1 TAWARIKH 28:9 - Allah Wene Fano Wene Hupla Inane9 A'nogo yagaisasikhesik at Salomo ba Daud en ikhi logolik he yi'nogo yagatikhe, ”Namlogo e, Allah hat heisena nen fogerati lagi mene andi faget enek eberogo an neisena Allah iluk fageti logoino. At Allah re nit ninendawinggenma wenggelhi lago mene inom, ninamolo anggikhi lago mene inom mondogat elu hilingi'mo re, hat hendawinggen pikhithogo, hobabut sakhorek oba, At obaget enek hilingiti logoino. Nen, haren At ebe heratu halok he At ebe herakhagain, oba nen he haren At herakfuluk lagain halok he, Aren mondok-mondok faget hat nabit iluk oboget heagain. အခန်းကိုကြည့်ပါ။ |
1 TAWARIKH 28:9
79 ပူးပေါင်းရင်းမြစ်များ
it afuni andogorek welagaukwa mene omanogo mel yagaisasikhe: ”Hit Tuhan Allah againafuri mene, At ane hologo yogondak hilingitep andi hagat, hundik-hundik At oba lombokhogo mondok logolik, Aren, yi'nogo hilingi'no, ti'nogo hilingi'no, iluk komotninafikhe wene, hologo mondok hilingiti logoino o,” iluk komorinafikhe.
hun Raja Asa ambit lagaikhesik aren ikhi logolik he, ”Noe raja Asa hebe inom, it afuni Yehuda mene yoma inom, Benyamin mene inom, hinesanggo fanorogo holini o! Hit hinebe Tuhan hinom horokhogo welagep halok he, At ogo hit hinom horokhogo werego. Nen hiren nit yi ninggi'nogo hilingisugun anggaluk kino ugun halok he, Aren ogo onggo higithogo lebethisikhi logogin aro. Oba nen he hiren At a'nogo hinonggot a'luk hilingitep halok he, Aren ogo hit hinoba onggoret hinobagaginat.
A'nogo anggasikhe meneat he, At nineisena Tuhan nen Samuel mel yagatikhe: ”At ari ebe An nen wenati mene re lego, andi nen he hat hendawimo nen ebe fano, oakhuse uan andi nen ebe yiat higi, iluk anggagun o. Afuni re, inagap endakwe nek isagarek meneat he, An he, inendawinggenma isigirego,” iluk yagatikhe.
Sa nen amu mene faget ekhe endawimo nen fogerakhagain anggikhe halok he aren An nebe elu asimbik fut nobagakhi logolik fogerakhagain logouwak, nen An nen mondok-mondok faget nendawi hundik hilinginafi lagi mene andi faget inom, An nen eberogo weneba inom katokhogo hilingitarek meneba inom o kweangma mondogat omamet fikhi lagi mene andi faget aren elu aga halok enek he, fogerakhagain logouwak. Mondogat andoma a'nogo asigin halok ibi-eberogo nen he An nendawimo namolo anggigirek mene o. iluk An hineisena Tuhan nen nane mondogat igi,” ikhe isikhe.
Tuhan he, afuni o yi werek mene inom wene werego. Enggere Israel mene yi sani, Aren ane ikherek mene andoma furogo holhi logoni o, ”O kweang yiba re tiphogo hilingitu mene inom, inendawi hundik hilingitu mene inom werek lek. It afuni oma werek mene nen ogo An Allah iluk eberogo inambeba nen fageri'lagwi mondok legat.
It inebe mondogaren inalue mene inom, yenggerugwi mene inom An nebe mondogat inelu andi nen he, afuni ekhe nen it ekhe inoba An ineisena Tuhan nebe inelu asuageluk yagaisikhi logogun mondok lego. Iren mondok kwanirogo hilingiti lagaukwa mene andoma An nen sagalogo legetfisambik he, it inaweak andoma oba ekhe ebesigin mondok lego. Iluk An Tuhan nen nane mondogat igi o,” ikhe.
An nane hinagaisogo igirek lek, nen nendawimo hinagaisogo fisogo welagirek legat. An nen nagainafuri Israel mene yagaisikhi logolik, ”An hera'nabik logoin andi re alomarogo logoin o, An Tuhan nen nane igirek mene andi re eberogo meneat igirego, nen yagaisigirek mene andoma re eberogo meneat yagaisigirego,” iluk ikhe isikhe.
