1 TAWARIKH 9:1 - Allah Wene Fano Wene Hupla Inane

¹ It afuni Isreal mene mondogat he inebe ineisok erokwe lombok ta'larik wagaukwa mene higit-higit inenu lisu palogo welagaikhe. Inenu lisu palogo welagaikhe mene andi re buku it Israel mene inogogwi raja mene a'nogoba palek welagaikhe. It Yehuda mene weak hilingiti lagaukwa mene omanogo ambisangma unggum he it inebe woginarek afuni huginabi lagaikharek oba o Babel omanogo fisa lagaikhe.

1 TAWARIKH 9:1 ပူးပေါင်းရင်းမြစ်များ

1RAJA-RAJA 14:19

Raja Yerobeam en hilingiti lagaikhe mene fena re, at ebe raja logolik melalinafi lagaikhe mene inom, weim yafi logolik hilingiti lagaikhe mene inom, mondogat buku it ap raja-raja Israel mene nen hilingiti lagaukwa mene a'nogoba palogo fesukwa.

2 RAJA-RAJA 24:14

A'nogo waluk laga logolik, ap raja Yoyakin ebe inom, agaisa inom, agagwi inom, agoromi kaindek inom, afuni Yehuda mene inogogwi kaindek inom, inebe inenuwerek mondogat 7.000 nen, ap yi mene ti mene hilingitu inelu mene inom, yi mene ti mene posiemanggen mene hilingitu inelu mene inebe 1.000 nen inom, ap inomame hokho weim inailo'lek yafarek mene inom, ap raja nen tagongge mene inom, inogogwi ekhe inom, mondogat inebe lambukhogo re 10.000 nen hele warogo o Yerusalem en o Babel woginarek lagaikhe. Andi inenu werek welagaukwa mene mondogat a'nogo woginarek o Babel lagaikhemo, afuni inebe kembu inelagaik mene nek o Yerusalem welagaukwa.

1 TAWARIKH 8:40

Hun Ulam andi amlogomi lambulogo re sikhe fisogo mene tentara nek logolik he tok inenggi pagat weak mene nek welagaukwa. At amlogomi ogo nen iren tagomangge mene ogo inasikhe inenggi puk mene nek welagaukwa. Nen it inebe lampukhogo re 150 nen welagaukwa. It mondogat andi re ap inunggulenu Benyamin mene inom misik lambulogo welagaukwa.

2 TAWARIKH 33:11

Andiba re it afuni Yehuda mene were'ma omanogo pin kwi wesuageluk he Tuhan nen it Asyur mene tentara ineisena panglima a'nogo lakfei wagaikhemo re, at Manasye a'nogo kombi heleba kelogo li'luk he o Babel lagaukwa.

EZRA 2:1

It afuni at raja Nebukadnezar en hele warinarek o Babel fisa lagaikhe mene omanogo welagaukwa mene re, it afuni omanogo inanggele'ma nen inebe hokhorogo o Babel herakfuluk he it inonggwarek inawi kota ba omanogo lombok o Yehudaba inom, Yerusalem oba inom, omanogo wagaukwa.

EZRA 2:59

It ap o kota Tel-Melah, Tel-harsa, Kerub, Adan, Imer, inom welagaukwa mene inaiba logoin iluk wagaukwa mene andoma re inebe lambulogo re 652 nen. It inebe re hun Delaya, Tobia, Nekoda, inom andoma inambisangma mene. Oba nen he iren nit eberogo it afuni Israel mene inambisangma mene welago iluk enek aple ekhe welagaukwa lek.

NEHEMIA 11:1

A'nogo isukwasik he, it afuni inogogwi melalinafu mene omanogo re o Yerusalem femhogo werek kwelek he, it afuni omanogo nen it ineisok erokwe lombok inebe wenagaisogo 10 nen oba hilingik mene omanogo nen oak engge walhugunemen higit agu mene re inebe misikdek higik o kota Yerusalem horek meneba a'nogo logogun nen iluk eninafukwa. Nen, it oak engge walhugunemen higit agu lek mene re o kota amukwe andoma logogun mene eninafukwa.

NEHEMIA 7:5

Andiba Allah nen he an nen ap holhu mene inom, it melalinafu mene inom, inogogwi kaindek inom, kaboget fisigirik, it inebe inero ta'lagaukwa higithogo palek mene wenaginabuageluk ekhe weinamet nobagaikhemo re a'nogo hilingiti. Nen, andem oba re an nen it ap inebe hele warogo huginabi lagaukwama nen attak-attak inambotkwe sugulogo wagaukwa mene omanogo inenu palek a'nogo were'ma heratigi. Ambolkwe yi re lisu palek welaga mene andiba were'ma higi mene re yi'nogo:

YESAYA 3:2

It inobaget hilingitunem inalong agaikharek mene inom, tentara inom, higithogo pilingitarek mene inom, nabi inom, hobuk wene yi'nogo hilinglasigin iluk agarek mene inom, ap harise mene inom wesagun mene inom,

YEREMIA 13:19

O Yehuda meneba nen kota selatan fikhit werek mene omanogo mondogat ap sali kwi wagaikha o, nen ap salek mene andiba nen polokhogo ekhe wulibi la re mondok elo'lek. Afuni Yehuda mene omanogo mondogat he huginabi lagaikharek oba omanogo woginarek lagaikha o,” iluk ikhe ino.

YEREMIA 39:9

A'nogo hilingfuluk enek he ap o kota werek mene inom, nen it fena inonggwaregen it Babel mene inenggimo agaukwa mene inom he, Nebuzaradan tentara Babel mene faget inoe welagaikhe mene nen felelenghogo woginarek lagaikhe.

DANIEL 1:2

A'nogo yagarinafikhemo, Tuhan nen afuni Yehuda mene inoe raja Yoyakim ebe Nebukadnezar enggiba fikhi logolik, yi mene ti mene onggo hokho mene Tuhan awi wuri'mo welagaikhe mene ekhe hugulengge heloagaluk yagatikheat. A'nogo yagatikhemo, afuni inebe hele warogo woginarek waga logolik, yi mene ti mene onggo hokho mene hugulengge helasikhe mene omanogo waluk wagaikhesik, at angge tugwi kembu awi wuri'mo andoma fesikhe.