1 TAWARIKH 26:1 - Allah Wene Fano Wene Hupla Inane

¹ It ap Lewi inap o Tuhan Awi wuri'mo a'nogo kagalek logouwageluk yabu sumburogo wogisasukwa mene a'nogo re yi: It inunggulenu Korah mene oba nen he hun Meselemya Kore amlogo, hun Ebyasaf eisok erokwe mene a'nogo fesukwa.

1 TAWARIKH 26:1 ပူးပေါင်းရင်းမြစ်များ

1 TAWARIKH 23:5

Nen it inebe 4.000 nen he yaga werek mene faget fisasikhe, nen 4.000 ekhe re wuniba Tuhan fogerasuogeluk pinggong fouksegenggeba anethugu mene faget fisasikhe.

1 TAWARIKH 26:2

Hun andi re at amlogomi inebe sabiren welagaukwa mene re it inebe ta'lagaukwa aple higit-higit inenu re yi: Zakharia inom, Yediael inom, Zebaja inom, Yatniel inom,

1 TAWARIKH 26:9

At Meselemya eisok erokweba nen he ap inailo mondok lek mene nek inebe 18 nen wogisasukwa.

1 TAWARIKH 6:37

Tahat, Asir, Ebyasaf, Korah,

1 TAWARIKH 9:14

It Lewi inap inenu a'makwe yi re o Yerusalem welagaukwa mene a'nogo, Semaya hun Hasub amlogo a'nogo ombawi re hun Azrikam inom, Hasabya inom. It andem he ap Merari ambisangma mene welagaukwa. Barbakar inom, Heres inom, Galal inom, Matanya hun Mikha amlogo a'nogo at ombawi re Zikhri inom, Asaf inom, andem. Obaja hun Semaya amlogo a'nogo ombawi re hun Galal inom, Yedutun inom, andem. Berekhya hun Asa amlogo Elkana omba at ebe o kota Netofa welagaikhe mene a'nogo inom welagaukwa.

2 TAWARIKH 23:19

Afuni emerek mene omanogo Tuhan apne wanhuba kwi lanogo iluk at Yoyada nen he, it ap o wuri'mo kagalek welagaukwa mene omanogo kagalek logouwageluk Tuhan Awi wuri'mo kwi laguba kwe ambe hokho palek mene omanogo ap yaga logogun mene menfisilik lagaikhe.

2 TAWARIKH 8:14

A'nogo hilingitikhesik he at eisena Daud en wene melalek yagatikhe mene higithogo re it ap imam omanogo nen yabu linggene hundik-hundik hilingitu mene faget inom, it ap Lewi inaben wuniba Tuhan enu fogeratik, it imam en wene kabogeti logolik hilingitunem omanogo leberisigik, hilingiti logouwageluk wenagaisogo fisasikhe. Nen, andi nen he at Daud Allah amingmingengge a'nogo nen wene yi'nogo ti'nogo iluk isikhe mene higithogo re it ap o Tuhan Awi wurik mene a'nogoba kagalek werek mene iluk welagaukwa mene a'nogo re o ebekwe kwi lagukwe aremnogo higit-higit wenagaisogo fisilik lagaikhe.

MAZMUR 44:1

It inunggulenu Korah mene inawuni, afuni yagaisikhi logolik agarek mene, it afuni nen wuni wulak fuluk inebe seberogo ugunem yanggulinafarek mene faget.

MAZMUR 49:1

It ekhe nen wuni wati logouwagaluk Ap Korah werekwe mene nen wuni felalogo watukwa wuni.

YEHEZKIEL 44:11

An nawi wuri'mo andoma iren yabu hilingiti logogun mene re we yabu hilingitunem leberisugu mene inom, kwe ambe pale'ma kagalek werek mene inom enek An nobaget hilingiti logogun. It he, An nobaget warogo nolhu mene iluk inom wo'netu mene inom omanogo senggelhik, palhik, ikhi logolik, iren An nagainafuri inobaget he femhogo hilingiti logogun.