1 TAWARIKH 9:18 - Allah Wene Fano Wene Hupla Inane

¹⁸ It ap andiba nen he yogondak huli nen ogore o mo lagai wagarek fikhit Pintu Gerbang Raja kwagarek oba iluk andoma kagalek logolik welagaikharek. Attak he it ap andi mene re kwe ambe it ap Lewi mene inawi sabu sale'ma lagaikharek fikhit andoma kagalek welagaukwa.

1 TAWARIKH 9:18 ပူးပေါင်းရင်းမြစ်များ

1RAJA-RAJA 10:5

awi istana ba andoma agoromi yabu hilingiti lagaukwa mene inom, inasu eil misik mene nek fanorogo laberek welagaukwa mene inom, inawi wurik inom, eilenggen hasikhe. A'nogo hasikhesik, amburu isago inom, agai hilingik inom, noagaluk isatukwa mene fei wagik, afuni seni pesta isago sumburisikhi lagaukwa mene omanogo eilenggen isigik, at Salomo nen wam yi mene ti mene Tuhan Awi wuri'mo a'nogo fisikhi lagaikhe mene omanogo eilenggen higik, isikhe. A'rigini'mo hasikhesik, a'manggen mondok lagaikhesik he hokhorogo fogeratikhe.

2 RAJA-RAJA 11:19

at inom it ap sikhe fisogo mene inogogwi omanogo inom, at raja onggwarek faget kagalek werek mene omanogo inom, it raja ebe werek oba kagalek werek mene omanogo inom, nen afuni holhu mene inebe mondogat inom he raja Yoas a'nogo hondo'luk o Tuhan Awi wuri'mo nen he at raja ebe werek oba istana omanogo lagaukwa. Lagaukwasik he at Yoas ebe re kwe ambe Gerbang Pengawal a'nogo kwe nen kwi lagaikhesik ap raja hu'lagaikharek engge takhta a'nogoba hu'lagaikhe.

2 RAJA-RAJA 16:18

Andi nen at Ahas nen raja Asyur endawi waganogoluk he, o Tuhan Awi wuri'mo enggi Sabat sambul hilingituba solombonma kwe palek welagaikhe mene a'nogo meisalhikhesik he, kwe hun raja amu nek kwikherek kwe a'nogo to'motfesikhe.

1 TAWARIKH 9:17

It ap o Tuhan Awi wuri'mo kagalek werek inap inagagwi inagainafuri inom seberogo o Yerusalem welagaukwa mene re: Hun Akub inom, Talmon inom, Ahiman inom, Salum it o kagalek welagaukwa mene omanogo inoe kain welagaikhe mene a'nogo inom, welagaukwa.

1 TAWARIKH 9:19

Tuhan Awi sabu sale'ma kwi lagaikharek oba solombonma andoma kagalek logouwageluk he at Salum it ap ero mene, it Korah inap a'nogo inom fisasukwa. (At Salum andi re hun Kore amlogo, Ebyasaf omba.) Attak he it inombawi nen ogore Tuhan Awi sabu salek oba andoma hilingiti logolik he yabu andi meneat hilingiti lagaukwa.

YEREMIA 35:4

An nen it aremnogo hondoginarek o Tuhan Awi wuri'mo senggelek nabi Hanan hun Yigdalya amlogo nen yagaisugunem kabogetarek oba a'nogo kwisugu. Senggelek andi re imam Maaseya hun Salum amlogo a'nogo nen mene senggelek ambolkwe meneba it ap yabu legoma hilingiri'lagwi mene nen ambe andi horokhogo andem kwisugu. Maaseya andi re pegawai lego mene logolik kwe sou o Tuhan Awi andiba kwagarek mene halhi lagaikhe agun.

YEHEZKIEL 44:1

Andi hilingfuluk ap a'nogo nen an wo'narek o Tuhan awi era'lu kwe ambe fena timur fikhit folelek mene a'nogoba laga. Kwe sou andi yagare'ma re,

KISAH PARA RASUL 3:11

Ap a'nogo Petrus Yohanes emberek inombo'ne mondok nikhi lagaikhesik Allah awi wuri'mo nen wulibi wagaukwasik, o solombon enu Salomo asolombonma iluk ikhi lagaukwaba andi wulibi wagunem he, afuni mondogaren fogerarik inoba andogotukwa.