1 TAWARIKH 5:20 - Allah Wene Fano Wene Hupla Inane

²⁰ It ap weim yafu aple inelu mondok welagaikhe inap andoma nen he, ”Allah nineisena, Haren lebetnisan o,” iluk kino yagatukwama, Allah nen he iren yagatukwa mene a'nogo higithogo esanggo holhikhesik he, it ap Hagri inap inom, it fena inebe misik sebe iluk inebikhit weim yabi kwi waga lagaukwa mene omanogo inom, inoba inomame leget fisasikhesik he, inalonget fisasikhe.

1 TAWARIKH 5:20 ပူးပေါင်းရင်းမြစ်များ

KEJADIAN 25:21

Itikhe mene re, at Ribka eak legen he, nineisena Tuhan kino yagatikhe. A'nogo yagatikhemo, nineisena Tuhan Ishak ane esanggo holhikhesik, Ribka omalik a'ma agaikhe.

KEJADIAN 49:19

Nen, hat Gat he, it afuni inobabut weak logolik, yi mene ti mene inenggi abisak telogo helagarek mene nen hoasuogeluk waga logogun. Wagunem, haren lagokhogo it mene telogo helikhi logogin o.

1RAJA-RAJA 22:32

A'nogo yagaisasikhemo nogo nen he, iren at raja Yosafat ebe ineilenggen yetha wagaukwasik, it inebe mondogat inendawimo nen he, ”Afuni Israel mene inoe raja ebe ariat,” iluk anggasukwasik he, wasuogoluk ineil waluk-waluk hilingitukwa. A'nogo hilingitunem at Yosafat ane hokhorogo kweti lagaikhemo,

1 TAWARIKH 5:21

Weim yafukwa mene andi re At Allah endawimo anggasikhe mene higithogo hilingi'mo re ap inaselei mene hokhorogo inoatukwa. A'nogo inoati logolik iren ap fena inebe 100.000 nen hele warinarek waga logolik he, inanggo unta ebe 50.000 nen inom, inanggo domba 250.000 nen inom, wam keledai 2.000 nen inom telasukwa. A'nogo hilingitukwa andi huli nen, it inebe o omanogo werek kwelek enek he it afuni Israel mene hele warogo huginabi logoin huli omanogo re o andoma welagaukwa.

2 TAWARIKH 13:18

It Yehuda inaben he it inambu-inomba lak ineisena Tuhan Allah a'nogo omameba inendawinggen himbirik logolik hilingitukwaba it inebikhit inomame agaukwa andi.

2 TAWARIKH 18:31

A'nogo yagaisasikhemo re it a'nogo nen raja Yosafat ineil hasukwasik he ari re raja Israel mene iluk he at wasugun iluk lagaukwa. Oba nen he at Yosafat a'nogo ane kwerik lagu nen he Tuhan Allah nen he it a'nogo inelokhe amu fikhit halogo lakfisikhi logolik he, at Yosafat a'nogo telogo wulabi wagaikhe.

2 TAWARIKH 20:12

Nineisena Allah re, we Hat hamuat! Nit he niren hilingisu elo'lek mene nek agama re, Haren lebe'nisan iluk Hat hambit wagoma re, niren ap tentara hokho-pokhorogo andoma nen nit noasuogeluk hilingitunem nit he ninomame legen he, haren it unggum wogisan,” iluk samban isikhe.

2 TAWARIKH 26:7

Aren he it ap Filistin inap inom, Arab inap inom, o Gur-Baal welagaukwa mene andoma inom, it Meunim inap inom, inalong lek hilingisogo fisoageluk Tuhan nen lebethikhi lagaikhe.

2 TAWARIKH 33:13

A'nogo samban isikhe mene a'nogo At Allah nen esanggo holhikhesik he, at Manasye a'nogo ekhe inom melalinafi logouwageluk he o Yerusalem nekhengge lakfei wagaikhe. Andi hilinglagaikhe andiba nen he, Tuhan andi re eberogo nen at Allah, iluk at Manasye a'nogo endawinggen At oba tibet fesikhe.

EZRA 8:23

Andiba re nit a'nogo At Allah nen enek kagalninarek logouwageluk sumburu ninggi'lek welagik, samban ugu welagik, ogoma re, niren samban ogo mene a'nogo onggo higithogo hilingninobagaikhe.

