1 TESALONIKA 5:3 - Allah Wene Fano Wene Hupla Inane

³ Afuni nen he: ”Nit fano lioksek welago,” iluk, ugu kwelegat, hemi ineagwi ina'ma mene inonggorat were'ma inebe taginabuogeluk horokse'ma inambot heinet weak watarek hak, a'nogoat it inonggot were'ma ferekhogoat weagerinafunem heise wulibu elo'legat asigin o.

1 TESALONIKA 5:3 ပူးပေါင်းရင်းမြစ်များ

AYUB 15:21

Weak mene ane inesanggolema houwakhogo kwili'lagunem he, fano welago heaba were'ma nen he it ap hinatarek mene omanogo ferekhogo inoba kwi waga logogun o.

AYUB 24:23

We Tuhan nen he at ebe fano logouwageluk herak fisugunem werek, oba nen he, Aren oboget higi'lek kagalek mondok werek.

MAZMUR 35:8

It inoba a'nogo asigin iluk wenggelek le'ma ferekhogoat inebe weagerinabi wesuak. It inonggwaregen yebet fakhili'lagwi mene andoma bene inebe lugut lagik, saluk igik, ikhilik lambik ineiloak lek akhoak.

MAZMUR 48:6

We'luk, iren punu andi ineilenggen kumut haluk he, inobakheindok palagunem inailo nek a'luk inendawinggen nonghong leil warik lagaikharek.

MAZMUR 55:15

O attak he nit hat nemberek ninendawi hundik logolik ninom seberogo hilingiti lagagu, nen ninetokhogo re ninebe seberogo Tuhan Awi wuri'mo wene kabogeti lagaguat.

MAZMUR 69:22

Sumburu wo'neti logolik, inebe inoaterek mene inom noagaluk wo'neri'lagwi. I nele were'ma, i arik mene hinagaisogo noagaluk wo'neri'lagwiat.

AMSAL 29:1

Ap ekhe hundik komotu werek kwelek oba nen ap ane sagalhu mondok werek halok, misik sambul ekhe alperelogo foumo, hobuk obabut hebelasigin mondok lek.

YESAYA 20:6

Andem oba re, afuni i laut esanggokwe werek mene nen ikhi logolik he, ”Raja Asyur meneba nen nit ninalong palek logouwageluk inunggulenu andi mene inoba himbirik welago mene a'nogo hani. Nit he ninagap telninabu elo'lek hilinglaga andi o,” iluk ikhi logogun.

YESAYA 29:5

Oba nen he, it ap pok mene inobaharo weak mene omanogo re kweang age hakhogo, athe sogoien afulfulengge furogo lagarek hakhogo mondok ferekhogo hilinglasigin inonggot se'ma nen legasugun.

YESAYA 30:13

Andiba re hiren weak mondok hilingiti lagep andi. Hit he o leget esiale uanhogo liabe'ma po'lima nen halet erik a'ma fikhit pikherek hakhogo hilingik welagep. Hit he ferekhogo aremnogoat wolelenggenhogo hinoasigin.

YESAYA 47:11

Oba nen he, hat hobuk enggin mene hoba fogoin o, hareise hat ero fisogo welagen mene andi nen ekhe oak loligin lek. Hat hoba enggin-fenggin asi wesumo re, haren onggo lagalu elo'lek asigin. Weaget habigin mene weak-weak wesigin, oanma haren wenggelhegen lek mene ferekhogo hoba asi wesigin.

YESAYA 47:9

Oba nen he, we eil misigam, lingge misik obaat, wene ero pire andem ambineat hilinglasigin, haren hareise aweneba inom, nen wesagun nen hilingitarek awene andomaba inom hilingisigin oba nen ogore, hat hagun inom hagainafuri inom legasugun aro.

YESAYA 56:12

Lugu-lugwi palik inap andoma nen ikhi logolik, ”Nit anggur hokhorogo nambik ninoba homorogo logouwogen we'ni o! Yogondak fano welagoba nen hobit enek he mondok fanorogo logogun o, iluk agarek,” isikhe.

YEREMIA 13:21

Hiren ap hinagaila'lak mene inoba hak hilinginafi lagep mene omanogo nen he hit inomame leget hinobagaluk hit hinebe it inawe a'ma hinobagagunem he ninggi'nogo egep ha? Eberogo nen hit he hemi omalik taginafi logolik ou hagarek andem hakhogo hogoin o.

YEREMIA 14:19

Tuhan nineisena, Haren he it Yehuda mene re eberogo nen obokhogo herakfisegen a? nen afuni o Sion werek menere eberogo nen Haren habiret fisegen a? Nenahalok Haren ou henggi omamerogo ninoba fugunem, nit he fano aga lago lek nogo? Niren hikhi lagoma re we ina'mageba hilingfisagarek mene omanogo nek werek kwelek, ou fano asugun iluk ninendawinggen eberek mondok welago mene andoma re we alomarogo nek hilingik welago.

YEREMIA 22:23

Hit he e laik o Libanon mene oagen laberogo kwelakhinarek were'ma re hinendawinggen yamukhogo welagep, oba nen hobuk hit hinoba ou mene asi wesigin oba re hemi nen inomalik takhouwogeluk inambot heinet watarek hak, hilingisugun o,” iluk ikhe isikhe.

