lagi o.


Yogondak telhinabigin mene kain Enupogot Kristus a'nogo, o ap Daud awi sili welagaikheba a'nogo ta'lagasik werego.


A'nogo yagatikhe meneat he, at Tuhan nen he, ”Lan o. Aren he, afuni endakwe mene inom, inogogwi kaindek mene inom, afuni Israel mene inom, an nenu yagaisilik nikhi logouwageluk, an nen ap andi ebe heragaisogo ayonggo figimo o.


Hit Allah againafuri o Roma welagep mene nerugwi nagaila'lak. At Allah hinebe endawi mene mondogat an Paulus Kristus Yesus amingmingengge mene a'nogo nen wene lisu palogo hinoba lakfei wagi andi o. An nen fano wene a'nogo afuni yagaisilik nikhi logouwageluk, Allah nen wenagaisogo mennobagaikhesik laknobagai wagaikhe o.


Hit Allah againafuri o Korintus andogoti lagep mene, nerugwi nagaila'lak. An Paulus Allah endawimo anggasikheba, Kristus Yesus nen nayonggo fesikhesik laknobagai wagaikhe mene a'nogo, ninagailak Sostenes nemberegen, wene yi lisu palogo hinoba lakfei wago andi. Hit o Korintus mene Allah nen hinayonggo fesikhemo ninoe Kristus Yesus hinom hundik were'ma, Allah nen, ”It yi an nagainafuri o,” iluk hinebe at onggwarek faget tegelogo fakhasikhemo welagep. A'nogo logolik, afuni o yi awi ti awi andoma nen, it inom, nit inom, ninoe Enupogot Yesus Kristus enu hombuk pali'lagwi mene hinom mondogat wene yi lisu palogo hinoba lakfei wago andi o.


An a'nogo yagaisilik nikhi lagi andi, an nendawimo nen kagalogo yagaisilik nikhi logoilema re, nenggi onggo wonetunem, helikhi logoile o. Mene re, an nendawimo nen kagale'lek were'ma, Allah nen nayonggo fuluk eisewerek nobagaikhe andi nen onggo lek yagaisilik nikhi lagi andi.


Nerugwi nagaila'lak. An Paulus Allah endawimo anggasikheba, Yesus Kristus nen nayonggo fesikhesik laknobagai wagaikhe mene a'nogo, ninagailak Timotius a'nogo nemberegen hit Allah againafuri o Korintus andogoti lagep mene inom, o propinsi Akhaya yi awi ti awi andoma welagep mene mondogat inom, wene yi lisu palogo hinoba lakfei wago andi.


Hit Allah againafuri o Galatia andogoti lagep mene nerugwi nagaila'lak. An Paulus nerugwi nagaila'lak Allah againafuri fena o yoma ninom welago mene inebe mondogat ninomen wene yi lisu palogo hinoba lakfei wago andi. An nayonggo fesikhesik laknobagai wagaikhemo wagagi andi re, ero afuni nen fuk. Ap ekhe wene oba warogo fesikhemo laknobagai wagaikhe legaro. We, at Yesus Kristus ebe wa'lagaikhemo eisena Allah nen eluget fesikhe mene a'nogo emberegenat nayonggo fesikhesik laknobagai wagaukwama wagagi andi.


Nerugwi nagaila'lak. An nen fano wene yagaisilik nikhi lagi andi re, afuni inane mene yagaisilik nikhi lagi lek andi, hit hinelu asugun aro.


At Allah endawimo nen he, it afuni endakwe mene mondogat fano mondok hilinginabigin wene andi esin fogerasu meneat anggasikhesigen endawimo hinago welagaikhe mene, at againafuri halok sele'ma fakhogo yagaisageluk isikhe. Wene hinago mene andi ebere, Kristus hit hinendawimo werek halok, hobuk Allah nen fanothinafunem fogethinabugun andi aro.


At ninoe Enupogot Yesus Kristus, nineisena Allah inom inobabut fano a'nogo nen, inendawit ninafukwasik, ninendawinggen abolok lek mondok logouwageluk ago watninobagagik, fano asigin iluk oba eberek logouwageluk ninendawimo kagalhik, agarek.


An attak he, Yesus abok weak palhik, ebe nendawimo nen sebelfuluk Allah againafuri mene yi enggin ti enggin hilinginafik, ikhi lagagi meneat he, ninoe Enupogot Kristus Yesus endawitnafikhesik, ”Haren hobuk an faget hendawinggen lenurogo hilingiti logogin,” iluk, wene yi an noba fuluk nayonggo figik, omame wo'netik, isikhe andi. A'nogo weak hilingiti lagagi andem sambul he, an nendawinggen ninoe Enupogot Kristus Yesus oba himbiret figi'lek logolik, a'nogo hilingisu lek meneat he, nonggoren hilingiti lagagi andi nen, aren nebe endawitnafikhe andi nen, hai wati lagi o.


