1 TAWARIKH 3:16 - Allah Wene Fano Wene Hupla Inane

¹⁶ Yoyakim he againafuri inebe pire welagaukwa mene inenu re: Yoyakhin inom he Zedekia inom andem. raja Yoyakim ambisangma mene a'nogo.

1 TAWARIKH 3:16 ပူးပေါင်းရင်းမြစ်များ

2 RAJA-RAJA 24:17

At Nebukadnezar en a'nogo woginarek lagaikhesik, ap Yoyakin ami Matania, at obulu'mo afuni Yehuda mene inoe raja logouwagaluk menfesikhesik he, enu agaukhogo Zedekia salhikhe.

2 RAJA-RAJA 24:8

Ap enu Elnatan aiba Yerusalem mene andi a'logo enu Nehusta andi eak enu Yoyakin ebe umur 18 tahun oba afuni Yehuda mene inoe raja menlagaikhe. A'nogo menlagaikhesik, we, tugi henagan enek o Yerusalem oba andoma ferinarek welagaikhe.

2 RAJA-RAJA 25:27

A'nogo hilingitukwasik oba nen, it ap Babel mene nen it afuni Yehuda mene inoe raja Yoyakhin a'nogo enggi hele warogo o Babel waluk lagaukwasik oba nen 37 tahun welagaukwasik, tugi it inenggi wenati lagaukwa higithogo 12 oba, tanggal 27 werek kwelek, ap enu Ewil-Merodakh andi ebe afuni Babel mene inoe raja hilinglagaikhe. A'nogo hilinglagaikhesik, tahun andibaat, aren ap Yoyakhin hele warek welagaikhe mene a'nogo ebe endawi hasikhesik, o inenggi hele warogo fisagare'ma andoma nen hele fikhalogo wulabi wagaikhe.

1 TAWARIKH 3:15

At Yosia againafuri inebe enggaminogo welagaukwa mene inenu re: Yohanan inom, Yoyakim inom, Zedekia inom, Yoahas inom.

1 TAWARIKH 3:17

At Raja Yoyakim ap Babel inaben hele wa'luk lagaukwa mene a'nogo ambisangmangge nen tagonggere yi. At againafuri inebe sabiren welagaukwa mene inenu re: Sealtiel,

2 TAWARIKH 36:15

It inambu inomba ineisena Tuhan Allah a'nogo nen he it inoba inom, At awi wurik a'nogoba inom, endawi hundik hilinginafu logolik he, it At againafuri omanogo ineluerinabi loageluk he Aren hundik-hundik inayonggo fuluk lakfisikhi lagaikhe.

2 TAWARIKH 36:9

At Yoyakhin ebe umur 18 tahun logolik afuni Yehuda mene inobaget raja menlagaikhesik he, aren o Yerusalem oba andoma tugi henagan inukhogo re enggi 10 hari ekhe inom melalinafu welagaikhe. Aren ogo nekhe aple Tuhan oba weak hilingiti lagaikheat.

YEREMIA 22:24

Tuhan nen raja Yoyakhin hun Yoyakim afuni Yehuda mene inobaget inoe raja welagaikhe mene a'nogo amlogoba ikhi logolik, ”An Allah nonggwarek neluk welagi mene nenurogo re, hat hebe faget An nen he helep senggan henggi segelet pikhit kwe meneba enegengge kel fugunem hangge hilingik welagen o, oba nen An nen hat hebe henogo re,

YEREMIA 22:28

A'nogo ikhemo an Yeremia nen ikhi logolik, ”Yago, hun Yoyakin andi re iwak halok ugunem hugisagarek andi hak agama re inendawirasugun lek nogo a? Ero andiba at inom againafuri inom o kweang inonggotma andoma hugisa logoin nogo a?”

YEREMIA 37:1

At Nebukadnezar raja Babel mene a'nogo nen he hun Yoyakim amlogo Yoyakhin a'nogo ebe raja were'ma nen sebelogo fesikhesik, Yosia amlogo Zedekia a'nogo raja Yehuda mene inobaget logouwageluk menfesikhe.

MATIUS 1:11

Yosia nen ap Yahudi mene o Babel woginarek lagaukwa andem higit, at Yekhonya agaila'lak inom taginabik, a'nogo taginabik wagaukwa.