Hat hebe pogoroba welagen oba andoma logolik inane hesanggo holfuluk he, weak hilingisugun mene sagalogo legetfisigik, yi mene ti mene leberisigik, ikhi logoino o, neisena. Hat hamunek he, afuni inendawimo anggagarek mene andi helu welagendek andi nen he, hagainafuri o nit ninombalak wogisasigin oba yoma logolik, Hat hebe inailorogo hane hologo hilingitu mondok logouwagen, inebe lombok, weak hilingitik, fano hilingitik, hilingisugun higithogoat wene inoba figik, kotik, ikhi logoino o, neisena.
It attak Allah ebe inonggot logolik, inobabut weak hilingitu kwelegat he, aren afe morogo herakfisikhi lagaikhe. A'nogo meneat he, yogondak ya, aren he, yi afuni ti afuni mondogat yi sambul inanema waganogo wene inoba figik, kotik, higithogoat uageluk ap ekhe wenagaisogo fuluk ayonggo fikhemo werek andi nen, he nit afuni weak hilingiti lago mene herakfisaluk ninobabut hebelasuageluk yaganisili'logo andi. Halok, niren he, wene a'nogo hilingisigin andi eberogoat iluk, nit mondogat futfouwageluk, ap andi ebe wa'lagaikhesi'mo nen, eisena nen ambotkwe eluget fesikhemo werego,” iluk yagaisasikhe.
A'nogo hilingisumo, an nen yi mene ti mene inailo mene hokhorogo inoba fagain o. A'nogo meneat he, wuni yi nek he, afuni nen unggum inoba fugunem pilingiti logolik, it ekhe inelu mene nen, eberogoat yi'nogo hilingita, iluk agarek andi hak, iren he, eberogoat yi'nogo hilingitugu, iluk eberek logolik wuni andi wat logouwago. An nen o it wene warisasigiba andoma oan woginarek kwigi'lek welagi meneat he, it inendawimo eberi'lagwi mene andi An nelu o,” iluk yagatikhe.
A'nogo abologet hagain meneat he, nit enek he, Allah awe a'ma ninobagaikherek oba abolok igin mondok lek mene wo'nisasikhemo eise agosik welago andi nen he, ”Allah neisena,” iluk hai wati logouwogo. Nen, at Allah ebe re, endu nen yi mene ti mene ninggerek andi hagatma, nit a'nogo weagetninabinogo iluk, at ebe ninailorogo hilingitik, agaukhogo hilingitik, ikhi logolik, at ane hologo endawimo amolo mene hilingiti logolik, fogerati logouwogo.
Inenu isukwasik, Allah ayonggo fikhi logolik he, ”Nineisena. Yudas hat hane yagaisilik nikhi logouwageluk ayonggo fesigin meneat he, aren herakfisaluk wa'lasigin higithogoat wa'lagama, obali'mo ap inebe pire yi, haren ap ki hak ayonggo fegen. Hat afuni inebe mondogat inendawinggen helu andi. Halok, ap ebe yi ayonggo figi, iluk, haren yaganisan o,” iluk yagatukwa.
Anema enggi pireba wokhasikhesik hobuk anema ekhe wokhasikhe: ”Simon Yohanes amlogo nagoro. Haren an nebe hendawi a?” iluk, anema a'nogo enggi pireba wokhasikhesigen, hobuk ekheba, ”Haren an nebe hendawi welagen a?” iluk yagatikhe andi nen he, endawinggen weak agaikhemo, aren Yesus mel yagatikhe ”Noe. Hat he, yi wene ti wene mondogat helu o. Halok an nen noe hebe nendawi welagi andi, hat helu o,” iluk ikhi lagaikhemo, at Yesus nen he, mel yagatikhe: ”Halok he, an nanggo domba fanorogo kwelaginarek logoin o,” iluk yagatikhe.
Hit imam hinap omanogo nen An noba tibet figi'lek hilingiti lagep, andiba re afuni An nagainafuri nen ogo An noba fut figi'lek hilingitunem, it inebe alomat fakhili'lagwi andi. Hit he wene An nen yagahisikhi lagi mene omanogo filikhogo lakfisikhi lagep. Ma re, An nen ogo hit filikhogo lakhinobagagin aro. Nen hit hinagainafuri mene ogore An nobaget imam logogun iluk fagesigin legaro.
At Allah nen ikhi logolik he: ”O mum andi anggele'ma nen selek asuak,” iluk isikhe andi hak, arenat nit ninendawimo mum mene andi selegetninafikhemo welago. A'nogo logolik, at Kristus elokhonggen mo hangge amulit yatunem nineilenggen yethaluk he, at Allah fogeratarek mene a'nogo ebe ariginik iluk futfikhi logouwageluk a'nogo selegetninafikhe andi.
