1 TAWARIKH 4:41 - Allah Wene Fano Wene Hupla Inane

⁴¹ At Hizkia afuni Yehuda mene faget raja were'ma re at Simeon ambisangma mene nen o Gedor pin kwi lagaukwa. Kwi lagaukwasik he iren afuni andoma mene inawi tenda wurik mene inom, it afuni Meunim inaben inawi mondogat meisaklambukhogo hilingfesukwasik, inebe mugusogo wulaginafukwa. A'nogo wulaginafukwasik he o andoma lei engga hokhorogo inanggo faget weregen he, o andoma femhogo welagaukwa.

1 TAWARIKH 4:41 ပူးပေါင်းရင်းမြစ်များ

1 TAWARIKH 4:33

o sili endep mene o it welagaukwaba andoma nen maserogo re o kota Baal huli ma'lima wurogo welagaukwa. Andoma re, at Simeon ambisangma meneba nen it inebe ta'larik wagaukwa mene inom, it inawi ero welagaukwa mene faget inom lisu palogo fisogo welagaukwa.

2 TAWARIKH 14:15

Nekhengge it a'nogo nen he ap wam tati logolik inawi sabu salhigik welagaukwa kwe omanogo pin kwi laga logolik he inanggo domba inom, unta inom, hokhorogo hogouk eraluk wagaukwa. A'nogo mondogat hilingfisasukwasik enek he it a'nogo inambotkwe inaiba o Yerusalem wagaukwa.

2 TAWARIKH 20:1

Inenggi miren hakhogo ekhe welagaukwasigen he, it Moab inap inagoromi tentara inom, Amon inap inagoromi tentara inom, it tentara Meunim mene attak leberisikhi lagaukwa mene omanogo inom seberogo re, it afuni Yehuda mene inoasi kwugun iluk wagaukwa.

2 TAWARIKH 26:7

Aren he it ap Filistin inap inom, Arab inap inom, o Gur-Baal welagaukwa mene andoma inom, it Meunim inap inom, inalong lek hilingisogo fisoageluk Tuhan nen lebethikhi lagaikhe.

YEREMIA 49:20

Arigini'mo re An nen afuni Edom mene faget inom, afuni o kota Teman mene faget inom inoba hilingfagain mene iluk wenggelogo figirik welagi mene andoma holini. It inagainafuri ogore, lirinapluk lamo re, afuni mondogat inailo asugun.

KISAH PARA RASUL 17:26

At Allah nenat, yi afuni ti afuni o inawi lombok logouwageluk, o hulithigik, Tahun yiba logombik, tiba lek asuak, iluk hulithigik, endawimo tak anggasikhesigen, yi afuni ti afuni inunggulenu lombok mondogat wialarik loageluk, eroba re, ap misigat ekhe elalhikhe.