1 TESALONIKA 2:3 - Allah Wene Fano Wene Hupla Inane

³ Wene yagahisikhi logolik komothinafi lagagu andi re, hit nong asuageluk wene kwanirogo yagahisigik, ninendawinggen pire logolik yagahisigik, ninane lalogo yagahisigik, ikhi lagagu lego.

1 TESALONIKA 2:3 ပူးပေါင်းရင်းမြစ်များ

BILANGAN 16:15

A'nogo isukwama re, at Musa a'mage hokho mene lagasikhesik Tuhan oba ane ikhi logolik he, ”Tuhan iren warogo wokhesi weri'lagwi mene andoma re wanu fugo. An nen afuni it mene nen misik iluk ogo ekhe it inanggele'ma nen weaget fisigi mene ekhe werek lek, nen keledai it mene ogo misik ekhe wanhi legat,” isikhe.

KISAH PARA RASUL 13:15

Hu'lagaukwasik were'ma re, it afuni andoma mene nen, wene Allah nen komotninafikhe wene a'nogo enu salhik, wene it ap Allah ane yagaisikhi lagaukwa mene nen lisu palhukwa mene enu salhik, isukwasik he, inogogwi kaindegen Paulus lak yagaisikhi logolik: ”Nagaila'lak. Afuni yoma inendawinggen wurik asuagen he, hiren wene ekhe werek halok he, yaganisobagaigeluk hinayonggo fogo o,” iluk isukwama,

KISAH PARA RASUL 4:36

A'nogo hilingiti logolik he, ap ekhe enu Yusuf. Unggulenu Lewi mene. Aiba o enu Siprus mene, it ap Yesus nen inebe wenagaisogo inayonggo fuluk lakfisasikhe mene omanogo nen, nit ninaneba enu inendawinggen sebelek iluk u hak, it inaneba enu Barnabas salhukwa.

2 KORINTUS 11:13

It andi re, Kristus nen inayonggo fuluk lakfisa wagaikhe mene fuk. We, aren lakfisa wagarek mene hak hilingisogo we'luk afuni lalinabi'lagwi mene aro.

2 KORINTUS 2:17

It afuni ekhe inebe hokhorogoaren he, yi mene ti mene onggo ha awarik lagaikharek hak, Allah ane a'nogoat waluk lagaikharek. Meneat he, nit enek he, a'nogo lek. We, Allah nen, at ane waluk loageluk ninayonggo fesikhe andi nen, at eilhanemat ninendawinggen misigat Kristus ninom hundigat logolik, yagaisilik laga lago o.

2 KORINTUS 4:2

Nit he, afuni nen yi mene ti mene hinagaisogo weak hilingitaresik inenggali agarek andi mene herakfisasugu. A'nogo herakfisaluk, afuni lalinafik, Allah ane wene ekhe mene oba mangorogo yagaisigik, ogorek lek. Afuni yoma inendawimo lombogen futninobagauwageluk he, wene ebe wene Allah eilhanem fakhogoat yagaisilik nikhi lago.

2 KORINTUS 4:5

Wene yagaisilik nikhi lago andi re, ninonggwarek hilingitorek wene fuk. Lego. We, at Yesus Kristus hilingitikhe wene aro. At Yesus ebe ninoe Enupogot iluk he, nit at faget hit hinamingmingengge welago, iluk yagaisogorek andi.

2 KORINTUS 6:8

It ekhe nen fogetninafik, ninabok fano igik, ugu kwelek, it ekhe nen wena'nisigik, ninabok weak palhik, ili'lagwi. Wene eberogoat yagaisugu kwelek meneat he, ”Ineranen lalninabi'lagwi,” iluk wena'nisili'lagwiat.

2 KORINTUS 7:2

Nit faget he, hiren ninebe wo'ninabu hak hinendawinggen hundik logoino. Niren he, hit ekhe weagethinafik, alomathinafik, lalhinafik, ogo lego.

1 TESALONIKA 2:11

Hit Allah awe a'ma kuluk fogeratarek oba andoma logobagaigeluk hinayonggo fesikhe mene andi, at endawimo anggikherek mene higithogoat hilingiti logobagaigen iluk he, niren ineisena lagen inagainafuri komorinafarek hak, hinebe lombok komothinafik, hinendawinggen sebelhik, hinendawinggen kagalhik, ikhi lagagu a'nogo hit hineluaro.

1 TESALONIKA 4:7

Allah nen, nit weak hilingiti logouwageluk ninayonggo fesikhe lego. We, ninebe at onggwarek faget fisaluk, horek logolik, higithogo hilingiti logouwageluk ninayonggo fesikhe andi.

2 TESALONIKA 2:11

It afuni andi nen ebe wene eberogoat iluk wanhi'lek logolik: ”Weak mene andiat ninamolo,” iluk hilingiti logogun mene andi, inebe mondogat Allah nen wene inoba fuluk weagerinabigeluk he, nongerinaferek mene omame werek mene ekhe lakfei wesigin. Lakfei wesumo, eranen igin meneat he, eberogoat iluk wanugun andi.

2 PETRUS 1:16

Ninoe Enupogot Yesus Kristus omame hokho a'nogo ebe wagaikhe mene faget hinelurogo yagahisikhi lago andi re, suetninung afuni inendawimo kagalogo pilingitarek mene andi oba lirogo yagahisikhi lago lego. We, at ebe Enupogot mene wagaikhemo, ninonggwarek nineilenggen tomok hasugu mene nen yagahisikhi lago o.

1 SAMUEL 12:3

Yogondak he, hit hinelokhoma mendek welagi yi! Enggere an nen weak ekhe hilingiti halok he, nineisena Tuhan eilhanem inom, ap hinoe raja Aren wenagaisogo wokhisikhe mene inom ineilhanem, yi'nogo hilingite iluk wene noba feni o. An nen hit hinanggo sapi inom, keledai inom, nenggi abisak wanhi mene ekhe werek nogo? Neranen wene ekhe lalhinafik, mep lagik-lagokhogo ekhe hilinghinafik, wene pilingiti logolik, an it werekwe asuagaluk, uang onggo wo'netunem ekhe wanhik, igirek mene ekhe werek nogo? Ekhe a'nogo hilingitimo halok, ambotkwe wogisagen he, yagane'ni o,” iluk yagaisasikhe.