MAZMUR 37:39

Tuhan nen it afuni higithogo hilingitarek mene andi inebe telinabimbik, yi enggein ti enggin inoba agunem awe a'ma fisaluk ferinarek logogin.

MAZMUR 37:40

It afuni inobabut fano hilingitarek mene andi re, inebe Allah awe a'ma kuluk welagaikharek andi nen he, it afuni weak hilingitarek mene andi nen inoasuogoluk ugunem, At Allah nen leberisaluk telinaferego.

MAZMUR 46:1

Ap Korah werekwe mene nen wuni felalogo Alamot wuni iluk watukwa mene.

MAZMUR 9:10

At Tuhan andi re afuni nen enggin-fenggin inoba fugunem awe a'ma kuluk welagaikharek oba faget werek. it enggin fenggin hugu logolik awe a'ma kwi lagu mene faget werek.

KELUARAN 17:11

A'nogo lagaikhesik, weim a'nogo yafu kwelek, at Musa enggi pogoroba higit liabek werek kwelek he, afuni Israel mene inomame aga lagaukwa meneat he, enggi pelakfei wagunem he, afuni Amelek mene inomame aga lagaukwa.

AMSAL 29:25

Aben ugu mene faget hailoti logogin mene halok he weak mene ambisangma hoba asigin, nen Tuhan oba hendawinggen tiphogo logogin halok he hat hobuk hili waganek logogin.

YEREMIA 39:18

An nen hat hagap telogo hobagaumo re aben hat hebe hoasugun lek. Haren hendawinggen An noba himbirik were'ma re, hat heluk andi agap telek logogin. Iluk An Tuhan nen nane mondogat igi,” iluk yaga'no ikhe.

DANIEL 6:23

An hamingmingengge neisena Allah andi re, an nen hat hoba ekhe weak hilingisogo figik, At oba ogo weak hilingitik, igi'lek mene andi re, at elu andi nen he, agoromi malaikat mene ekhe ayonggo fikhesik pelakfisa wagama singa ambe te'met fikhemo yi'nogo ti'nogo ekhe hilingnafi'lego, noe,” iluk yagatikhe.

NAHUM 1:7

Tuhan andi re mondok fano, At againafuri enggin inoba were'ma awe a'ma ferinarek welagarek. Afuni At oba lombokhogo werek mene re Aren halinafu mondok werek.

EFESUS 1:12

At ebe fogeratu mondok welagaikharek mene a'nogo, niren fogerati logouwageluk, ninendawinggen omanggum Kristus oba himbiret fesugu mene halok wenagaisogo wo'ninafikhe andi.

YOSUA 10:14

At nineisena Tuhan nen afuni inendawimo inamolo mene inane hologo re, ebe afuni Israel werekwe agaikhesik weim yafunem, o inenggi misik sambul a'nogo hilingitikhe andi hangge re, o attak he a'nogo ekhe hilingitikhe lek, nen hobuk a'nogo ekhe hilinglasigin legat mene, we andi sambul hilinglagaikhe andiat.

YOSUA 10:42

Afuni Israel mene ineisena Tuhan he, it inebikhit a'luk it inobaget weim yabik lagunem a'luk he, we misigam weim yabik lagu meneba re, at Yosua nen raja-raja andoma inomame legaphogo fisasikhesik o it inomame a'ma welagaukwa mene omanogo telogo helasikhe.

YOSUA 23:10

Hit hineisena Tuhan Allah a'nogo nen wene yagahisikhe mene higithogo re, Aren hit hinobaget weim yafunem he ap hit hinanggele'ma nen he ap mondok hokho-pokhorogo mabenet fisikhi logogun o.

1 SAMUEL 19:15

A'nogo yagaisasikhemo, wagaukwa meneat he, at Saul en Daud ebe ineil tomok hoageluk hobuk lakfisikhi logolik, mel yagaisasikhe: ”An nen wasigen he, ebe waluk waga logolik, nogo ili'lago mene inom mondogat waluk we'no o,” iluk lakfisasikhe.

1 SAMUEL 7:12

A'nogo hilingitukwasik, at Samuel en helep ekhe o Mizpa honggolek Sen honggolek tulem andoma menegeisogo fesikhe. A'nogo menegeisogo fesikhesik he, mel isikhe: ”Nineisena Tuhan nen yaba elok lebetnisikhe,” isikhesik he, helep a'nogo enu, Lebetnisikhe helep u hak, Eben-Haezer salhikhe.