1 TAWARIKH 6:71 - Allah Wene Fano Wene Hupla Inane

⁷¹ Nen, At Gerson eisok erokwe mene nen o sili inom, engga o leikwe maserogo andoma inom, helasukwa mene re a'ma kwe yi: O wilayah inunggulenu Manasye meneba nen i Yordan fena mo lagai wagarek fikhit omanogo nen helasukwa kwe re yi: o Basan oba nen Golan inom, Asytarot inom helasukwa.

1 TAWARIKH 6:71 ပူးပေါင်းရင်းမြစ်များ

1 TAWARIKH 6:70

Nen, o wilayah it inunggulenu Manasye mene i Yordan fena mo ubuk ikherek fikhit a'nogo nen he it o Anet sili inom, o Bileam engga lei maserogo werek mene andoma inom helasukwa.

1 TAWARIKH 6:72

O wilayah it inunggulenu Isakhar meneba nen he: Kedes inom, Daberat inom,

ULANGAN 1:4

A'nogo yagaisasikhe andi re, at Musa nen ap kain enu Sihon, it afuni inunggulenu Amori mene inoe enupogot logolik o kota enu Hesybon welagaikhe mene andi inom, ap kain enu Og, o Basan tonggwe afuni o kota Asytarot mene inom, Edrei mene inom, inoe enupogot logolik ferinarek welagaikhe mene inom, emberegat mabenet fisasikhesik oba nen yagaisasikhe.

ULANGAN 4:43

O andem it inunggulenu Ruben mene faget he o leimo obalik mondok legoma tonggoma enu Bezer andi fesukwa. Nen it inunggulenu Gad mene faget he o Giliad en o sili enu Ramor andi fesukwa, Nen it Menasye mene faget he o Basan nen o sili enu Golan andi fesukwa.

YOSUA 13:31

Andi nen o Gilead ogore minggilogo wogisasikheat, o Asytarot inom, Edrei inom o kota pire andem he at raja Og logolik oba o kota hokho mene welagaikheba aremnogo. Nen kweang andem mondogat he hun Manasye amlogo Makhir a'nogo ambisangma mene ineisok erokwe aremnogo inoba minggilogo wogisasikhe.

YOSUA 20:8

O i Yordan fena mo liabi wagarek fikhit kweang amik legoma ilingage leimo o Yerikho fena fikhit omanogo nen iren o kota inagap telagarek oba iluk he ya fesukwa: O kota Bezer wilayah Ruben mene omanogo inom, kota Ramot Gilead en wilayah Gad mene nen omanogo inom, o kota Golan o Basan nen wilayah Manasye meneba omanogoba inom enogo fesikhe.

YOSUA 21:27

It inunggulenu Lewi meneba nen akhogo amu mene ekhere Gerson mene andi. It inunggulenu akhogo Gerson mene andiba re o kota 13 nen inom, kweang engga inomat wogisasikhe. Inunggulenu Manasye mene mo lagai wagarek fikhit werek mene a'nogo nen he, o kota pire wogisasikke, o andem enu re: Beestera inom, Golan o inagap telagarek awi iluk o Basan oba andoma fesukwa mene a'nogo inom helasukwa. Inunggulenu Isakhar meneba nen he o kota 4 en helasukwa, o andem enu re: Kisyon, Dobrat, Yarmut, En-Ganim inom. Unggulenu Asyer mene nen he o kota 4 en helasukwa, o andem enu re: Misal, Abdon, Helkat, Reboh inom. Inunggulenu Naftali mene nen he o kota henagan mene helasukwa, o andem enu re: Hamat-Dor, Kartan, Kedes o andi re inagap telagarek awi iluk o Galileaba andoma fesukwa mene a'nogo inom helasukwa.

YOSUA 21:6

Inunggulenu akhogo Gerson mene re o kota 13 nen mene wilayah inunggulenu Isakhar mene inom, Asyer mene inom, Naftali mene inom, inunggulenu Manasye mene i Yordan fena timur fikhit a'nogo inom wogisasikhemo helasukwa.

YOSUA 9:10

nen, ekhe Tuhan nen raja Amori mene inebe pire o i Yordan ima nen mo ero fikhit andoma werek mene, hun Sihon raja Hesybon agun andi inom, hun Og raja Basan agun o Asytarot werek mene andi inom inoba hilingfisasikhe mene andoma holhosik wago o.