1 TESALONIKA 2:9 - Allah Wene Fano Wene Hupla Inane

⁹ Nerugwi nagaila'lak. Nit Allah ane fano wene andi yagahisugunem, yi mene ti mene faget hit ekhe hinoba seget asinogo iluk, nit ninonggwaregen linggene hubanggo ninomamerogo hilingitik, set kwil-kwalhogo hilingitik, ikhi lagagu a'nogo hineluaro.

1 TESALONIKA 2:9 ပူးပေါင်းရင်းမြစ်များ

2 RAJA-RAJA 6:2

Andi nen he, nit e i Yordan imakwe a'lima mene ekhe ninebe lombok misiktek musi lambik he, o ebe andomaat wusuogelugen yagaheto o,” iluk yagatukwama, at Elisa nen he, ”Fano o. Lani,” iluk yagaisasikhe.

NEHEMIA 5:15

It ap gubernur an menlagi'lek were'ma, welagaukwa mene andoma nen he afuni holhu mene nen, linggene misik meneba at gubernur nunggu mene faget inom, nen anggur inom faget he uang perak mene 40 nen wo'nisani iluk kino yagaisugunem he afuni inoba enggin welagaikhe. Oba nen, an he neisena Allahba nailorogo logolik he, a'nogo hilingiti lagagi lek.

NEHEMIA 5:18

Linggene hundik-handik he an nonggwarek mene nauang oba onggo paluk, sapi misik inom, domba sei werek mene falfaligen inom, sue ayam he hokhorogo inom isaginafi lagagi. Nen, andoma a'nogo hilingiti logoligen at he, linggene nomolo nen wela'luk, anggur agai lek asinogo iluk he hinagaisogo fikhi lagagiat. A'nogo hilingiti lagagiba nen he, it afuni nen hilingitu aple mondok enggin hokhore'ma re an nen nebe gubernur welagi mene faget onggo wo'neni, iluk kino ikhi lagagi mondok lek.

MAZMUR 32:4

Neisena Tuhan nen he, hup hundik lingge hundik wene noba fugu were'ma, mo aigen yi mene ti mene yago mene puget fikherek andi hak, namusu palhi lagagin.

MAZMUR 88:1

Wuni it inunggulenu Korah mene inawuni. It afuni wuni wulak fuluk ugunem yanggulinafu mene faget, wuni unggulenu: Mahalat Leanot awi Ezrahi mene andi nen yagaisikhi lagaikhe awuni.

AMSAL 31:18

Aren yi yabu ti yabu hokhorogo hilingirik lagarek mene andi ambisangma hokhorogo saburagain mene a'nogo elu logolik he yabu hilingirik lagarek-lagarek he o hubanggo ogore hilingiteregat.

YEREMIA 9:1

An nunggul yire i mogo ambe hoporogo yenggele'ma hak hilingik logoumo nen, neilenggen he i su'lenggeba sulhogo lagu mondok welagarek hak hilingik logoumo nen he mondok fano agwi! Ariginik logumo nen he ap an nunggulenu mene selei mene nen inoata mene andoma inobaget neil amusu pelafi logolik li le aga logoile mene ago.

LUKAS 18:7

Andi hangge, at Allah nen againafuri wenagaisogo fisasikhe mene halogen linggene hubanggo inane ninghogo ayonggo fugu halok he, elele woginabigin lek nogo? Inane konhi logombigen, hobuk halok elele woginabigin nogo?

LUKAS 2:37

sogwe fesikhesik oba nen, at ebe umur 84 tahun mondok yaman agaikhesik welagaikhe. Logolik enggi ekhe sumburu ninggi'lek ambe heang fakhasikhesik Allah awi wuri'mo andoma linggene hubanggo abit agi'lek samban mondok ikhi lagaikhe.

KISAH PARA RASUL 18:3

It Akwila Priskila emberegat inenggi onggo faget he, o wutu mene su kwati lagaukwa. At Paulus enggi onggo faget a'nogoat kwati lagaikhe andi nen he, it inoba wagaikhesik logolik, inomat kwati lagaukwa.

