1 TAWARIKH 28:2 - Allah Wene Fano Wene Hupla Inane

² A'nogo kabogetukwama re at Daud a'nogo nen inelokhoma menlagaikhesik yagaisikhi logolik he, ”Nagaila'lak ninunggulenu misik mene, hinesanggo fanorogo holini o! An nen o attak andoma nenat ebeti logolik he Peti Wene warogo wo'ninafikhe mene ari, nineisena Tuhan Allah eisok fuguba faget o mondok fano mene misik ekhe wusugun iluk nendawimo wenggelhigi. A'nogo wenggelhigisik he o At fogeratuba misik ekhe wusigin iluk he o ebenengge mondogat fougerati.

1 TAWARIKH 28:2 ပူးပေါင်းရင်းမြစ်များ

KEJADIAN 48:2

Lagunem, afuni nen he, ”Yakub. Hamlogo Yusuf a'nogo weri'lago o,” iluk yagatukwama, esanggo holhikhesik he, nogo ikhi lagaikhe mene re, menlagaikhesik, oba hambuget fakhasikhesik hurek welagaikhe.

1RAJA-RAJA 1:47

Nen, it ap Daud agoromi tentara mene inogogwi kaindek Daud oba arat lagaikhasik hai wati logolik mel yagata: Hat henupogot logolik ferinarek were'ma, henu endebat hangge laga-laga meneat he, heisena Allah nen Salomo menfikhe andi, enupogot logolik ferinarek were'ma enu hokhoat laga logouwago iluk yagatama, at Daud ebe nogo ikherek oba nen eindep awi yagaisogo Allah fogerate o.

1RAJA-RAJA 5:3

”Hiram noe. Afuni inunggulenu nineralu'kwe werek mene oma nen an neisena Daud inom weim yabugun iluk ninghogo hilingisi wagu nen weim yafi lagaikhe mene a'nogo re hat helu o. Nen, Tuhan nen ogo Daud aselei mene mondogat leget fisoageluk hilingfigi'le'ma re, aren eisena Tuhan Allah Awi At obaget hilingituba a'nogo wuti'lek welagaat.

1 TAWARIKH 17:4

”Lan o! Lambik he, An namingmingengge Daud andiba re, Tuhan nen wene yi'nogo ikhe ino, O An nawi andi wusigin mene re hat he lek.

1 TAWARIKH 22:14

O Tuhan Awi andi faget he, an mondok namurururogo emas re 3.400. ton fougeti, nen perak he 34.000 ton nen taganhogo ambol kweat fougeti. Andi nen fena amu mene perunggu inom, posiemanggen mene inom he mondok wenasu elo'lekhogo omanogo andogotiat. Helep inom, e inom, ogore an nen mondogat miningisogo figi, oba nen he haren ogo fena miningisigin fanoat.

1 TAWARIKH 22:6

A'nogo hilingitukwasik he at, Daud en amlogo Salomo a'nogo wolhasikhesik, wagaikhemo re aren o Tuhan Allah afuni Israel mene nen apne wanharek mene a'nogo awi andi re yi'nogo wu'no, iluk wene melalfesikhe.

1 TAWARIKH 22:7

At Daud en amlogo Salomo ba ikhi logolik he, ”Namlogo, an o endamen engge At Tuhan Allah a'nogo along anggaluk legeisogo fikhi logolik he, o misik ekhe At Aiba wusigin iluk nendawimo anggikhi lagagi.

1 TAWARIKH 6:31

Allah nen wene warogo wogisasikhemo peti ba wurogo welagaikhe mene a'nogo waganogo o Tuhan fogerasuogeluk kabogeti lagaukwaba o Yerusalem a'nogo fei lagaukwa sambul he, at raja Daud en he ap Tuhan Awi wuri'mo wuni faget afe halhi logolik welagaukwa inap a'nogo wenagaisogo fisasikhe.

2 TAWARIKH 6:7

A'nogo isikhesigen nekhengge at Salomo nen ikhi logolik he, ”An neisena Daud en he o afuni Israel mene ineisena Tuhan Allah a'nogoba wene kabogetuba faget wusigin iluk wenggelhikhe.

