1 TAWARIKH 5:1 - Allah Wene Fano Wene Hupla Inane

^1-2 Hun Yakub amlogo manggusa mene re Ruben a'nogo. Oba nen he at Ruben eisena nen agagwi amingmingengge mene agweap erasikhe mene omanogo ekhe inom nogosukwama re o elonggoma andoma weagerogo fesikhemo re, at amlogo manggusa mene hilingi'mo yi mene ti mene eisena alolegengge at hela mene a'nogo re waganogo Yusuf wogetikhe. A'nogo hilingitikheba nen he, at Yakub en tagoma mene andoma omame mene re, at Yusuf he fuk, at he at Yehuda welagaikhe. Nen fem attak-attak it afuni Israel mene mondogat inobaget inoe raja menlagaikhe mene ogore, it inunggulenu Yehuda mene andiat.

1 TAWARIKH 5:1 ပူးပေါင်းရင်းမြစ်များ

KEJADIAN 25:23

A'nogo heinok wokhasikhemo, At Tuhan nen he: ”Ap inunggulenu pire mene halabutmo werego. Were'ma re, agailak emberek weak logogun mene taginabigin o. Omalik hobuk mene omame hokho ta'lagunem, attak mene nen he, ombo'ne mene andi awe a'ma hak logogin o,” iluk yagatikhe.

KEJADIAN 25:31

A'nogo yagatikhemo, at Yakub en he, ”Fano o. Haren he, An nebe manggusa esin logolik eise asigin mene andi, hat eise ame, iluk yaganeten halok he, wokhesigin aro,” iluk yagatikhe.

KEJADIAN 29:32

A'nogo isikhemo, at Lea omalik a'ma agaikhesik, eak ap takhasikhe. A'nogo takhasikhesik mel isikhe: ”Neisena Tuhan an weak welagi mene eilenggen niikhesik neak wo'netemo takhigi andiba nagun endawi neagain o,” iluk isikhesik, eak andi enu Ruben salhikhe.

KEJADIAN 35:22

A'nogo wutikhesik elama andem werek kwelek he, at Ruben nen he eisena agwe heihe mene he Bilha a'nogo inom orouwe lagaikhemo at Yakub en esanggo holhikhesik he, at a'mage mondok hokho mene lagasikhe. At Yakub againafuri inebe mondogat 12 nen welagaukwa.

KEJADIAN 46:8

At Yakub eisok erokwe mene inebe lombok woginarek o Mesir lagaukwa mene inenu re yi:

KEJADIAN 48:5

A'nogo yagatikhesik hobuk ekhe mel yagatikhe: ”Yusuf. Hagainafuri inebe pire Efraim inom, Manasye inom, o Mesir yoma nen an oan wagi'lek werek kwelek taginafen mene andi, an nagainafuri Ruben inom, Simeon inom, hangge anggikhi lagi o.

1 TAWARIKH 2:1

Ap Yakub amlogomi inebe nesanggo nen welagaukwa mene inenu re: Ruben, Simeon, Lewi, Yehuda, Isakhar, Zebulon,

1 TAWARIKH 26:10

It hun Merari eisok erokwe meneba nen he hun Hosa inenggi tum watfesukwa. At amlogomi inebe enggaminogo welagaukwa mene inenu re; Simri, (At andi re amlogo manggusa mene re lek oba nen he eisena nen kain logolik ferinarek mene logouwageluk menfesikhe mene) andi inom,

KELUARAN 6:14

Simeon againafuri abengge inebe falfaligen welagaukwa, inenu re: Yemuel, Yamin, Ohad, Yakhin, Zohar inom. Nen, ap he Kanaan mene andi nen he Saul tatikhe. It andem he afuni inunggulenu Simeon oba nen inambu-inomba mene welagaukwa.

IMAMAT 18:8

Hat heisena agagwi amu mene misik ekhe hinom seberogo nogogun halok, hat heisena enggali asinogo nen he hinom seberogo nogo u fuk.

IMAMAT 20:11

Ap misik ekhe nen eisena agwe ekhe inom nogogu halok he eisena omame a'nogo sebelogo fikhe andi nen, he andi inom ap andi inom emberek wene inoba fuluk pinggi inoasugun. Nen, it wa'lasugun andi re inonggwaregen hilingisugun onggo wa'lasugun.