KISAH PARA RASUL 20:24

A'nogo meneat he, an nebe neluk logogin andiat esin iluk andi mene esinet fikhi lagi lek, we Tuhan Yesus nen nayonggo fikhi logolik, aren he, Allah obabut fano nen hilinginaferek wene fano wene andiat yagaisilik lano o, iluk nayonggo fesikhe andiat wurep oba kobokhogo hilingisigeluk esinet fikhi lagi o.

KISAH PARA RASUL 20:31

Hinendawinggen wenggelogo logoino! An o mo lagagik pigik ugu kwelek 3 tahun ninom logolik he, kamo igi'lek linggene nen, hubanggo nen, le aga logolik, hinebe lombok komothinafi lagi a'nogo, hinendawimo eberek logoino o.

ROMA 1:1

Hit Allah againafuri o Roma welagep mene nerugwi nagaila'lak. At Allah hinebe endawi mene mondogat an Paulus Kristus Yesus amingmingengge mene a'nogo nen wene lisu palogo hinoba lakfei wagi andi o. An nen fano wene a'nogo afuni yagaisilik nikhi logouwageluk, Allah nen wenagaisogo mennobagaikhesik laknobagai wagaikhe o.

ROMA 15:16

An nebe at Kristus Yesus awe a'ma logolik afuni endakwe mene woginabuageluk nayonggo fesikhemo, at Allah endawimo fanorogo Areagun andiba it inebe Allah awe a'ma inobagauwageluk, at ane fano wene andi yagaisilik nikhi lagi o.

ROMA 15:19

At ebe futfouwageluk Allah Areagun omameba elalin mene nikhogo hilingitik, inailo asu mene hilingitik, hilingitu kwelek he, an he, o Yerusalem andoma nen lagakhogo pikhit o Ilirikum andoma, at Kristus awene fano wene andi furogo yagaisaluk wagi.

1 KORINTUS 4:12

A'nogo nikhi logolik, yi mene ti mene heluogeluk, yabu ninenggiba nen, ninomamerogo waganogo helogorek. Afuni nen homan ninobagagunem niren agaugwerinafik, yi weak ti weak hilingninafunem, ninafe morogo welagik,

1 KORINTUS 9:15

A'nogo isikhe meneat he, an he, fano wene alisikhogo a'nogo wanhi'lek welagirek. An faget a'nogo wo'nesuageluk wene yi lisu palogo lakfei wagi fuk. An a'nogo wo'nesuageluk hilingiti'lek welagi iluk he, fogerakhikhi lagi mene yi re, at ekhe nen nane sebelogo fagain he, nabit. An nebe wa'lasumo re, fano.

1 KORINTUS 9:18

Halok he, an nenggi onggo nena mene wo'nesugun. Andi re, ebe yi. Onggo wo'nesu hak, fano wene andi onggo lek weat yagaisilik nikhi logolik nendawimo fano welagi andi. A'nogo yagaisugunem he, onggo wo'nesu higit meneat he, a'nogo ekhe wo'netunem heligi'lek welagirek andi fano.

1 KORINTUS 9:4

”An Allah eabu hilingitirek andi faget, nenggi onggo sumburu wo'netik, i wo'netik, ugunem, helagain lek nogo? Helagain aro.

2 KORINTUS 11:27

Yi mene ti mene faget set kwil-kwalhogo hilingitik, hundik-handigat nogo neluk nogo igik, sumburu inom, i inom, legen nele welagik, hundik-handigat sumburu ninggi'legat welagik, nasu legen sogoi noatik, o koma nogo u heat agik, ikhi lagagisigat.

2 KORINTUS 11:9

An hit ninom logolik uang legen, hiren ekhe wo'nesuageluk kino hinoba weageti lagi'lego. We, a'nogo were'ma, it ap nagaila'lak o Makedonia mene wagaikhasik elogat wo'nesi wagaikha andi nen, yi mene ti mene faget hit hinoba engginet feinogo iluk, anggasigimo re, kino yagahisigi'lek welagagisik hobuk a'nogoat mondok hilingiti logogin o.