At Allah telninaferek mene a'nogo endawimo anggikhi logolik he, ”Yi afuni ti afuni mondogat telinafik, ebe wene furogo inelu asuageluk yagaisigik, agarek mene,” At endawimo amolo anggikherek andi nen he, hit a'nogo ikhi logogun halok he, fano.


A'nogo anggikherek andi nen, aren he, ”Haren ebe wene andi afuni endakwe mene nen eberogoat iluk inendawimo anggaluk wanuageluk, yagaisilik nikhi logoino,” iluk, an nayonggo fuluk laknobagai wagaikhemo, yagaisilik nigirek andi. A'nogo igi andi eberogoat igi. Nera nen igi lego.


Allah ebe re, yi afuni ti afuni mondogat telinaferek mene welagarek meneat he, esin hangge re, nit ninendawinggen at oba himbiret fikhi lago mene halok telninaferek andi nen, ninendawinggen at eluk mondok welagarek mene oba himbiret fuluk, at faget ninaberali lekhogoat ninomamerogo hilingiti lago.


Yogondak wene andi weinam asigin higithogoat weinam asuageluk, at Allah telninaferek mene a'nogo nen, ”Haren wene andi afuni yagaisikhi logoino,” iluk, nayonggo fesikhesik, noba fesikhe andiba ebe weinam ari'logo andi.


inagarek mene yogot wanhi logogun lek. We, inobabut enegat futfisoageluk, yi mene ti mene faget humbunhogo higithogo hilingitunem, it afuni ekhe nen Allah telninaferek mene a'nogo abok ikhi logolik, ”At ane yaganisili'lagwi andi fano,” iluk, ikhi logouwageluk, inobabut a'nogo hilingiti logogun.


Nit yogondak he, ninoe Enupogot Yesus Kristus telninafikhe mene a'nogo inom nineisena Allah Ebe Hokho mene a'nogo inom afuni nen fogeratu kwelek, weinamhogo fanotninabi wesigin andi faget, ninendawimo ninagaiyek anggikhi logolik ebe nenangorogo welago.


A'nogo ikhi lagagu meneat he, at Allah nen ninebe telninaferek mene a'nogo obabut fano nen, nit afuni endawitninafikhe mene andi enegat weinam agaikhemo ebe futfesugu andi.


Allah nen Areagun wo'nisasikhe andi ebe re, Yesus Kristus ninebe telninaferek mene a'nogo nenat hokhorogo ninoba pelakfei wagaikhe andi.


Ebe wa'lagaikhemo Allah nen eluget fembik fogerati logouwageluk menfesikhemo, hinendawinggen Allahba eberogoat himbiret fuluk, ”Hobuk aren fanotninabigin,” iluk oba eberek welagep andi.


Ninoe Enupogot Yesus Kristus eisena Allah a'nogoat fogerati logouwok. At Allah ninebe endawi mondogen, Yesus Kristus wa'lagaikhemo nen eluget fesikhe andiba nit ninebe hobuk ninambotkwe ket ta'ninafikhe andi. Ninelugetninafikhemo logolik he, ninendawimo nen, ”Aren, hobuk fanothinabigin, isikhe andi lek asigin lek,” iluk ninendawimo ninagaiyek hikhi lago.


Nerugwi nagaila'lak. An Simon Petrus Yesus Kristus nen, at amingmingengge logouwageluk nayonggo fesikhesik laknobagai wagaikhemo wagagi. Andi re, at ebe Allah at logolik, obabut higithogo nek hilingiterek a'nogo nen, hit ninom higithogoat ninendawinggen aroba himbiret fugunem telninabi'logo mene halok, wene yi lisu palogo hinoba lakfei wagi andi.


Niren he, ”Allah nen amlogo nineilenggen hikhi lagagu mene andi nen, nit afuni kweangma mene telninabuageluk lakfei wagaikhemo,” iluk abok fakhogo yagahisikhi lago.


Nineisena Allah alegaren ninoe Enupogot Yesus Kristus hilingitikhe andiba telninafikhe mene a'nogo eisewerek omame hokho aro, iluk, at fogeratik, esinet figik, ikhi logouwogen, eroba yi mene ti mene walhigi'le'ma Allah alegat welagaikhe andiba nen, yogondak ya nen, hobuk mondok logolik, a'nogo fogeratu mondok logouwok, iluk ”Amin,” igi andi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