1 TAWARIKH 9:23 - Allah Wene Fano Wene Hupla Inane

²³ A'nogo wogisasikhe huli andi nen engge it inebe inom, nen iren tagomangge mene inom he tukhogo Tuhan Awi wuri'mo kwi lagaikhare'ma kwe ambe andiba kagalek welagaukwa.

1 TAWARIKH 9:23 ပူးပေါင်းရင်းမြစ်များ

1 TAWARIKH 23:32

Ekhe it yabu wogisikhi logolik he, Tuhan Awi sabu a'nogo halhik, Tuhan Awi wurik a'nogo halhik, it inagaila'lak hun Harun ambisangma mene a'nogo Tuhan obaget wene kabogeti logolik hilingitunem leberisigik, hilingiti logogun o,” iluk isikhe.

1 TAWARIKH 26:12

It Tuhan Awi wuri'mo a'nogo kagalek logouwageluk fisasukwa mene a'nogo ogore it inunggulenu hilingik higithogo kaboget higik sumburik welagaukwa. It andi re, ap Lewi inap fena hilingik welagaukwa hakhogo re yabu Tuhan Awi wuri'mo elonggoma omanogo hilingiti logouwageluk inom wogisasukwa.

1 TAWARIKH 9:22

It ap o kwe kwi waguba kagalek logouwageluk menfisasukwa inap andi inebe re 212 nen welagaukwa. It inebe re inawi sili hilingik higithogo inenu palek welagaikhe. It inombawi attak welagaukwa inap andoma at raja Daud inom, at Allah ane yagaisikhi lagaikhe mene nabi Samuel inomen he it ineabu andi mene logouwageluk wogisasukwa.

1 TAWARIKH 9:24

Kwe andi ebere enggaminogo nen ambe palek welagaikhe, Kwe ambe misik he abel poikwe utara fikhit, nen ekhere maikwe selatan fikhit, ambe ekhere mo erokwe timur fikhit, nen ambe ekhere mo erembulkwe barat fikhit palek welagaikhe. A'nogo pale'ma re kwe ambe palek omanogo ebe lombok he it ap Lewi mene misik-misik it ebekhalem kagalek welagaukwa mene omanogo inoe kepala logouwageluk fisikhi lagaukwa.

2 TAWARIKH 23:19

Afuni emerek mene omanogo Tuhan apne wanhuba kwi lanogo iluk at Yoyada nen he, it ap o wuri'mo kagalek welagaukwa mene omanogo kagalek logouwageluk Tuhan Awi wuri'mo kwi laguba kwe ambe hokho palek mene omanogo ap yaga logogun mene menfisilik lagaikhe.

NEHEMIA 12:45

It ap Lewi mene inom, it imam inom andi re afuni inom yi mene ti mene inom faget enek logouwageluk horatik, nen amu mene Allah nen hilingiti logogun iluk isikhe mene hilingisuogeluk hilingitik, hilingiti lagaukwa andiba re it afuni Yehuda mene nen inalong anggaluk hilingiti lagaukwa. Nen, it ap musik hilingitu mene ogo, it o TUHAN Awi wuri'mo solombonma kagalek werek mene ogore yabu hilingitu mene faget wene melalek raja Daud inom at amlogo Salomo inomen fesukwa aple higithogo nek hilingiti lagaukwa.

YEHEZKIEL 40:45

A'nogo hilingi'mo ap a'nogo nen an yaganeti logolik, ambe selatan fikhit elokhe hilingik mene andi re imam Tuhan awi wuri'mo yabu hilingitu mene inobaget fouksek werek iluk yaganete,

YEHEZKIEL 44:14

Ariginik meneat he yogondak An nen it yabu sebelek mene An nawi wuri'mo andoma hilingiti logogun mene faget menfisikhi lagi andi,” iluk ikhe.