2 KORINTUS 6:5

Yei ninoatik, ninenggi hele warogo o hele warek fisagarek oba ninobagagik, afuni hokhorogo nen ninoba limamit palik-palik ninoasu hak hilinglagik, ugu kwelek welago. Yabu set kwil-kwalogo hilingitik, nogo u lek hak hilinglagik, sumburu nele agik, ikhi logolik hilingiti lago.

FILIPI 4:16

An o Tesalonika a'lima yi mene ti mene nenggi lek were'ma, attak ekhe laknobagai wagagipsik he, hobuk ekhe laknobagai wagagip andi.

1 TESALONIKA 1:3

Nineisena Allah eilhanem samban a'nogo ikhi logolik he, hit hinendawinggen Allahba himbirik logolik hinobabut hilingiti lagep mene inom, afuni ekhe hinendawirogo logolik hinomamerogo leberisikhi lagep mene inom, hinendawimo nen: ”Ninoe Enupogot Yesus Kristus nen fano hilingninabigin,” iluk hinafe morogo welagep mene inom, niren hit hilingiti lagep mene andi faget hinoba kamo igi'lek eberek mondogat welago.

1 TESALONIKA 2:2

Hit hinoba oan wagi'lek o Filipi andoma were'ma, afuni andoma mene nen inendawinggen weaget fisigik, yi enggin ti enggin hilingninafik, ikhi lagaukwa. A'nogo meneat he, nineisena Allah nen awene fano wene a'nogo ninailo legengge yagahisa wesuageluk hilingninafikhemo wagagusik yagahisikho were'ma afuni hokhorogoaren: ”Wene andi ninabit,” iluk, ugu kwelegat ninomamerogo yagahisikhi lagagu a'nogo hineluaro.

1 TESALONIKA 2:6

Hiren nit fogetninafik, it ekhe nen fogetninafik, afuni mene nen a'nogo fogetninabuageluk ikhi lago lego. We, at Kristus nen nayonggo fesikhesik laknobagai wagaikhemo wene wule logolik nane ninghogo yagahisagain higit meneat he.

1 TESALONIKA 3:10

Hit hinendawinggen Kristus oba himbiret fesigip meneat he, oan hangge andi nen, nit ninebe hinoba wesimbigen hinendawinggen hobuk ago wathinobagai wesuogeluk samban hit faget linggene hubanggo ugu mondok welago.

1 TIMOTIUS 1:11

Nen, wene andi higithogo, fano wene a'nogo an nen yagaisilik nikhi logouwageluk noba fesikhe. Fano wene andi re, Allah fogeratik, hai watik, ogorek mene a'nogo ane aro.

1 TIMOTIUS 4:10

Allah ebe re, yi afuni ti afuni mondogat telinaferek mene welagarek meneat he, esin hangge re, nit ninendawinggen at oba himbiret fikhi lago mene halok telninaferek andi nen, ninendawinggen at eluk mondok welagarek mene oba himbiret fuluk, at faget ninaberali lekhogoat ninomamerogo hilingiti lago.

1 TIMOTIUS 5:5

Mene re, hemi sogwe eberogoat afuni ero it mene le'ma inalegat logolik he, ”Allah nenat lebe'nisagain,” iluk, inendawinggen at oba himbiret fuluk, linggene hubanggo ayonggo figik, kino yagatik, ugu mondok welagaikharek.

2 TIMOTIUS 1:3

An nombalak Allah awe a'ma logolik, inonggwarek inendawinggen misigat fano logolik, at faget hilingitik, fogeratik, ikhi lagaukwa hak, an a'nogoat hilingiti logolik, hat hoba mondok eberegat, hat faget linggene hubanggo samban ugu mondogat logolik, Allah hai wati lagi o.