A'nogo warogo noletikhemo amben fano mondok lagasikhemo re, Allah endawimo fano agaikhesik, yi'nogo anggasikhe: ”It afuni inobabut a'nogo hilingiti logogun andiba, An nen kweang andi hobuk homan fagain lego. It afuni andi inebe oan oba nen inobabut weak hilingisuogeluk ebeti logogun nelu meneat he, yogondak afuni inebe inom, yi mene ti mene eluk welagarek mene ekhe inom, legetfisigi andi hak hobuk legetfisagain mondok lego.
A'nogo ikhi lagaikhama An nen Tuhan oba samban ikhi logolik, ”Tuhan neisena, Hat Homame Hokho mene, Hat he wene fano ayo wurogo tegetendek mene welagen. Afuni nen anggagarek mene inom wenggelharek mene inom obabut palhendek mene re neisena Harat welagen. An nawene noba mene yi re Hat henggiba fikhi lagi o, neisena. We Haren erenat afuni andoma inoba ambisangma hilingfisugunem heagain o neisena,” iluk samban isigi.
An nen at raja ba ikhi logolik he, ”Nit nineisena Allah andi nen he afuni At oba tiphogo hilingiri'lagwi lek mene abit inoba fuluk unggum wogisigik, nen afuni At oba eberek logolik At obaget enek hilingitu mene re fanoet fisigik, ikherek,” iluk yagatimo re, nit kweba lagunem ap tentara kuda amboloba lagaluk lagaikharek mene omanogo nit ninalong palogo wo'ninarek loakhogo iluk raja ba kino ugu aplere mondok nendawinggen enggin nafikhe.
Afuni Israel mene inogogwi mondogat andogorinabi lan o. Lambik he, hit hinombalak Abraham inom, Ishak inom, Yakub inom, ineisena Allah a'nogo An arat nelokhoma menlaga o. Menlagasik yi'nogo yaganete: An hit afuni Israel mene it afuni Mesir mene nen hilinginabi'lagwi andi, An arat neilenggen isa pi wagi yi o.
Oba nen Tuhan neisena, Homame Mondok Hokho mene, Haren he mondok katokhogo nek afuni inobabut palisikhi lagen. Iren inendawimo anggili'lagwi mene inom, eberi'lagwi mene inom andoma re Hat mondok helurek. Andiba re Tuhan neisena, an nawene re Hat henggiba figiri'mo re, Haren naselei mene andoma inoba ambisangma hilingfisugunem isayogen he, neilenggen isoageluk hilingnobagain o.
A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.
Allah nen he, ”An nagainafuri wam domba hangge yi'nogo kwelaginarek logoino,” iluk hinayonggo fesikhe hagat kwelaginarek logoino. Kwelaginarek logolik, hinonggwarek hinabit werek kwelegat, afuni ekhe nen, inane ninghogo yagahisugunem kwelaginarek welagik, nen, hinendawimo nen, ”Onggo ekhe wo nisoak,” iluk anggikhi logolik kwelaginarek welagik, ikhi logogubo. Athe, we, hinendawimo hinagaiyekhogo kwelaginarek logoino o.
An o hit hinawi sili yoma nikhi logolik, o wesa hilingiti lagepkwe neilenggen hilik nikhi logolik, tugwi kembu ekhe awi wuri'mo anggo warogo fisikhi lagep oba andoma lisu mel iluk oba palek were'ma neilenggen higi: Yi Walhasikhe mene ninonggot mene fagero, iluk lisu palek were'ma higi. Hit hinonggot logolik fogerati lagep andi, ebe re, an nen furogo yagahisak.
A'nogo yagatikhemo, at Salomo nen ikhi logolik he, ”Tuhan neisena, hat hamingmingengge an neisena Daud a'nogo hat hoba lombokhogo mondok logolik, fano higithogo nek hilingiti lagaikhe andi nen. Hat hendawinggen hundik mondok logolik lebethikhi lagagin andi. Hobuk at hendawinggen hundik mondok logogin andi enegat asuagaluk, amlogo an nebe wogotiginmo, yogondak an at obali'mo nenupogot menlagarik afuni ferinarek welagi andi.
Afuni inendawimo inagaiyek mondok anggikhi logolik it ekhe fisagarek mene andi, Allah nen inebe endawi welagarek andi nen he, hit hinebe lombok hinagarek hinendawi werek kwelek, it ekhe nen hinendawimo ninghogo kagalhunem fisogoin elo'lego. We, hit hinendawimo fano logolik, hinonggwarek hinendawimo nenat kagalogo fisogoino.
