1 TAWARIKH 9:2 - Allah Wene Fano Wene Hupla Inane

² It inanggele'ma andoma fem attak-attak it inonggwarek inanggweang oba inawi kota omanogoba inambotkwe wagaukwa mene re. It afuni holhu mene yugunat inom, imam inom, it Lewi mene inom, Tuhan Awi wuri'mo yabu hilingiti lagaukwa mene inom, omanogo tak wagaukwa.

1 TAWARIKH 9:2 ပူးပေါင်းရင်းမြစ်များ

EZRA 2:1

It afuni at raja Nebukadnezar en hele warinarek o Babel fisa lagaikhe mene omanogo welagaukwa mene re, it afuni omanogo inanggele'ma nen inebe hokhorogo o Babel herakfuluk he it inonggwarek inawi kota ba omanogo lombok o Yehudaba inom, Yerusalem oba inom, omanogo wagaukwa.

EZRA 2:43

It afuni Tuhan Awi wuri'mo yabu hilingiti lagaukwa mene omanogo inambisangma mene helewarek welagaukwaba omanogo nen wulipluk wagaukwa mene re: Ziha, Hasufa, Taba ot, Keros, Siaha, Padon, Lebana, Hagaba, Akub, Hagab, Samlai, Hanan, Gidel, Gahar, Reaya, Rezin, Nekoda, Gazam, Uza, Paseah, Besai, Asna, Meunim, Nefusim, Bakbuk, Hakufa, Harhur, Bazlut, Mehida, Harsa, Barkos, Sisera, Temah, Neziah inom, Hatifa inom.

EZRA 2:58

It ap Tuhan Awiloba yabu hilingiti lagaukwa mene omanogo inom, nen at Salomo eabu hilingiti lagaukwa mene omanogo inom it inambisangmangge mene inaiba wagaukwa mene inebe seberogo re 392 nen.

EZRA 2:70

It ap imam omanogo inom, it Lewi mene inom, It afuni fenakwe minggirogo inom he o kota horok-horokwe omanogo wagaukwasik andoma welagaukwa. Nen, wuni wulafu mene inom, O Tuhan Awi a'nogo solombonma kagalek logolik werek inap inom, it Tuhan Awiloba yabu hilingitarek inap inom, nen it afuni Israel mene fena hokhorogo minggirogo inom he, attak it inambu-inomba welagaukwa kwe omanogo kwilik lagaukwasik andoma welagaukwa.

EZRA 8:20

It andi werek kwelek he it ap Tuhan Ailoba yabu hilingiti logogun mene inebe 220 nen inenu palek welagaikhe mene, it inambu-inomba lak he at raja Daud inom, it ap yabu kerajaan oba andoma lego mene hilingiti lagaukwa inap omanogo inom, it andi re Lewi inap leberisikhi logogun iluk fisasukwa inap omanogo inom wagaikhaat.

NEHEMIA 10:29

”Ninebe mondogat ninogogwi kaindek ninom lambukhogo logolik Allah enu hombuk palogo mel ogo: Allah nen komotninafikhe wene, at amingmingengge Musa yagatikhemo aren yaganisasikhe wene andi hologo higithogo hilingiti logogun. ”Yi'nogo hilingiti logogun,” iluk Allah enu hombuk palogo ogo andi hilingiti'lek halok, Allah nen homan ninobagauwago. Nineisena Allah nen, yi'nogo hilingi'no ti'nogo hilingi'no, iluk komotninafikhe wene andi mondogat hologo higithogo hilingiti logogun, iluk at enu hombuk palogo ogo andi,” iluk isukwa.

NEHEMIA 11:1

A'nogo isukwasik he, it afuni inogogwi melalinafu mene omanogo re o Yerusalem femhogo werek kwelek he, it afuni omanogo nen it ineisok erokwe lombok inebe wenagaisogo 10 nen oba hilingik mene omanogo nen oak engge walhugunemen higit agu mene re inebe misikdek higik o kota Yerusalem horek meneba a'nogo logogun nen iluk eninafukwa. Nen, it oak engge walhugunemen higit agu lek mene re o kota amukwe andoma logogun mene eninafukwa.

NEHEMIA 7:60

It ap TUHAN Awi wuri'mo yabu hilingiti lagaukwa mene inom, nen at Salomo obaget yabu hilingiti lagaukwa mene inom hele warogo huginabi lagaukwaba andoma nen inambotkwe wagaukwa mene re inebe 392 nen mene wagaukwa.

NEHEMIA 7:73

A'nogo kabogesi wagaukwasik it ap imam inom Lewi inap inom, o TUHAN Awi wuri'mo kwe kwi laguba kagalek werek inap inom, wuni ugu inap inom, afuni holhu mene hokho-pokhorogo inom, it ap TUHAN Awiloba yabu hilingitu inap inom, nen ebe horokhogo re it afuni Israel mene inebe mondogat inom, o Yehuda ba omanogo o kota kwe inom, nen o sili endep kwe inom hokho kwe inom, ya kwigik, ta kwigik lagaukwasik welagaukwa.