MAZMUR 110:1

Neisena Tuhan nen he an noe Enupogot yagati logolik, ”Afuni hat haselei mene heisogen alperelogo fisanogen he, An nen oan hawe a'ma fisa wagi'lek werek kwelek, An nera'lu nenggi ebekwe ya hurek logoino,” iluk yagatikhe.

MAZMUR 132:14

Haren he mel isigin: ”An nebe o yoma logolik, afuni nawe a'ma fisaluk, ferinarek mondok logogin oba re,

MAZMUR 132:2

Yakub eisena Tuhan homame mondok hokho mene a'nogo nen, Hat Honggwarek henu hombuk palogo, yagahetikhe mene andi, honggorasimbik herak fugun o.

MAZMUR 22:22

An he nomame lek welagimo re no kambing andimuk hanggeba inom, singa aik werelek kabuk hanggeba inom, noasuogoluk ili'lagwi mene andomaba nentelnabime o.

MAZMUR 99:5

Nit nineisena Tuhan Allah andi nek legeisogo fikhi logoni, At ebe hurek welagarek oba andoma hineindep awi yagaisogo fogerati logoni. At ebere horek mene werek!

YESAYA 60:13

O Libanon ogoi engga enu fano welagarek mene e sin inom, ibin inom, laik inom, omanogore hat hoba ha'luk waga logogun. Andi re o An nawi a'nogo mondok hokho mene wutfembik, fanorogo pugunet foumo re obalik andoma An neisok sebelhuba logogin

YESAYA 66:1

Nineisena Tuhan nen he mel ikhe: ”Pogot andi An nebe hurek welagirek oba o. Nen, kweang he neisok sebelek welagirek oba. Andi nen he, hiren An nawi ninggi'nogo mene ekhe wurogo nobagagun nogo. Nen, An nebe logouwageluk obalik ninggini'mo ekhe nobagagun?

RATAPAN 2:1

Tuhan a'mageba hilingitunem, Sion he Aren mum meneba sebeli weri'lago. Israel enu legeisogo pogot lego welagarek po'li hak hilingik mene a'nogo re, Aren kweangma woukmirogo hugisa pi waga. At Tuhan anini nen hilingisigin sambul andi re, At aiba Sion a'nogo ogore ogal fou lek hak.

YEHEZKIEL 43:7

”Afuni wa'lagaikharek mene yi re, An nebe nagainafuri Israel mene inanggele'ma logolik it inebe nagainafuri nenggi mondok-mondok melalinafu logogin mene a'nogo re Nebe yi o. It inom ap raja inomen ogore, inandugwi kembu wurigik, nen it inogogwi raja inebe warek kweang yiba salinafik, ikhi logolik An nenu mondok horek mene a'nogo emerogo nobagakhi logogun lego.

MATIUS 25:16

Lagaikhemo re, ap 5.000 nen wanhikhe mene a'nogo uang andiba awarogo yi mene ti mene wanhi logolik, hobuk 5.000 ekhe inom mangorogo fesikhe.

ULANGAN 17:15

A'nogo hinendawimo anggikhi logolik halok he ap hiren hinoe raja ekhe heragaisogo menfogoin mene andi re at ebe hineisena Tuhan Allah nen ayonggo fikhe mene halok menfeino. Nen hit hinoe menfogoin mene andi re hit hinonggwarek hinunggulenu meneat heragaisogo menfisano, ap amu mene nen fethinarek logouwageluk menfisa fuk.

ULANGAN 17:20

Aren a'nogo hilingiti logogin halok obabut sebelasimbik, an enek fano it afuni yoma sebelek hak anggigi'lek, Tuhan Awene melalek werek mene a'nogo obabut ninggi'nogo iluk ogore sagalogo figik lek hilingitik, hilingiti logogin. A'nogo hilingiti logolik at ebe inom aren tagomangge mene inom it inunggulenu mene a'nogo halinafu mondok logogun o,” iluk yagaisasikhe.