BILANGAN 1:5

It inunggulenu lombok omanogo mene inogogwi wene melalinafi logolik Musa Harun emberek leberisikhi logogun mene wenagaisogo fisilik lagaukwa mene inenu re yi. Inunggulenu Inoe wene melalinafu mene Ruben mene faget he Elizur Syedeur amlogo Simeon mene faget he Selumiel hun Zurisyadel amlogo Yehuda mene faget he Nahason hun Aminadab amlogo Isakhar mene faget he Netaneel hun Zuar amlogo Zebulon mene faget he Eliab hun Helon amlogo Efraim mene faget he Elisama hun Amihud amlogo Manasye mene faget he Gamaliel hun Pedazur amlogo Benyamin mene faget he Abidan hun Gideoni amlogo Dan mene faget he Ahiezer hun Amisyadai amlogo Asyer mene faget he Pagiel hun Okran amlogo Gad mene faget he Elyasaf hun Rehuel amlogo Naftali mene faget he Ahira hun Enan amlogo

BILANGAN 16:1

Korah hun Yizhar amlogo Kehat mene, unggulenu Lewi mene a'nogo nen Musa eilhanem wene palhikhe. Aren ugunem anelonggon legetukwa mene re it ap inebe henagan mene inunggulenu Ruben inap, hun Eliap amlogomi inenu re Datan inom Abiram inom he, hun Pelet amlogo On inom, it afuni melalinafi lagaukwa mene inebe 250 nen afuni holhu mene nen wenagaisogo fisasukwa mene inomen lebethasukwa.

BILANGAN 26:5

Inunggulenu Ruben mene hun Yakub amlogo manggusa mene andi nen he, unggulenu akhogo Henok mene inom, Palu mene inom,

1 KORINTUS 5:1

Afuni nen, ap hit mene ekhe he wanu lek mene wanhesik werek iluk abok ikhi logolik yaganetama nesanggo holhi o. It afuni Allah ane inonggot mene nen a'nogo hilingitarek lek mene, ap andi eisena agwe mene wanhesik werek andi.

ULANGAN 21:17

At alolegengge mondogat andoma omalik andi at agwe endawi hundik mene a'nogo nen tagongge lek kwelegat he, altap pirebaat ekhe inom seberogo omalik manggusa mene andiba wogosugun. Omalik manggusa mene angge andi re at eisena nenat ane tekhogo imbik, wene melalek oba werek higithogo omalik andi angge asuageluk abirengge wogosigin,” iluk yagaisasikhe.

ULANGAN 27:20

’Ap ekhe nen eisena agwe inom orouwe laguba eisena enu sebelogo fagainmo, ap andi homan ugu logouwak,’ ugunem. ’Amin!’ ikhi logogun.

ULANGAN 33:17

Yusuf he, wam sapi ai mene omame hokho mene hangge asuak. Wam sapi ai mene enggama mene andimuk ungguloa'ma werek andi hangge ap Manasye mene esa re, mondok hokhorogo ribuan hilinglasuak. Nen, ap Efraim mene esa re, mondok hokhorogoat puluhan ribu hilinglasuak. Wam sapi ai mene andimuk ungguloa'ma taunghogo inoaterek andi hak, at Yusuf en tagomangge mene ap esa hokhorogo andi nen, afuni ekhe inunggulenu hokhorogoat mene warogo o yi awi ti awi huli pogot ero-ero a'lima lakfisikhi logouwago,” iluk yagatikhe.

KOLOSE 1:15

Allah ebe nineilenggen hogorek lek meneat he at ebe higit he Yesus andi aro. At Allah nen, yi mene ti mene pogoroba mene inom, kweangma mene inom, nineilenggen hogorek mene inom, hogorek lek mene inom, elalhikhe andi. Nineilenggen hogorek lek mene ekhere, malaikat inomame hokho logolik inawe a'ma ferinarek were'ma inane hologo welagaikharek mene andiat. Allah nen a'nogo mondogat elalhikhe andi ebere, at Kristus nenat, onggwarek fagerat elalhikhe andi nen, yi mene ti mene mondogat andi, esanggoma hak werek kwelek, esin he, Allah amlogo manggusa mene Kristus andi aro.

YOSUA 14:6

Linggene misik sambul he it inunggulenu Yehuda mene at Yosua o Gilgal were'ma ambit wagaukwa. It wagaukwa mene andem ap misik ekhe enu re Kaleb hun Yefune amlogo ap Kenas mene a'nogo nen ikhi logolik he, ”Yosua ao! Nit inom hat inom faget o Kades-Barnea nen Tuhan at Musa Allah amingmingengge a'nogoba yagatikhe mene aremnogo re harogo helu o.