1 TAWARIKH 26:20 - Allah Wene Fano Wene Hupla Inane

²⁰ It inunggulenu Lewi mene a'nogoba nen ap fenakwe omanogo re o Tuhan Awi wuri'mo yi mene ti mene werek mene omanogo inom, afuni Allah obaget waluk fei laga lagaukwa mene omanogo inom, halhi logouwageluk welagaukwa.

1 TAWARIKH 26:20 ပူးပေါင်းရင်းမြစ်များ

1 TAWARIKH 26:22

Hun Yehiel andi againafuri re: Zetam inom, Yoel inom, it he gudang yi mene ti mene fuguba omanogo inom, Tuhan Awi wuri'mo uang fugu mene omanogo inom halhi logouwageluk wogisasukwa.

MALEAKHI 3:10

Nunggu mene sik-pikhogo logouwageluk he, hiren nomolo mene andi mondogat waluk An Naiba fei waga logoni o. An nobabut palniikhi logoni, An nen pogoroba kwe hut fuluk yi mene ti mene mondok fano mene hit hinobaget pulel-pulel pugu kwelek hilingisogo hinobagagunem hiren neogoin aro.

EZRA 2:69

Iren he we it inenggimo were'ma hilingisu higithogo nek fei wagaukwama re, iren fei wagaukwangge andi ambisangma hilingik welagaikhe mene hunogo lombok wenagaisogo re emas re enggin 500 kilogram en hilingik welagaikhe, nen perak he enggin 2.800 nen welagaikhe, nen su jubah it ap imam labetu mene faget he 100 nen hilingik welagaikhe.

1 TAWARIKH 26:24

Hun Sebuel it Gersom ineisok erokwe mene Musa amlogo a'nogo re, Tuhan Awi wuri'mo yi mene ti mene elonggoma werek mene omanogo faget kagalek welagaikhe.

1 TAWARIKH 18:11

Waluk wagaikhemo re at raja Daud a'nogo nen he abirengge omanogo wene kabogetuba omanogo hilingitu mene iluk Tuhan obaget fesikhe. Andi nen yi mene ti mene emas, perak inom, hun Hadadezer inom it inunggulenu amu mene inom mabenet fisasikhe mene, inunggulenu Edom inap, Moab inap, Amon inap, Filistin inap, Amalek inap, omanogo mene telhikhe mene omanogo re a'nogo nek Tuhan obaget fesikhe.

1RAJA-RAJA 15:18

Andiba re, raja Asa nen emas inom perak inom o Tuhan awi elonggoma werek mene omanogo abirengge inom, nen raja ailoba werek mene omanogo inom wanhikhesik he o Damsyk hun Benhadad raja Siria mene, hun Tabrimon amlogo, hun Hezion omba a'nogoba lakfei lagaikhe. Yi mene ti mene andoma re ap at aiba yabu hilingiti lagaukwa mene inoba lak fikhi logolik wene yi'nogo inom warogo lakfesikhe,

1RAJA-RAJA 14:26

A'nogo kwi wagaikhesik aren yi mene ti mene o Tuhan Awi wuri'mo werek mene inom, raja ailoba werek mene inom, raja Salomo nen weim kwe palengge emas meneba hilingitikhe mene omanogo inom, mondogat telasukwa.

1RAJA-RAJA 7:51

At raja Salomo nen Tuhan Awi a'nogo mondogat wut fesikhesik he, o andi elonggoma ambe yi mene ti mene fugu mene faget a'nogoba yi mene ti mene perak inom, emas inom ekhe amu-amungge at eisena Daud en wogetikhe mene omanogo inom fesikhe.

1 TAWARIKH 26:19

It inunggulenu Korah mene inom Merari mene inom, oba re yabu a'nogo sumburogo wogisasikhe andi.

1 TAWARIKH 26:21

Ladan andi re hun Gerson a'nogo amlogo mene welagaikhe, nen aren he ap inunggulenu esa logalek mene ekhe taginafikhe, nen ekhe re at amlogo Yehiel andi unggulenu mene welagaikhe.

BILANGAN 8:26

Andi mondogat hilingfuluk enek he, aren ap Lewi amu mene An Nawi Sabumo elonggoma hilingitu mene andoma leberisikhi logogin, oba nen he at yabu ebe femhogo re hilingiti logogun lek. It ap Lewi mene nen yabu hilingiti logogun he a'nogo,” iluk yagatikhe.

2 TAWARIKH 8:15

It imam omanogo nen inom, it Lewi inaben inom, o yi mene ti mene fuguba gudang a'nogo faget yi'nogo hilingiti logogun iluk at Daud en enekhogo yagaisasikhe mene a'nogo re iren futfuluk higithogo nek hilingiti lagaukwa.

EZRA 8:28

An nen it ap imam omanogo inoba ikhi logolik he, ”Hit he hineisena Tuhan Allah it ninombawi nen fogerati lagaukwa mene a'nogo faget amu enogo hinobagogo andi hakhogo re, yi mene ti mene emas, perak inom afuni nen andogota mene andoma ogore amu enogo Tuhan obaget logouwak.

NEHEMIA 12:44

Andem huli re it ap fenakwe re o senggelek yi mene ti mene foukhogo logouwageluk fei laga lagaukwaba, o TUHAN Awi wuri'mo nen senggelek TUHAN obaget woge'luk fikhi lagaukwa mene inom, nomolo mene fikhi lagaukwa mene inom, tahun hundik-hundik oba yabukwe enggen ugu mene attak paluk fikhi lagukwa mene inom, halhi logouwageluk ap menfisasugu. A'nogo menfisasugumo re it ap kagalek welagaukwa mene andi nen he o kota horok-horokwe andoma nen yabukwe enggen ugu palhu mene omanogo kabogeti logolik enek logouwageluk menfisasugu. A'nogo kaboge'luk he, iren kabogetungge a'nogo re wene melalek oba hilingiti logogun aple iluk werek hakhogo it imam mene inom, it ap Lewi inap inom inoba wogisikhi lagaukwa.