Hat hebe pogoroba welagendek oba andoma logolik, inane hesanggo holfuluk, kino yagahesugun mene andi wogisikhi logoino o, neisena. A'nogo hilingiti logogin halok, afuni inunggulenu lombok o yi awi ti awi welagaikharek mene nen, nit hagainafuri Israel mene hebe ninelu logolik, hane hologo hilingitorek andi hak hilingiti logogun o. A'nogo hilingiti logolik, an nen o Hat hawi wuthobagagi yi faget, iren he, Allah faget hilingiti logogun oba, iluk futfikhi logogun o, neisena.
Enggere, hiren hineisena Tuhan Allah ba nek, hinendawinggen inom, hinebe inom mondok abirengge At oba nek eberek logolik hilingiti logoino. Peti Tuhan nen Wene warogo wo'ninafikhe mene a'nogo inom, samban uogeluk kabogeti logolik, hilingitu mene yi mene ti mene omanogo inom, o wuri'mo andoma fikhi logogun nen he, Tuhan Awi andi wusugun mene erora'ni,” iluk yagaisasikhe.
A'nogo yagaisasikhesik ekhe wurep lisogo yagaisikhi logolik he, ”Arigini'mo re nagoromi yogondak he, At nineisena Allah eilhanem inom, nen it afuni Tuhan againafuri Israel mene abirengge kaboksek yi ineilhanem inom, At nineisena Tuhan Allah nen awene melalek yaganisikhe mene andi mondok fifurogo hilingiti logobagaigen kino yagahisikhi lagi o. A'nogo hilingiti logogun halok he, hiren o kweang mondok fanoma yi fetaluk logolik he, hiren tagomangge mene nen taginabugun meneba mondok-mondok andoma faget hinalolegengge hakhogo wokhisagain o,” iluk yagaisasikhe.
Hat hebe pogoroba welagen oba andoma nen hesanggo holiluk inaweak honggorabethogo hilingfisano. Afuni mondogat inendawimo hilingik mene we Hat hamuat helu welagendek. Nen it Hat hagainafuri o kweang nit ninombawi inoba wogisasigin oba yoma logolik, Hat hane hologo hilingitik, Hat halong anggaluk ninailorogo welagik, hilingiti logogun nen he,
Samban ikhi logolik he, ”Tuhan neisena, an yi re Hat hobaget ninghogo hilingiti logolik, hoba lomborogo welagik, hane hologo hilingitik, ikhi lagi mene a'nogo hilingi'mo re ebetnean o. An nen he Hat hendawimo anggikhi lagen mene nek hilingiti logogin iluk mondogat hilingiti lagi o,” iluk samban isikhesik Hizkia a'nogo le hokhorogo agaikhe.
A'nogo yagaisasikhesik ekhe mel yagaisasikhe: ”Hit afuni Israel mene nerugwi nagaila'lak. Yogondak nineisena Tuhan nen he, Hiren yi'nogo hilingiti logoino, iluk yagahisili'logo mene andiat hilingiti logoino o. Nineisena Tuhan Allah agaugweratik, Aren, Yi'nogo hilingi'no, ti'nogo hilingi'no, iluk komotninabi'logo wene andi mondok higithogoat hiligitik ikhi logolik, hinebe hinendawinggen hinobabut misigat a'luk, nineisena Tuhan hinendawinggen mondok hundik logolik At faget hilingiti logoino o.
Andem oba re it afuni Yehuda mene inogogwi melalinafu mene omanogo inom, at raja Rehabeam inom he, hun Sisak a'nogo inailo nen he wulifukwasik o Yerusalem kabogesi lagaukwa. It a'nogo kaboksek were'ma re at nabi Semaya inambit wagaikhesik yagaisikhi logolik he, ”Tuhan Ane re yi'nogo ikhe, Hit he An nobagaluk enek laga-lagep andi nen he, yogondak he, An nen ogo hit herak-hinobagagimo re, at Sisak a'ma asuogeluk welagep andi, ikhe,” iluk yagaisa lagaikhe.
Hat hebe re Allah mondok katokhogo hilingitu mene logolik, afuni inendawimo hilingik mene inom, inunggul oa'ma wenggelharek mene inom isikhi lagenma re, it afuni Hat hane sagalogo hilingitarek mene andi legetfisaluk he, it afuni fano hilingitarek mene halok it andi inendawinggen wuriget fisan o, neisena.
Eberogo nenat hit he An ninom ambi asugun aro. Hit hinebe yi afuni ti afuni inanggelekwe andoma nen inom, yikwe tikwe telfolhisasigi kwe andoma nen inom, andogorogo kaboget hinobagambik, nekhengge hit hinebe An nen wokhinarek wesimbik he o kweang eroma yoma hinobagai wagik, hinebe hilingik logogun mene halogo hinobagagik, igin o. Iluk An Tuhan nen nane mondogat igi,” ikhe.
ကြော်ငြာတွေ