YEREMIA 4:31

An nesanggo holhugunemen he, he mene eak takhageluk heinet watunem hilingiterek hak hilingitunem holhi, he tugum mene nen omalik manggusa malik tasigiluk hilingiterek hak, Yerusalem he set hoporogo le ari'logo. Enggi langhogo heinet wati logolik, ”Eige, an mondogat alomat lasigiluk welagi o, an naselei mene nen noasuogeluk hilingiri'lagwi!” ili'logo.

YEREMIA 6:14

An nagainafuri inoba inoumo werek mene andoma faget it inendawimo nen he inoumo we magengge anggili'lagwi, iren ikhi logolik he, ’Ah legu, mondogat he fano nek welago,’ iluk ili'lagwi. Oba nen eberogo nen he lek oba nen.

YEREMIA 6:24

A'nogo ikhemo, it afuni Yerusalem welagaikharek mene inesanggo holhasik he, inoagelekwe mondok kilukhogo, inailo mondok agama re, hemi omalik taginabuogoluk heinet hokho watarek andi hak, aleik hokhorogo wati lagaikha.

YEREMIA 8:11

An nagainafuri inebene inoumo werek mene omanogo iren he endebengge anggili'lagwi. Iren ikhi logolik he, ”Ah, andi re herakfisani o! At oba yi'nogo ti'nogo lek, mondogat he fano nek welago,” iluk ili'lagwi. Oba nen he a'nogo hilingik lek kwelegat ili'lagwi andi.

YEHEZKIEL 13:10

Hit nabi lalinafi lagep mene yoma sani! Hiren An nagainafuri inoba hinane nen lalinafi logolik, wene legengge fano liokhogo logogun iluk lalogo fisikhi lagep. Oba nen wene ebe a'nogo hilingik lek kwelegat! An nagainafuri nen he kweang tangge werago meneba leget pa'leget selang-belangengge wanha mene andi re, hit waga logolik timeng oba tamulugun o.

HOSEA 13:13

It Israel mene re ineluk logouwageluk iaple logolik oba nen he, it inebe kembu logolik inenggi iaple werek meneba aremnogore higithogo hilingiri'lagwi lek andi. At ebe re omalik fou we horok yogondak ta'lasigiluk ikherek oba nen agaisa alabutmo nen wulibi wagi'lek welagarek andi higit werek.

NAHUM 1:10

Hat Niniwe yi re, hat he engga iringik mene inom, alok-alogengge solu-salarogo hilingik mene inom endumo nolharek andi hak nolhabugun.

MATIUS 23:33

Hit kisu nen tagongge mene hinebe kisuat welagep yoma ri! Afuni Allah nen wene inoba fembik endu ai'mo hokhorogo lakfisugunem hit heise wulibugun nogo? Elo'lego.

YOHANES 16:21

He ekhe eak tasigin horokse'ma heinet weakhogo wasigin oba hokhorogo waterek meneat he, eak a'nogo arat takhikheresik he, neak arat takhigi, iluk endawimo agaiyek hokhorogo hikhi logolik he, heinet weak waterek mene a'nogo onggot agarego.

ULANGAN 29:19

Hit hinanggele'ma andoma nen wene a'nogo hilingisu fuk iluk haferogo yagahisikhe mene andi re at ekhe nen holfoluk at oba ebe ambisangma mondok fano nek aga logogin angga fuk, we at onggwarek a'mage lagagin mene nen hilingirik lagain oba nen ogore. At hilingisigin andiba re ap fano meneet, weak meneet hinebe abirengge lek hilingisogo hinobagagin o.

2 TESALONIKA 1:9

It a'nogo wene inoba fuluk he, ninoe Enupogot omame hokho mene andi nen fogeratu mondok welagaikhare'ma eilhanem andoma nenat wea'ma andoma mondogat logouwageluk lak fisagaino.

IBRANI 12:23

Allah againafuri manggusa mene, inenu pogoroba lisu palek were'ma, andogorek logolik inendawimo inagaiyegetarek mene inom, it afuni fano hilingiti lagaukwama, Allah nen katokhogo fanorinafikhe mene inareagun inom, Allah ebe afuni mondogat wene inoba figik, kotik, ikherek mene a'nogo inom were'ma oba wagebo.

IBRANI 2:3

Andi hak he, nit yogondak telninabigin wene esin mene andi ninabit iluk herakfisogoin halok, weagetninabigin aro. Omanggum he, wene at ninoe Enupogot ebe nenat afuni ekhe yagaisasikhemo inesanggo holhukwa mene nen furogo yaganisasukwa mene eberogoat hilinglagaikhe.

2 PETRUS 2:4

It malaikat Allah nen yonggo pelakfisa wagarek mene ekhe weak hilingitukwama Allah nen herakfisigi'lek, we, wene hobuk inoba feigeluk he, o mum wea'ma inenggi hele warek logouwageluk pelakfisasikhe andi.

HAKIM–HAKIM 8:11

A'nogo were'ma, at Gideon a'nogo inombo'neat laga lagaikhesik, o Nobah inom, Yogbeha inom andoma abel mo liabi wagarek higit, o leimo afuni inafe wonghogo were'ma, it inaselei mene omanogo inoba ferekhogo sebelinabi kwisikhe.